مصر موتورز مجتمع السيارات - مين طلع من مين وليه

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - مين طلع من مين وليه (https://www.masrmotors.com/vb/showthread.php?t=17210)

رد: مين طلع من مين وليه

اقتباس:

المشاركة الأصلية كتبت بواسطة AboNoRa (المشاركة 112326)

شكراً يا شريف على الشرح المبسط والمقنع بس قولى البرايد بيركبلها انهى موتور 1800 موتور ايه يعنى علشان سمعت ان بيركبها موتور المازدا مياتا بس كل اللى بشوفه متعدل فعلا بيبقى راكبلها موتور الريو ال 1500 اتنين كامة وشدادات وتغيير فرامل وحكاية اللى يسقطلها 1800 ديه تبقى دراج وبس بيتهئلى صعب تتساق فى الشارع ولا ايه رايك ؟

فعلا هو موتور المازدا مياتا 1800
و أكيد ممكن تتساق يومي عادي بدون مشاكل
تعديل الدراج بس بيكون ليه مواصفات تانية وبيكون في الاغلب فيه ستروكر

الشدادت مهمة على الاقل4 شدادات فوق وتحت و إلا الشاسيه هيفتح

بس هتكون راكب عربية طلقة

لو نويت نبقى نتكلم في التفاصيل ان شاء الله

رد: مين طلع من مين وليه

اقتباس:

المشاركة الأصلية كتبت بواسطة محمد مجدى رينوهاوى (المشاركة 112358)

الف شكرا يا استاذ شريف على الموضوع الحلو والخفيف
وانا كنت بتوقع اكتساح المايفيك بس البيجو كشرت عن انيابها بردو ptmnlo123per111
اما الجولف فهى كنت متوقع طلعتها عن البيمر بسبب وزنها وسحباها الامامى زوى الافضلية وخفة الوزن :HAPPY_~211:

وكان عندى سؤال عن تعديل بسيط كدة عربيتى كاربيراتير 1300 ولو حبيت ارفع الكفائة شويتين ثلاثة كدة من غير مأثر على الموتور مستقبلا اية ؟ راى حضرتك لو كبرت مواسير الشكمان بدرجة عن التى هى علية وركبت علبة شكمان رياضية دة بالاضافة الى توسيع البكات بتاعة البنزين فى الكربيراتير ووضع فلتر هواء رياضى كدة هاكون عملت المعادلة صح ولا ينقصنى شى ؟؟؟؟؟؟؟؟؟؟؟؟؟؟؟؟؟؟؟ptmnlo 123per1127

شوف في واحد صاحبي عمل بروجكت على اللانسر ال 1300 كربراتر ستوك بتطلع من عربيات كتير 1600 وفعلا ماشاء الله عليها بقت قوية نوعا ماقياسا على ماكانت قبل التعديل

هتروح لمحمد لطفي في عين شمس - مش هقولك هات شكمان رياضي - هتقوله فصلي شكمان للعربية دي مواسير 2 ويفضل 2 وربع بوصه ستانلس ستريت مش متكسحة و هيدر 4 في 1 نفس المقاس هتديله القديم وتدفع فرق حوالي 200 جنيه

البوجهات بلاتنيوم نجق بنفس رقم الموتور مع السلوك وسيبك من السبلت فاير حوالي 250 جنيه

فلتر مثلث بركب مكان العمة 150 جنيه ويفضل تفتحله فاتحة في الكبوت بشبكة فيها عازل مخرم

هتجيب فلاي ويل وترس الكرنك سبور

كده هتكون صرفت 1000 + جنيه ويمكن أقَل لو جب الحاجات بعد الحاجات مستعملة
في حاجات تانية بس حرام مصاريف على الموتور ده أكتر من كده

شيل أي حاجة مش ضرورية من عربية حتى علشان استهلاك البنزين

هتحس بفرق هيعجبك ان شاء الله

رد: مين طلع من مين وليه

اقتباس:

المشاركة الأصلية كتبت بواسطة mahmoudnada80 (المشاركة 112362)

موضوع شيق جدا وحاسس اني راكب العربيات او انا الي بجربها
ثانيا موضوع الوزن ده اساسي في اي سباق شد والا مكانش في ناس بتركب الكاربون فايبر
وانا شفت واحد مركب كبود علي بي ام 315 وزنه حوالي 2 كيلو ومكنتش مصدق غير لما شفت بعيني
وبالمناسبه عربيه 206 2000 سي سي بالهيدر ولا جولف 4 2000 سي سي بالهيدر

أنواع المواتيير إيه

ومقاس الهيدر كام وشكله إيه

رد: مين طلع من مين وليه

اقتباس:

المشاركة الأصلية كتبت بواسطة hazem_khidr (المشاركة 112449)

موضوع رائع يا شريف باشا
انا جيت متاخر و لسه واخد بالي حالا
بس بصراحه مستمتع بالكلام
ptmnlo123per171

شكرا يا حازم

أنا كمان برد متأخر معلش

رد: مين طلع من مين وليه

اقتباس:

المشاركة الأصلية كتبت بواسطة Nour_peugeot (المشاركة 112587)

ال 205 برده غبيه بس انا شايف من راي شويه تعدبلات بسيطه معا الموتور ال mi16

بس منغير تيربو تطلع من عربيات كتير جدا جدا

يعني مثلا ( شكمان كامل + فلتر هواء + msd + رشاشات و كمبيوتر رياضي و ترمبه بنزين اقوي هتبقي الدنيا جامده اوووووووووي ) و اعتقد حتي المايفك بعد التربيه هتلاقي صعوبه عشان تطلع رغم ان فرق المواتير 60 حصان كاملين يعني مش حاجه سهله و رغم ان ال 205 فضلت سبقه لغايه 180 ده يدل برده علي ان الايرو ديناميك بتاع ال لانسر افضل من ال 205 و ده برده حاجه تتحسب لي ال لانسر

و شكرا علي الموضوع اللذيذ

و اكيد يا اتاذ شريف انت عارف سر تفوق (سرعه تجميع و غباء الموتور ال mi16 )

, الموتور ده ناوي اركبه عندي قريب جدا ايه رايك ؟؟

مبروك خطوة ناجحة وبيعمل اداء كويس على 405 بس أكيد مش زي مايكون على ال 205

بس شوية تعديلات زي اللي إنت كاتبها دي و تطلع معاك ولو عمل تيوننج صح للكمبيوتر وحطيت نايتروس كيت تبقى عديت

بس رجاء

لو أول مرة تركب عربية فيها موتور رياضي

تركبه بفرامله بعفشته

تلين أول 1000 كيلو
علشان تختبر كفائة العفشة والفرامل والاجزاء الاستيراد اللي إنت جبتها

أول 5000 كيلو مفيش جري ولا شد ولا استعراض عضلات

علشان ماتلاقيش نفسك طالع فوق الرصيف أو حاطت كبوتك على شنطة اللي قدامك

حصلت كتير اقربها واحد صاحبي أول مرة يركب عربيه رياضية وكانت حوالي 200 حصان

فقد السيطرة وسط البلد واتقلبت وكان سواق قديم

فرق الأحصنةأنا شخصيا مبدهوش اهتمام كبير في بعض الدرجات اللي بعملها في حسابات تانية

أول امبارح عملت دارج مع جولف 400 حصان والكل كان متوقع خسارة للعبد لله لكن الحمد لله كانت النتيجة بالعكس وبفارق كبير الحمد لله