مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - على بركة الله :) (https://www.masrmotors.com/vb/showthread.php?t=18995)

رد: على بركة الله :)

اقتباس:

المشاركة الأصلية كتبت بواسطة mohamed ibiza (المشاركة 124913)

5 افراد الجولف هتكفي يا باشا :) يعني عندي في الابيزا لو حجم الاشخاص متوسط بيعدوا 3 ورا و 2 في الكرسيين اللي ادام و بيبقوا زي الفل

و عندك الاكسنت اوسع من الابيزا و شنطتها واسعه الابيزا و الجولف شنطتهم صغيرة عشان هاتش باك

شكرا جزيلا اخ محمد
وربنا يسهل الحاال :)

رد: على بركة الله :)

انا دورت على صور الجولف والابيزا ولقيتهم انهم 3 ابواب بس مش عمليه بالنسبه لعائلة
لكن الاكسنت 4 عادى ومعرفش دى سهل الحصول على حاجه نضيفه منها ولا لأ
حاسس انى هروح اجيب عجله سرعات واريح دماغى لاحسن تعببت

بس انتو متنصحوش يعنى حتى ان الواحد يدخل قسط حتى لو عربيه ب 100 الف وتكون كويسه

انا اصلا كنت رافض فكرة القسط دى نهائيا عشان الفوائد الغبيه لكن حاسس ان مفيش غيره عشان تقدر تجيب عربيه كويسه

بصراحه مش عارف بقى

:(

رد: على بركة الله :)

اقتباس:

المشاركة الأصلية كتبت بواسطة Sp!deR_MaN (المشاركة 125024)

انت وقعت في صور الكوبيه يا باشا :) متخافش 95% من الابيزا و الجولف في مصر 4 باب الكوبيه بتاعهم مش كتير هنا :) عندك عربيتي اهي 4 باب و اعرف حوالي 10-15 شخص معاهم ابيزات و جولفات مفيش منهم غير واحده كوبيه و دي جولف gti مش 1300 عادية

القسط هيقرفك ماديا و هتلاقي نفسك دفعت مبلغ غبي في عربية عادية ! غير الالتزام الشهري بالاقساط

رد: على بركة الله :)

شكرا جزيلا اخ محمد على المتابعه والرد

وعشان اقدر الاقى عربية مستعملة حالتها كويسه فيين ؟؟

اصل كزه واحد نصحنى بأنى المستعمل مخدهوش غير من حد اعرفه !!

رد: على بركة الله :)

لو الناس مش بتشتري مستعمل غير من حد تعرفه مكنش حد اشتري:D

انزل سوق الجمعه تابع الاعلانات علي النت الاصحاب و انا عن نفسي لو لقيت حاجة كويسه في حدود ال 30 هقولك

و عموما اي عربية مستعمله بالكشف عليها قبل الشراء بتقدر تعرف حالتها بالضبط فا الموضوع مش صعب اوي يعني و بأذن الله تلاقي حاجة كويسه