مصر موتورز مجتمع السيارات - رأيك أيه في الفكره دي ؟

اقتباس:

المشاركة الأصلية كتبت بواسطة Ahmed_lol2007 (المشاركة 83475)

بصراحة هيا فكرة جامدة
بس ليها عيب ممكن تأجر أى حاجة من أى مركز وبعدين تبوظ لا قدر الله
يبقى إيه الحل وبعدين ساعتها صاحب المركز هيعمل هوليلة ويقولك دى كانت بمليون جنيه وجيبلى غيرها
وبعد ما تجيبلو واحدة زى اللى باظط بالظبط يقولك دى تقليد أو مضروبة أو فيها عطل ويطلعك غلطان
عشان كدة أنا بفضل أشترى الحاجة عشان لو باظط يبقى مفيش مشكلة
وتقبل مرورى

إللي أوله شرط أخره نور ومفي النهاية لو باظت تدفع تمنها وتاخدها :pod_of_gold:
المشكلة إنك مضطر إنك تشتري حاجه مش بتستخدمها إلا نادرا ودي في حد ذاتها عيب كبير

اقتباس:

المشاركة الأصلية كتبت بواسطة طارق ملهم محمد (المشاركة 204203)

علي راي المثل شرا العبد ولا تربيتو

ماهو يا أ.طارق أنت لا هاتشتري العبد و لا هاتربيه أنت يا دوب هاتأجره لمدة بسيطه وهاترجعه تاني :hech:

اقتباس:

المشاركة الأصلية كتبت بواسطة aymangalal (المشاركة 217250)

الفكره بتاعة ايجار لوازم السفر دى كويسة لكن ماتنفعش غير بين المعارف او اعضاء منتدى زى اللى هنا عارفين بعض ولو من خلال المنتدى
يعنى لو فيه حد عنده حاجه يأجرها ممكن يعلن عنها واللى هيستاجرها يكتب وصل بيقمة الحاجه الحقيقية ولما يرجعها صاحب الحاجه يعاينها وكلها هتبقى كلام بسيط طالما اتوفرت الذمة والامانة بين الطرفين

كلام جميل جدا وممكن ندرس الحكاية دي بيننا وبين بعضنا ونشوف
شكر وتقدير

اقتباس:

المشاركة الأصلية كتبت بواسطة احمد بدر1978 (المشاركة 217757)

ممكن اعرف الروف راك بكام

أنا شخصيا أشتريته من التوفيقية بحوالي 500 جنيه أو 550 مش فاكر بالتحديد وكان اكبر مقاس لأاني ركبته على العربية الـ"جراند تيريوس"
وكان نوعية كويسه قوي وأستخدمته في سفرية واحده و من يومها ماستخدمتوش وحتى لما بعت العربيه بعتها بيه مع أني فكرت أني أفكه واخليه ليا بس حسيت إنهاهاتبقى حركه معفنه مني خصوصا إن الراجل شاف العربيه به معانه كان طالع من عيني والله :cry2W9:

اقتباس:

المشاركة الأصلية كتبت بواسطة ابو جودة (المشاركة 225859)

فكره ممتازه جدا

بس مالقيتش تجاوب بين الأعضاء للأسف:120102~318: