رد: اختبار قياده و ملاحظات على النيوسيراتو أول 700كم
 

هيه العربية فيها تحكم فى ارتفاع الكشافات الامامية ؟؟

رد: اختبار قياده و ملاحظات على النيوسيراتو أول 700كم
 

مش فاهم قصدك قوى ! لكن اللمض ثابته و ما فيش زراير لخاصيه زى كده !

لكن فيه على شمال الدركسيون زرار يعلى و يوطى شدة اضائة التابلوه و مش متأكد بيعلى و يوطى

النور الخارجى علشان ما حاولتش أعرف بصراحه ! عمومآ هيه نوره بالاضافه للفوجات مش محتاج

أى تعديل و لا زينون و لا يحزنون !

Dr. Bolbolan ptmnlo123per1147

رد: اختبار قياده و ملاحظات على النيوسيراتو أول 700كم
 

نكمل بأه بالنسبه للموتور والسحب ! أول لما تدور و بدون ضغط على اكسراتير البنزين ! تسمع صوت المارش

سريع و أنيق ( مثل مارش موتوسيكل الياماها ) و السياره بتلقط و تدور بسرعه ( ما شاء الله ) ! و الدوران

منتظم ! و تبص على ال RPM تجده ثابت على 6000 لفه و حتى بعد ما تمشى بالسياره و تقف فى أو اشاره

همه ال6000 برضه و مافيهوش ذبذبه ! طبعا انت بتطلع على ال D و وبتشوف فى العدادات علامه باسم النقله

لو على الآوتوماتيك و رقم النقله لو على الستربتوترونيك مثلا 1 - 2 -3-4 و هكذا ! و ده ما يخليكش تبص ناحية

عصاية الفتيس خالص ! كمان النقلات الآوتوماتيك ناعمه جدا و لا تحس بالنقله الا لو دايس بنزين جامد و كنت حساس

قوى و واخد على الآوتوماتيك ! كمان عصاية الفتيس بتمشى فى مجره متعرجه بحيث لا يمكن تخطىء و تجيب

نقله انت مش عايزها ! و كمان التحويل من أوتوماتيك الى شبه المانيوال بيتم بسلاسه جدأ من عند نقطة ال ( D )

و حسب سرعة السياره بيطلع لك على الشاشه رقم النقله المفترضه اللى انت عليها حاليآ بسرعتك دلوقت !

السحب ....خرافى ( على الآقل بالنسبه لى ) ! و سلس يعنى تقدر تقول السهل الممتنع ! و التكييف ليس له أى

تأثير على السحب أو سرعة السياره ! ومش فارقه معاها سايق لوحدى أو خمسه عتاوله فى السياره !

و سرعتها وسحبها بتسعدك كثيرآ فى عدة مواقف خاصة لو كنت متعود على سياره 1300 و التكييف بيؤثر عليها !

مثلا بتساعدك فى التخطى بسهوله ! و فى عمل اسات من خرم ابره فى لحظه و بتقرب المشاوير و الوقت لو

الطريق سالك ! بس لو كنت غشيم سواقه ( Sorry ) أو حتى بتسوق من سنين و مش واخد على السواقه ! فهى

ستكون خطيره شويه عليك ! و عمومآ برده هيه مانطتش منى ولا مره ولا أول مره ! مش عارف حرفنه منى أم

هى مضبوطه على كده ! و عمومآ الآوتوماتيك وانت على الدرايف وشايل رجلك من على البنزين بتمشى برده

بسرعه بسيطه ! ولكنها هنا أبطأ من الكورولا اللى أقل منها فى السى سى ( طبعآ قصدى على السلانسيه فقط ) !

بأحط لها بنزين 92 و الحمدلله ما بتسقفش ولا بتسك لا فى مطلع ولا غيره ولو عملت كيك داون فالاستجابه فوريه !

و كفايه كده النهارده و......( يتبع ) !

ملحوظه : معذره على بعض التفاصيل الممله التى قد يعتبرها البعض بديهيه أو معروفه ! و لكن حرصى على ان كل

الناس تعرف كل التفاصيل حتى للى لم يركب أوتوماتيك قبلا هو السبب فى ذلك وشــكرآآ !

Dr. Bolbolan ptmnlo123per1147

رد: اختبار قياده و ملاحظات على النيوسيراتو أول 700كم
 

لا العربيه مفيهاش تحكم فى ارتفاع الكشافات الاماميه على الاقل فى الموديل SX اللى عندى و الزرار اللى على شمال الدركسيون ده زى ما الدكتور قال , خاص بالتحكم فى شده نور التابلوه و الكاسيت و الزراير اللى حواليه

رد: اختبار قياده و ملاحظات على النيوسيراتو أول 700كم
 

سؤال بعد اذن حضرتك يا دكتور , هو الكيك داون ده بيتعمل ازاى , انا لسه مجربتوش خالص و هل غلط انه يتعمل اثناء التليين و لا مفيش مشكله ؟

و لتصحيح المعلومه اتذكر ان الانتقال لل Sport Mode او نظام الستيب ترونيك بكون من وضعية ال D و ليس ال N*