مصر موتورز مجتمع السيارات - فتوى سلفية: السخرية من "سوستة وأبو حمالات" حرام شرعًا

اقتباس:

المشاركة الأصلية كتبت بواسطة أدهم صبرى (المشاركة 861991)

الرد ليس موجهاً لشخص ناقل الكلام ولكن الرد على الكلام نفسه.

أين الدليل على هذا الكلام؟
الليبراليين هم من يكفرون الإسلامين ويرمونهم بالنفاق.

السلفيين أو الإسلاميين عموماً يدرسون علوم الشريعة سنيناً طويلة. وليسوا كمن درس كتب ماركس والشيوعية وكتب الإلحاد ويتكلم على أساسها.

ده على أساس إن الليبراليين هم حملة لواء الدين !!!

على فكرة فى حاجة فى العلوم الشرعية إسمها باب الإجتهاد وهو مفتوح للجميع بشرط العلم بالقرآن والسنة وإدراج الأدلة منهما كما فعل الأئمة السابقين رحمهم الله وإلا لما كانت هناك دار فتوى تابعة للأزهر الشريف.

ده على أساس إن الليبراليين هم الممنوعين من دخول أندية الجيش والشرطة ويعاملون أسوأ معاملة بسبب لحيتهم وحجابهن.

فعلاً عندك حق. الإعلامى الإسلامى باسم يوسف زودها شويتين فى التريقة على الليبراليين. :070104~242:

فعلاً الناس عرفت الإسلاميين على حقيقتهم لدرجة إنهم كسبوا كل الإستفتاءات والإنتخابات.
ما هو يا إما الشعب لسه ماعرفهمش علشان كده لسه بيختارهم. يا إما عرفهم على حقيقتهم وبردة بيكسبوا "لإن الشعب كله إسلاميين". :070104~242:

تقبل تحياتى :fun_36_3_11[1]::fun_36_3_11[1]::fun_36_3_11[1]:

سيبوهلى انا

بص يا ادهم صبرى :)

انا هطول بالى عليك خااااااااااالص وهرد عليك واحدة واحدة

انت بتسأل

اقتباس:

أين الدليل على هذا الكلام؟
الليبراليين هم من يكفرون الإسلامين ويرمونهم بالنفاق.

اولاً انت عايز دليل من عنيا الاتنين

http://www.saaid.net/Warathah/Alkharashy/m/128.jpg
صورة لفتوى سلفية

المسلم هو المستسلم لله بالتوحيد ، المنقاد له بالطاعة ، البريئ من الشرك وأهله . فالذي يريد الحرية التي لا ضابط لها إلا القانون الوضعي ؛ هذا متمرد على شرع الله ، يريد حكم الجاهلية ، وحكم الطاغوت ، فلا يكون مسلمًا ، والذي يُنكر ما علم من الدين بالضرورة ؛ من الفرق بين المسلم والكافر ، ويريد الحرية التي لا تخضع لقيود الشريعة ، ويُنكر الأحكام الشرعية ؛ من الأحكام الشرعية الخاصة بالمرأة ، والأمر بالمعروف والنهي عن المنكر ، ومشروعية الجهاد في سبيل الله ، هذا قد ارتكب عدة نواقض من نواقض الإسلام ، نسأل الله العافية . والذي يقول إنه ( مسلم ليبرالي ) متناقض إذا أريد بالليبرالية ما ذُكر ، فعليه أن يتوب إلى الله من هذه الأفكار ؛ ليكون مسلمًا حقًا .

طبعاً هو سؤال (مش ذكى اصلاً) والغالب انك زى كتير متعود على الجدال للجدال فقط لكن انت لو عملت بحث على يوتيوب او جوجل هتلاقى مليون رابط فيه مقالات ودروس بتكفر وتتتهم اى صاحب فكر بابشع الاوصاف والتهم

ثانياً احنا المصريين الوسطيين مؤمنين ان كلنا اسلاميين وكون انك وغيرك تطلقو على انفسكم اسلاميين ده قدمة الدلالة على تكفير الاخريين واعتبارهم خارج اطار الاسلام وفى نفس الوقت قمة الدلالة على التجارة بالدين
احنا رافضين اصلاً للمصطلح بتاع (اسلاميين) ده ومبندعيش تمثيل الاسلام علشان نعتبر المخالف لينا مش اسلامى زيكو

ثالثاً وهو الاهم التيارات المتعصبة الجاهلة بالدين والفكر ديه موقفها واحد تقريباً ضد اى تيار فكرى تانى فتبص تلاقى
الليبرالية - اللى هى منهج سياسى واجتماعى مش دين ولا عقيدة عندهم كفر وشذوذ وو
الاشتراكية - اللى هى منهج سياسى واجتماعى برضو وفيه من الصحابة رضوان الله عليهم من تحيز لها زى ابو ذر الغفارى برضو شايفينا كفر وفجور ووو
العلمانية - اللى هى منهج فكرى وسياسى نفس الكلام
طيب مش بس كدة
تلاقى السلفية العلمية بتعتبر السلفية الجهادية خوارج وحزبيين وخارجين عن المنهج وخد مثال الشيخ سعيد رسلان وغيرة من مشايخ سلفيه القاهرة او سلفيه الحجاز واليمن

وهتلاقى الاخوانية شايفين ان السلفية متحجرين ومتشددين ووو
وهتلاقى نفس النظرة تجاة التصوف بالعموم والطرق الصوفية كلها
ونفس النظرة تجاة الشيعة بكل طوائفهم
ونفس النظرة تجاة غالبية علماء الازهر ويقولك دول اشاعرة وماتريدين

وهكذا يعنى المبداء الاساسى عند الناس ديه ان هو فقط اللى صح وكل الناس غلط مابين مبتدعين او كفرة

يا راجل يا مؤمن ده انا عندى كتاب اسمة

" التنكيل بما فى لجاج ابى الحسن المأربى من الأباطيل "
واللى كاتبة الشيخ ربيع بن هادى المدخلى
والاتنين من اعلام مشايخ السلفية

ولو انت سلفى فعلاً او طالب علم او طويلب علم حتى هتبقى عارف كم المصادمات اللى بتحصل ما بين مشاريخ السلفية وبعضهم سواء فى مصر او فى الحجاز او فى اليمن وحجم المصادمات ديه (او الفتن) زى ما بيقولو طلبة العلم وكم الكتب اللى بيألفها المشاريخ للرد على بعض والشرائط والمحاضرات ونهايك عن الخلافات اللى بتحصل بين تلاميذ الشيخ ده والشيخ ده وطرد الشباب من المساجد اذا سأل سؤال يبان فيه انه بيقرع فى الشيخ او بيتبنى رأى الشيخ المخالف ليه

لو تعرف اللى بقولة المفروض تفهم منه اذا كانو على حق ولا على باطل
اما لو متعرفش يبقى اشك انك سلفى اصلاً

اقتباس:

السلفيين أو الإسلاميين عموماً يدرسون علوم الشريعة سنيناً طويلة. وليسوا كمن درس كتب ماركس والشيوعية وكتب الإلحاد ويتكلم على أساسها.

مرة تانية بفكرك انى ارفض مصطلح الاسلاميين بعمومة وحتى مصطلح السلفيين كما ذكرت يشير الى تيار كبييييييييييير من الناس مابينهم متنقاضات كثيرة
من اول سلفيو كوستا الى تنظيم القاعدة ومن اول سلفية القاهرة لسلفية اسكندرية
فحدد اذا كنت عارف الفروق تقصد انهى سلفيه ولا انهى اسلاميين

اما عن دراسة العلوم الشرعية وطلب العلم فهو من ضمن الافتئات على الناس وادعاء الفضل بغير حق ... مين قالك ان اصحاب الفكر السياسى او المعارضين مش بيدرسو او درسو علم شرعى !!

متعرفش ان فيه شيوخ ازهر مؤمنين بافكار زى الليبرالية والاشتراكية !!
طيب متعرفش ان فيه شيوخ سلف زيهم
طب قريت للامام محمد عبدة حاجة
طب سمعت دروس للشيخ اسامة القوصى
مسمعتش ولا شوفت خالص مصطلح ليبرالية اسلامية او اشتراكية اسلامية !!!

واضح ان ثقافتك واطلاعك متواضعين جداً بس ده مش عيب العيب انك تنكر ده او تستمر فى الجدل بغير علم
والعيب انك تدرس بطريقة التلقين والحفظ اللى غالبية الشعوب العربيه واخده عليها حتى فى نظم التعليم واللى بتخليك تقراء وتحفظ وتصم من غير ما تفهم ولا تربى مخك على انه يشتغل وينتقد ويكون فكر ورؤية

انصحك بجد تقراء عن السلفية نفسها قبل اى حاجة
وتقراء عن الافكار والمذاهب السياسية زى الاشتراكية والليبرالية
والمهم انك وانت بتقراء اى حاجة تفتكر مقولة الامام مالك كل يؤخذ منه ويرد إلا صاحب هذا القبر واشار إلى قبر النبي (ص)

لو عملت كدة ممكن تفهم