مصر موتورز مجتمع السيارات - تقريري الشخصي عن لانسر 1300cc 2009

مصر موتورز مجتمع السيارات (https://www.masrmotors.com/vb/index.php)

- لانسر بومه (https://www.masrmotors.com/vb/forumdisplay.php?f=204)

- - تقريري الشخصي عن لانسر 1300cc 2009 (https://www.masrmotors.com/vb/showthread.php?t=18351)

رد: تقريري الشخصي عن لانسر 1300cc 2009

اقتباس:

المشاركة الأصلية كتبت بواسطة mogacar (المشاركة 122927)

طبعا انا معاك ان الخليجي احسن من المصري بس طبعا انت عارف الناس هنا موسوسة وعايزة تحافظ علي فلوسها اللي دفعتها في العربية وزي ماقلتلك ان الخليجي الكويتي احسن في المواصفات والكامليات بس العفشة بتاعتة مبتستحملش الطرق المصرية في مناطق معينة يعني جرب حضرتك وانزل منطقة شبرا الخيمة تاني او الشوارع الجانبية من فيصل ومعاك 3 اشخاص وزن 85 كيلو مثلا وقولي هاتحس بأية
اما ياباشا من حتة الشد بصراحة انا مابحولش اشد كتير لأني كنت قرآت اول ماجبت العربية موضوع حادثة حصلت بسبب الشد تسببت في مصرع طفلين فقررت معملش الموضوع دة بس ياباشا نصيحة اخوية قلهالي واحد غاوي شد لما تحب تشد شد مع عربية تساويك في السي سي يعني مينفعش تشد مع مرسيدس 2008 e250 او بي ام موديلات حديثة او باسات العربيات دية مواتيرها قوية جدا وهتحسسك باضعف عربيتك يعني ممكن تشد مع فيرنا او هونداي او نيسان صني او لوجان او متسوبيشي لأن الشد في الأول والأخر محتاج ماتور قوي و حرفنة وحفظ طريق وقلب جامد وربنا يسترها معاك في الأول والآخر
موضوع الكيك دون معلش انا مش فاهمة اوي ازاي الأول بتجيبة وانت علي 65 هيا العربية مش اتوماتك يعني بتنقل حسب معطيات الكومبيوتر للفتيس و65 تقريبا في نص التاني يعني لو تحب تسقط نقلة لازم تدوس للآخر وبعدين تسيب رجلك وتدوس تاني سنة سنة ولوعايز تعمل كيك دون تاني اعمل بنفس النظام ولا انت قصدك انك بتمشي علي النقلات اللي بعد d اللي في الفتيس بصراحة مجربتش المشي علي النقلات دية وبصراحة بخاف استخدمها لأني معرفش طريقة استخدامها علي طول ولا لازم ادوس فرامل وانقل لأن اي نقلة غلط ممكن تبوظ الفتيس فعلشان كدة مكبر دماغي وبمشي علي d علي طول وياريت مشكورا لوقصدك كدة تشرحلي ازاي
وبعدين متسمعش كلام اللي بيقولك شيل فلتر الهوا علشان يزودلك السرعة لأن لو مفهوش فايدة مكنش اتعمل وبعدين لو عملت كدة هاتدخل تراب علي الماتور وحساس rpm هايتلخبط وأسئل باردوا في الموضوع دة لأن مرة كنت بنفض الفلتر والعلبة متفلتش حلومن تحت وسمعت صوت في العربية ولا عربيات السباق وسحب العربية بقي ضعيف فاوقفت وقفلت العلبة حلو ومشيت ومسمعتش الصوت دة تاني والسحب رجع احسن فامتسمعش كلمهم وزي ماقولتلك اسئل اهل الخبرة
بالنسبة للحك ففعلا العربية مابتحكش مني في وسط البلد وفي الدقي والحتت اللي فيها مطبات هندسية واما المناطق العشوائية زي شبرا الخيمة تاني وشوارع فيصل الجانبية ففعلا العربية بتحك جامد فيها لو محملة اما لو وحدي فامش بتحك
وفعلا 1300 احسن عربية كاملة في الخليجي انما في المصري لأ لأنها ناقصة 3حاجات يعتبروا اهم 3 حاجات لأمان السيارة علي الطريق الأيرباج والaps , ebd والأيموبلايزر علشان السرقة
وشكرا علي اهتمامك بمشاركتي لموضوعك

اولا انا من المنصوره و مبحولشي امشي في اي مكان فيه مطبات و حتت مكسره كتير عشان بحب احافظ علي العربيه
ثانيا موضوع النقلات بص يا سيدي عندك بعد الd في 3 و 2 دول سيبك منهم خالص متستخدمهمشي الا في المطالع الصعبه جدا يعني في الجبل و الكلام ده و بتكون موقف العربيه خالص قبل ما تديهم النقله دا عشان تحافظ علي العربيه و هما زي ما انت شايف 2 هو الجير التاني و في عزم محترم بس مش هتحس بيه الا علي المطلع و 3 بردو بترميه لو عاوز تطلع بسرعه عاليه لفتره بس كدا كدا العربيه مش بتخليك محتجهم و الd بيقوم بالواجب و النقلات دي بتنقل لوحدها يعني مثلا لو كنت علي 2 و جريت هتجمع في التاني بسرعه و هتنقل علي لوحدها بس هتفضل العصايه عند 2 عادي يعني مش هتتحرك من مكنها مثلا الكلام ده عشان تعرفهم بس بس هما زي ما قلت ملهمشي لزمه
اما الL الي هي اخر نقله و موجوده في اغلب السيارات الجديده دي بقا وقتها مش بدور تحافظ ولا متحفظشي علي العربيه دي يعني جري متفكرشي في الحفاظ علي العربيه وقتها انت و انت ماشي لو اتكيت علي الزورار و رجعت الفتيس للأخر هتلاقي العربيه طارت بطريقه غبيه و الrbm علي اوي لغايت 7500 لفه و بعدها تلاقيها هد لوحدها و تكت البنزين مش بتوصل حاجه دا يعني اخر النلقه و توقف العربيه وقتها و تنقل للd و تبدء تمشي تاني
فأنا بقول لك لو انت علي الاول و رميت ال L هتوصل ل65 و تقف لوحدها مش هتنقل فأنا بقول لك خليك علي نقله كبيره زي ال2 او ال3 عشان لما انا رميت الL علي ال3 وصلت ل140 و انا الي هتيدت يعني العربيه لسه فيها خلق
الكلام ده كله مش بتستخدمه الا في الحاله القصوي او في تجربه السياره لاول مره لانه فعلا مدمر للفتيس لان من الاساسيات عدم النقل اثناء التحرك فهمني يا مان سرعه يعني تقول سلاموز للعربيه
عن الفلتر دا وانا كنت لسه جايب العربيه و كنت بجربها كدا من غيره و فعلا كلامك تمام هو بيدخل تراب للمكنه وبيكتر سحب البنزين و بيعمل بلاوي بس هي كانت تجربه مكملتشي ساعه
فعلا المصريه تنقصها الحجات دي بس هي موجوده في ال1600 سوبر اكشن علي حد نظري
و تحت امرك يا مان في اي وقت

رد: تقريري الشخصي عن لانسر 1300cc 2009

شكرا يامان ربنا يخليك ويبارك فيك ويباركلك في عربيتك علي فكرة المنصورة بلد جميل جدا انا قعدت فيها اربع سنين ايام الكلية كنت في حقوق المنصورة ايام ماكان سيادة المحافظ عبد العظيم وزير عميد كلية الحقوق في ذلك الوقت وكان بيعتبرني من الأصدقاء الشخصيين لة بحكم اننا كنا بنسافر مع بعض علي طول في القطار المكيف طبعا لأننا كنا ساكنيين في القاهرة وبصراحة اي حاجة مكنتش فاهمة في المحاضرات في اي مادة مكنش بيبخل علية في شرحها وبس دة مايمنعش اني كنت بروش :260309~146: في اوقات عدم وجود محاضرات وبنقعد في جزيرة الورد و في فندق مارشال وبنتمشي في العباسي وغيرة من الحتت الجميلة اللي عندكم وان متشكر ليك علي المعلومات اللي انت قولتهالي

رد: تقريري الشخصي عن لانسر 1300cc 2009

تسلم ايدك علي التقرير ,,, و ربنا يباركلك فيها ,,,

رد: تقريري الشخصي عن لانسر 1300cc 2009

اقتباس:

المشاركة الأصلية كتبت بواسطة mogacar (المشاركة 123171)

ياااااااااا
دا احنا نفس الكليه كمان مع اختلاف السن و كمان كنت في بلديptmnlo123per122(طب ما تشوف لنا الراجل ده ينجحنا ولا حاجه و هقول لك علي كل اسرار السواقه الي اتعلمتها في سنينptmnlo123per1147)
كان شرف لي ان تكون موجود في موضوعي و انا سعيد جدا لتفاعلك و اي خدمه انا تحت امرك في اي وقت

اقتباس:

المشاركة الأصلية كتبت بواسطة MaXx (المشاركة 123182)

تسلم ايدك علي التقرير ,,, و ربنا يباركلك فيها ,,,

تحت امرك يا مان

رد: تقريري الشخصي عن لانسر 1300cc 2009

اقتباس:

المشاركة الأصلية كتبت بواسطة medo akef (المشاركة 123237)

ياااااااااا

دا احنا نفس الكليه كمان مع اختلاف السن و كمان كنت في بلديptmnlo123per122(طب ما تشوف لنا الراجل ده ينجحنا ولا حاجه و هقول لك علي كل اسرار السواقه الي اتعلمتها في سنينptmnlo123per1147)
كان شرف لي ان تكون موجود في موضوعي و انا سعيد جدا لتفاعلك و اي خدمه انا تحت امرك في اي وقت

ههههههههههه ربنا يخليك يامان علي فكرة انا خريج دفعة 1996 يعني من 14 سنة يعني زمانة نسيني وهو حاليا يشغل منصب محافظ القاهرة حاولت اروحلة المحافظة من سنتيت كان عندي مصلحة هناك فقلت اعدي علية واسلم علية واشوف فاكرني لسة ولا لأ بس للأسف مكنش موجود شد حيلك يامان حقوق المنصورة من اصعب كليات الحقوق في كليات الأقاليم ربنا معاك وبالنجاح والتوفيق ان شاء الله وانا والله اللي لية عظيم الشرف في معرفتك ونصيحة أخوية بلاش الشد والسرعة المبالغ فيها وخد بالك من الأخرين ومن نفسك :waving::waving: