مصر موتورز مجتمع السيارات - من فضلكم عايزة حد يساعدني ( يا رب المرة دي )

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - من فضلكم عايزة حد يساعدني ( يا رب المرة دي ) (https://www.masrmotors.com/vb/showthread.php?t=13779)

رد: من فضلكم عايزة حد يساعدني ( يا رب المرة دي )

انا رأيي تجيبي بيكانتو مو 2005 او 2006 هاتكون حلوة جدا ليكي وهتريحك خالص

رد: من فضلكم عايزة حد يساعدني ( يا رب المرة دي )

اقتباس:

المشاركة الأصلية كتبت بواسطة fatafet21 (المشاركة 83066)

ميرسي جدا يا أ/حازم وده عشمي فيكوا مش عايزة اقولك انتوا بالنسبة لي ريفرينس مهم جدا .....فعلا انا وقعت فترة كده كانت النت بايظة و بعدين جيت تاني بس شكلي هاقع تاني علشان المدارس بدأت :)

انت عارف انا مشكلتي الحقيقية اية ان مفيش حد بيفهم يروح معايا اشوف العربية انا بادور واجيب عربيات واكلم الناس وبعدين هاروح اشوفها لوحدي من غير حد فاهم و لقيت حاجات كنت احس انها كويسة بس .....

و بعدين انا مواصية سمسار يجيب لي عربية مش عايزة اقوللك عامل فيا اية و انا مضطرة استحملة وكل شوية

اكلمة (ان كان لك.......) لانة المفروض انه معرفة وهايجيب حاجة كويسة و محاسسني ان مفيش عربيات في الدنيا عليها القيمة فعلشان كدة اتخنقت و قولت خلليني في الزيرو .
بس يا سيدي هي دي الحكاية ....ها نمت مني ولا لسة ptmnlo123per1101

معلش اخر حاجة وهامشي هو دلوقتي بيقول لي في جولييت 2001 علي 45000 و برضوا كيا ريو 2004 علي 45000 بس كالعادة انا لسة ماشوفتش حاجة انت رايك مين احس ؟؟؟؟؟؟؟ بس خلاص مش هارغي تاني ptmnlo123per133

اهو شوفت لسةباقول ايه اهو اتصل واعتذر كنا المفروض هانشوف الجولييت انهاردة ...حسبي الله

العفو يا فتافيت هانم علي ايه بس شكرا و بتاع
احنا اخوات كلنا و المنتدي دا معمول علشان نتكلم عن العربيات
يعني مافيش زهق ولا فيه اي حاجه
انا عن نفسي ببقي مستمتع و انا بكتب او بتكلم عن العربيات لان دي هوايتي الوحيده في حياتي:)
وانت باين عليكي انسانه ذوق وكلنا هنا بنعتبرك زي اختنا فأكيد محدش حيمل ولا يزهق من اسئله اخواته وربنا يقدرنا و نقدر نساعدك
انا عارف ان موضوع شراء العربيات دا مش حاجه سهله بس محتاجه صبر لحد ما تجيبي اللي علي مزاجك
و كل السماسره و التجار بيقولوا مفيش عربيات و الكلمه دي في لسانهم دايما(حتي لسه سامعها انهارده و سمعتها و انا بشتري عربيتي و ماسمعتهاش و انا ببيع عربيتي القديمه!!!)
و دايما بيتقال كده علشان توافقي بأي عربيه يجيبهالك و تقبليها بأعتبار ان مافيش عربيات
و نص العمي ولا العمي كله و كده
بالنسبه للعربيتين فالجوليت تمنها كده زايد 3000 او 4000 باعتبار ان حالتها نضيفه جدا كمان
لان اللانوس الموديل دا بتتكلم في 42 الف او اقل و الجوليت تمنها اقل من اللانوس
لانها هاتش باك و مالهاش سوق زي اللانوس و بالتالي ابعدي عنها.
الكيا ريو 2004 العن و اضل مافيش حد بيحبها ولا حد بيشتريها و لو جابت 40 الف يبقي تمام
دا لو ما جبتش اقل من كده كمان يعني ال 45 الف دول يبقي حرام.
انا من رأيي
يا أما تستني لحد ما تقع عربيه i10 لطيفه قدامك و موديل 2008 مثلا
او كيا بيكانتو موديل 2005 او 2006 مثلا.
يا اما لو مستعجله ممكن تدفعي ال50 الف مقدم لهيونداي i10
ويتبقي 10 الاف ولا 15 الف تقسطيهم علي سنتين او تلاته مش حتحسي بيهم
و يبقي كده جبتي عربيه زيرو وانت اول راكب لها و خلاص.
و معلش استحملي شويه اللي خلاكي تصبري الفتره دي اصبري كمان شويه
و انا تحت امرك في اي استفسار:)

رد: من فضلكم عايزة حد يساعدني ( يا رب المرة دي )

يا ست الكل
انسى كلام السماسره خالص وركزى فى حاجة واحدة بس
عربية كسر زيرو يعنى عدادات بالكتير 40 - 50 الف كم وموديل سنة او اتنين فاتو بالكتير
ومش محتاجة سمسار حتى لان السماسرة ساعات بيتعنطزو على بيعة العربية الصغيرة علشان عمولتها بتبقى قليلة فيها
تابعى الوسيط ومجلة عربيتى واعلانات مواقع الانترنت ودورى على عربية بالمواصفات ديه

اما عن الكشف على العربية ديه بسيطة حضرتك بس الاول تروحى تعاينى العربية ولما تحسى انك راضية عنها شكلاً وبعينك المجردة مش شايفة اى حاجة تدايقك فيها ابعتيلنا نرتبلك موضوع الكشف على العربية ده فى اى مركز من مقدمى الخدمات اللى مشتركين معاهم افتكر ابوغالى كان الكشف الكامل على العربية ب 100 جنية او اقل بس المهم تتفقى مع صاحب العربية على السعر وعلى الحالة انها زى ما بيقول وهو لما يعرف من اولها انك هتكشفى عليها فى توكيل من بنزينة ولا عند ميكانيكى هيقلق يكدب عليكى

ومعلش الموضوع بيبقى صعب شوية علشان الواحد مش محدد عايز ايه بس لو ركزتى على كسر الزيرو فى الرينج ده بس لمدة شهر واحد ان شاء الله هتلاقى وموضوع الكشف محلول زى ما قولتلك

اما موضوع البرايد فانا اقصد البرايد الجديدة سواء زيرو او كسر زيرو برضو

رد: من فضلكم عايزة حد يساعدني ( يا رب المرة دي )

بجد انا مش لاقيه كلام ارد بيه علي كلامكوا و مش عارفة اعبر عن شكري ليكوا يا ابو نورا ويا حازم بجد ونعم الاخوة اسمحولي....مش خلاص احنا بقينا عيلة:funny25:
انا بجد اول حاجة باعملها لما تكون ادامي عربية باكتب لكوا وباستني رايكوا لاني باثق فيه فعلا و حاسة بجد انتوا مش بتبخلوا علي حد وواقفين مع كل الحيرانيين اللي زيي من غير ما تزهقوا ومتابعينهم باهتمام ptmnlo123per122
انا سعيدة جدا اني اتشرفت بمعرفتكم و بجد مش لاقيه كلام ارد بيه

ربنايكرمكم ويجازيكم خير علي وقوفكم جنبي و مساعدتكم ليا و يا رب ماكونش تقلت عليكوا

معلش اتاخرت في الرد علي كلامكم الحلو لاني كنت واقعة الكام يوم اللي فاتوا :waving:

رد: من فضلكم عايزة حد يساعدني ( يا رب المرة دي )

ptmnlo123per1127طب متجيبى 128 تتعلمى عليها كويس و تدوسى فى السواقة ومش هتكلفك كتير بس 13 او14 الف ويكون ظبطى مبلغ كويس تبيعى 128 ومش هتخسرى فيها كتير وتجبى حاجة كويسة زى البيكانتو او i10 ومتتخبطش منك عشان متزعليش