رد: عربيتك نوعها إيه ؟؟؟
 

يعنى كده نقدر نقول ان معظم الناس نفسهم فى عربيات بى ام
يلا نشوف بقيه الناس

رد: عربيتك نوعها إيه ؟؟؟
 

فى مصر معايا سبرانزا A620 ... 2000CC.... أوتوماتيك .... 2007 .... صينى ... ياااااى ....ptmnlo123per168
الخطة من سنتين كانت ميجان هاتشباك أو أوكتافيا A4 بدلا من عزيزة سكودا فيليشيا.... الميجان هاتشبك لم تعجب الحكومة العسكرية و فضلت السيدان .... لكن قالولى تركى .... فضل الأوكتافيا ... وفعلا هانحجز قالوا الموديل A4 سيتوقف إنتاجه ..... و فجأة فى وسط الحيرة شفنا ال A620 .... بصراحة خطفت قلبى و عينى .... سألت عليها ... قالولى إبعد يا عم ... دى صينى ... ياااااى .... و أنا كمان قلت لا يا عم ياااااااع ... رجعت أجازة بعد ستة أشهر ... لقيت 2 من أصدقائى معاهم العربية و مافيش فيها مشاكل.... جربتها و قلت هى دى ... صينى صينى توكل على الله.... حجزتها و إستلمتها فى مارس 2007 .... وتم الإستيلاء عليها تماما من قبل الحكومة العسكرية ...
تقييم العائلة للعربية : جميلة جدا جدا وبها كل ما تتمناه .... وأدائها ممتاز ...ولا توجد شكاوى أو مشاكل ... علما إن زوجتى لديها خبرة سابقة ممتازة بالسيارات.

تقييمى أنا الشخصى :
أولا المميزات :
العربية فيها كل الكماليات التى تتمناها أو جربتها و كنت تحلم بها فى سيارة بمصر (ثبات رائع،أوتوماتك سلس، تكييف ديجيتال، كرسى كهرباء، شاشات فى سى دى، موتور ميتسوبيشى صينى،صالون داخلى جميل جدا، إتساع داخلى كبير، وسائد هوائية أمامية، ABS، شنطة واسعة، فرش جلد شيك جدا ، تابلوه معقول، فتحة سقف، ستائر خلفية .... )
السعر جذاب جدا لسيارة 2000 سى سى ....
قيادة جميلة وناعمة للعربية .
ثانيا : العيوب :
تسارع العربية أبطاء مما أنا معتاد عليه فى الأتوماتك ... سرعة الإستجابة عند الطلوع من الإشارة و عند المنحنيات كان المفترض تكون أفضل ... التبرير فى التوكيل أن حجم ووزن السيارة له تأثيره!!!!!!!
إستهلاكها للبنزين عالى نسبيا .... تختلف من سيارة لأخرى... التوكيل بيقول معدلها عادى لسيارة 2000 سى سى!!!!
تشغيل التكييف يؤثر على الأداء .... و التكييف كان يجب أن يكون أقوى.... للأسف التعديل المصرى الخايب!!!!
تقفيل مصرى ....جميل كالعادة!!! بعض الخامات ضعيفة.... و إن الأغلب جيد.
أداء التوكيل : متوسط ... ليس سئ و ليس ممتاز .... بحالات... لكن مقبول (بالمقارنة بالتوكيلات الأخرى خارج مصر بالدول العربيةلا فرق تقريبا .... كله منيل ...)

تقييمى العام : العربية جميلة جدا لإمكانياتها و سعرها .... أدائها سلس و جميل ... الحقيقة كل ما أركبها أقول بسم الله ما شاء الله ..... ربنا يبارك فيها .... و اللأهم بالنسبة لى رأى العائلة لأنهم فعليا من يستخدموها .... و الحمدلله إنى وفقت فيها .... و لو رجع بى الزمن لكررت نفس التجربة ... أللهم لا حسد ...ptmnlo123per179

سؤال : هل تنصح بشرائها ؟؟؟؟ كل واحد له ظروفه .... بالنسبة لى محتاج سيارة عائلية للتوصيل للمدارس و الزيارات و التنقلات و ليس للشقا و البهدلة ....

و نفسى فى إيه :أساسا أنا الحمدلله مش ناوى .... لكن ممكن نحلم : باسات FT .....أو كرايزلر 300 .... شفتهم فى مصر كتير جداااااااا

أما سيارتى أنا برة مصر .... قصة تانية ...ptmnlo123per1100

رد: عربيتك نوعها إيه ؟؟؟
 

تقرير كامل تمام جدا يا استاذ طارق
وتقييم حيادى ممتاز

رد: عربيتك نوعها إيه ؟؟؟
 

فغلم (بالميم) تقرير جامد جدنننن

بجد حضرتك يا استاذ طارق نموزج لمستهلك ذكى عارف عايز ايه وازى يوصلة باقصر الطرق

بس بردو لازم نعرف عربية حضرتك برة ايه ptmnlo123per135 واية رايك فيها برضو وبنفس التفاصيل زى ماكتبت عن الوزة الكبيرة ptmnlo123per136

رد: عربيتك نوعها إيه ؟؟؟
 

opel vectra 2000cc cd model 1997
العربية د بأة أنا مكنتش متوقع منها كدا خالص بجد بجد تحفة وسعة بطريقة غبية تسارع ممتاز كماليات جامدة جدن على الفترة إلي نزلت فيها وإن كان يعيبها بردو التجميع المصري الخرافة الزفت وإستهلاك البنزين
حلمي اني أجيب مرسيدس أو فيات ومتسئلنيش ليه ptmnlo123per3