رد: اسبرانزا M11 .. تنطلق فى السوق المصرى
 

و الله أنا مش حريف صينى قوى لكن هقولك رأيى

السعر طبعا ممتاز بالنسبة للمنافسين
ففى الشريحة دى مفيش عريات كتير
هتلاقى الأفيو و البريليانس و الرينو سيمبول طبعا غير التشكيلة بتاعت هيونداى

لكن أنا كنت محتار من حاجتين
أولا السعر بالنسبة للسيارة 516 الفرق 8 ألاف جنيه رغم التساوى فى المواصفات
طبعا مش كل الناس بيهمها الشكل الجديد أوالشاسية الأقوى

ثانيا توقيت طرح الموديل على دخول رمضان و إنتهاء فصل الصيف يعنى زخم حركة الشراء بيقل كتير
لكن فيه ميزة إن فيه ناس كتير بتأجل قرار الشراء للوقت ده من السنة للإستفادة بموديلات السنة الجديدة و أبو الفتوح خلاص بينزل موديلات 2010 حاليا .

فيه إشاعة بتقول إن سعر 516 هيزيد علشان يوازن بينها و بين ال M11 ... السعر يمكن يعدى السبعين ألف لكن كده هيبعد عن المنافسين الرئيسين الفيرنا إللى خفضت سعرها و اللانوس إللى ماسحة بالإتنن الأرض فى المبيعات و خصوصا فى مشروع التاكسى

رد: اسبرانزا M11 .. تنطلق فى السوق المصرى
 

السلام عليكم ورحمة الله وبركاته
انا كنت عايز اسئل على العربية دي الواضح من الصورة انها ليها 2 باب بس ولا انا علطان ولو صحيح هل في منها مديلات بـ 4 ابواب

رد: اسبرانزا M11 .. تنطلق فى السوق المصرى
 

العربية 4 باب يا باشا

الأكرة الخلقية مكان الشراعة

رد: اسبرانزا M11 .. تنطلق فى السوق المصرى
 

رد: اسبرانزا M11 .. تنطلق فى السوق المصرى
 

شكرا أسلام علي هذا الموضوع كان عدي فكره من السمع عن العربات الصيني مش كويسه وفيها مشاكل كتيره

لكن الفكره أتغيرت تماما والعربات الصينيه أخده شكل جديد في مصر وأنتشرت بشكل ملحوظ من حيث الشكل

والامكنيات المتطوره والحديثه جزاك الله خيرا علي هذا المجهود الرائع