مصر موتورز مجتمع السيارات - ارجو من جميع القائميين علي المنتدي والمشرفيين والاعضاء المشاركة

اقتباس:

المشاركة الأصلية كتبت بواسطة romeoalmansour (المشاركة 914898)

بسم الله الرحمن الرحيم

الموضوع جديد وقد يكون غريب بس ارجو التفكير فيه ويجب ان تكون جميع الردود سواء بالقبول او الرفض منطقية

من المعروف ان الامريكان والاوروبين بيحبوا يعملوا كل حاجة باديهم ودايما تلاقي جراج في بيت كل واحد فيهم ولما تحصل مشكلة في العربية كانوا بيعملوا ايه – الميزة فيهم انهم مبيحبوش يفتوا في اي حاجة – ويحبوا يعملوا الحاجة صح من اول مره وكمان مش بيلعبوا بالفلوس زي معزم شباب العرب مفتكريين وعشان كده تلاقي عند كل واحد شنطة عده في بيته وفي عربيتة

فالناس بره فكرت انها تعمل موقع علي النت قاعد عليه ناس متخصصة في اصلاح السيارات يدخلوا عليه ويدفع كل واحد 15 دولار علي الموقع ويكون المتخصص تحت امره ويكون معاه لحظه بلحظة بالرسومات التوضيحية عن كيفية الفك والتركيب والرسومات الكهربائية والشرح لحظة بلحظة لحد ما يوصل للعيب ويصلحه ويتاكد ان كل حاجة تمام – ودا ليه فوائد كتيرة جدا

1- الناس وفرت فلوس كتيرة جدا بدل ما تروح للميكانيكي والكهريائي وعملت الحاجة باديها

2- الناس اللي معندهاش القدرة علي الاصلاح من خلال المتخصص يقدروا يعرفوا هيروحوا عند ميكانيكي ولا كهربائي ولا عند متخصص كنترول ودا طبعا بيوفر وقت وفلوس كتير وفي مصر بيوفر حرقة الدم والفتي الكتير اللي ملوش لازمة.

3- يلتزم كل متخصص بتوفير كل الطرق لاصلاح العيب للعميل لان العميل في النهاية بيدي له نقاط وبعد فترة بيعاد تقييم المتخصص ماديا وكل حاجة من ترقي .....الخ.

4- يلتزم المتخصص بتوفير اسماء الناس اللي تشتري منهم قطع الغيار المضمونة.

انا بقترح عمل نفس الاسلوب في مصر موتورز ويكون ثمن المشاركة في اصلاح السيارة حوالي 15 جنية – ميجيش تمن مكالمة التليفون لو هتتصل بصديق او اتنين لمعرفة ميكانيكي او كهريائي كويس.

الفائدة ايضا :- توفير فرص عمل للساده المهندسيين بدوام كلي او جزئي – بحيث هيكون كل مهندس (او مجموعة من المهندسيين) متخصص في سيارة واحده – وهيكون له عائد من الفلوس كل شهر ودا هيخلي المهندسيين يتنافسوا لذيادة المعرفة واصلاح السيارات لان الفلوس اللي هيخدوها هتكون علي ادائة وتقييم العميل ليه- وهيكون الزام عليه مساعده العميل حتي انتهاء اصلاح السيارة.

ارجو من حضراتكم المشاركة بارائكم بموضوعية سواء نعم ام لا.

الأخ الفاضل صاحب الإقتراح وكل الأخوة المشاركين في المناقشة
السلام عليكم ورحمة الله وبركاته
طبعا الإقتراح رائع جدا و مميز , وليس من العيب أبدا أن نتناقش فيه ونختلف , النظر لأهداف الإقتراح ثم النظر لنتائجه سيوجهنا للحكم عليه .
توفير مقابل تحفيزي بسيط مثل الذي اقتراحه المهندس الفاضل romeoalmansour لا يتعارض أبدا مع روح المشاركة وفعل الخير و نشر العلم بلا مقابل , فنحن نطالب من المتخصص ان يساعدنا بشكل سريع وهذا يتطلب من المتخصص تقديم مساعدتنا على أشياء أخرى مهتم بها , وبالتالي عنصر الوقت هنا ليس في صالح الذي ينتظر المعلومة , وطبعا الذي يتفضل بعلمه ووقته لا نستطيع أن نلزمه بأن يكون موجود في اللحظة التي نحتاجه فيها , فيكفيه فضلا أن يتواجد في الوقت المناسب له ليشارك بحل أو معلومة من اجتهاده وخبرته وسهر السنين لكي ينفع بها صاحب السؤال أو الباحث عن الحل .
لذلك أرى أن الفكرة في جوهرها رائعة , ويبقى تقنينها هو الشئ الذي يخضع للنقاش , بحيث يظل الموقع به روح التعاون والمبادرة وحب الخير وفعله وكذلك شئ أخر منضبط به معايير ومقابل تحفيزي كما هو مقترح - فكما نرى المبلغ لا يساوي شئ في هذه الأيام - ويكون محفز للمتخصص ليستمر عطاءه ولا يمل ولا يضجر ولا يكسل , فأبواب الخير كثيرة فلماذا يلزم نفسه باب واحد فقط رغم انشغاله . ولنا في سنة رسول الله صلى الله عليه وسلم , الاسوة الحسنة , فقد بلغنا عن رب العزة سبحانه أن للصائمين جزاء خاص عند الله وباب من أبواب الجنة فقط خصص لهم وهو باب الريان , أليس هذا تحفيز للمؤمنين على تقديم الصيام على باقي الطاعات و أبواب الخير .

سبب تأيدي للفكرة , أني وقعت في مثل هذه المشكلة في السابق وكنت أتمنى دعم من حولي ليستمر عطائي ولا ألتفت لأشياء أخرى تساعدني ولكنها تقلل عطائي لمن حولي , ولكن لم يحدث هذا معي , فتوجهت لطريق آخر تماما .

تحياتي للأخوة جميعا , ونسأل الله أن يوفقنا جميعا لكل خير .
أخوكم في الله / محمد