مصر موتورز مجتمع السيارات - محتاج نصيحه و تشجيع

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - محتاج نصيحه و تشجيع (https://www.masrmotors.com/vb/showthread.php?t=16117)

رد: محتاج نصيحه و تشجيع

استاذ احمد الموضوع ده بيحصل مع ناس كتير اوي وهقولك حاجه بس متزعلش مني
انت محتاج ثقه اكبر في نفسك (يعني محدش من الي بيسوقو احسن منك , لازم تقنع نفسك بكده) , ولازم تكون متأكد ان مفيش حد اتولد سواق ,لأن كل حاجه بنتعلمها من الزيرو.
وانا اخويا كان عنده نفس المشكله بالظبط , وكان بيرتبك اوي لو حد راكب معاه غريب ودايما بيبقى حاسس ان الناس كلها بتراقبه وبتبص عليه وده لازم يولد اخطاء عبيطه انت في العادي مبتعملهاش . بس هو اشترى عربيه لوحده وفضل يخبط ويرقع بيها لأن هو كانت سواقته مش كويسه( يعني غير حضرتك كمان)
بس دلوقتي ما شاء الله عليه بقى زي الفل.
فانت حاول تنفض لكل الي حواليك وتركز بس في التاره وتحاول تلاحظ الناس الي بتسوق من زمان وتتعلم منهم الحاجات الي انت حاسس انها ناقصاك . وربنا يوفقك يا رب .

رد: محتاج نصيحه و تشجيع

اقتباس:

المشاركة الأصلية كتبت بواسطة حازم شاهين (المشاركة 101206)

طبعا الأخوة قالوا كل حاجة تقريبا
و الخوف و القلق ده طبيعى بيقل شوية شوية مع التعود على العربية و التعرض لمواقف أكتر
مش إنت لواحدك كده لكن الأغلبية كانت بتخاف و تقلق لما تيجى تسوق
أنا كمان عندى نصيحة ممكن تجربها
ما تعودش نفسك تسوق لما يكون عندك مشوار بس
بالعكس جرب تسوق العربية و إنت فاضى خدها لفة
جرب تتمشى بيها
أو تتفسح
جرب تسوق و إنت مش مشغول بأى موضوع و مواراكش مواعيد و مانتاش قلقان من مكان الركن
جرب تسوق و إنت رايح تتعشى عشوة حلوة أو و إنت خارج جرب تروح بالعربية لمكان بتحبه
و مايهماكش لو حصلك أى موقف أتخن تخين بتحصله مواقف أتخن تخين العربية ممكن تعطل منه وسط الطريق أتخن تخين ممكن يحك عربيته فى أى حاجه أو الناس هى إللى تحك بيه
أهم حاجة بس تخلى قلبك كبير و تراعى إن الناس إللى ماشية على رجلها دى بشر من لحم و دم و إنهم أضعف حاجة فى الشارع و إن فيهم التعبان و العيان و المقهور و الغلبان و الحران و العطشان و الجعان يعنى حن عليهم شوية علشان ربنا يكرمك
و بالتوفيق إن شاء الله

الله ينور عليك يا حازم باشا و الله
و فعلا مفيش حد كبير علي السواقه
و ممكن تحصل حوادث لاي حد
و ربنا يسترها معانا جميعا
و تسلم ايدك يا حازم باشا

رد: محتاج نصيحه و تشجيع

لنا في الاول كنا كدة بس الفرق انك لازم تنزل كتير بالعربية وسيبك من هم الركنة والكلام الفاضي دة هتلاقي اماكن والي عايز يركن بيركن ولازم تدخل في شوارع ديقة وتحاول علشان الرهبة الي عندك ترووح مفيش حاجة تيجي بساهل علي فكرة انا لسة مطلع الرخصة بقالي حوالي 6 شهور بس بسوق من 3 سنين من رخصة
بس تحت البيت طبعا كنت اجرب اطلع وادخل واروح شواع ديقة هتحس بفرق لما تغامر بس اهم حاجة ان السواقة مفهاش كبير يعني محدش ياخد في نفسوا ثقة زيادة اوي

رد: محتاج نصيحه و تشجيع

متشكر يا جماعه جدا على اهتمامكم و نصيحتكم
بجد انا مكنتش هلاقى حد يعمل معايا كده

رد: محتاج نصيحه و تشجيع

اقتباس:

المشاركة الأصلية كتبت بواسطة a7lahamada (المشاركة 101327)

+111111111111111111111111 1111111