مصر موتورز مجتمع السيارات - حكايتى مع السيارات فى جنوب أفرقيا حكاية صور !

خرجت من الطياره على التيوب الى داخل المطار فوجدت ممر طويل كئيب الاضائة والآلوان !

فقلت فى نفسى ايه القرف ده ! و مشيت ييجى كيلو بسرعه مجهده رغم انى لم أكن أحمل سوى 6

قواريص سجائر لزوم المذاكره ! و بعد منحنى فى الممر وجدت مشايه متحركه فى المنتصف لكى

يقف عليها العواجيز اللى زى حالاتى بدلا من المشى ! و بم ان الصحه و الحمدلله تمام نسبيآ فركبت

المشايه و مشيت عليها برده علشان أقرب المسافه ! و لكنى مت من القهر لآن فيه واحده بيضاء و

طويله هيفاء كانت على الآرض موش المشايه و كانت تمشى بخطوه طويله و ممشوقه و بتهد الآرض

من الصحه و هى ماشيه و شايله شنطتين كانت بتسابقنى و أنا موش عارف أحصلها مهما بذلت من

الجهد ( زمانها ماتت دلوقت ) ! ptmnlo123per1106 و أخيرآ بعد ييجى خمسه كيلو مشى وصلنا للجوازات
ووجدت الدنيا زحمه زى مصر ! و الخواجات واقفين يتريقوا على البلد ( زينا بالضبط) مثلا هى دى

جنوب أفريقيا يا هيلين ( بدل عبله ) ! و رجعنا للقرف تانى ! و عمرنا ماح نتقدم ! لذلك شعرت

بالسعاده لآنى كده موش فى غربه ! و أخيرا وصلت لموظفة الجوازات واللى كانت تقول للعفريت

قوم وأنا أقعد مطرحك ! و سوده سواد اللى خارج من فرن النازى ! و نزلت فى ياجدع سين و جيم

ولا رجل المخابرات و فى الآخر ختمت لى الباسبور ! الظاهر انها لقت جدع حليوه اجيبشيان و قالت

أطول الكلام معاه ! :HAPPY_~211: و الحركات دى احنا الاجيبشيان عارفينها كويس ! المهم أخذت شنطى و طلعت

من المطار الهم ده بس لبهو المطار موش للشارع ! و فوجئت بحاجه تانيه خالص ! تكيف حلو

و محلات أنيقه و حاجه مودرن خالس ( على رأى انور وجدى ) ! و لم أجد أحدآ بانتظارى كما هو

متفق عليه ! قلت موش مهم ! أسجر بأه لآنى فى الطياره ييجى من 9 ساعات دماغى ونونت !

و لقيت اعلانات عدم التدخين فى كل حته ! رحت جرى على التواليت أقضى حاجتى من السجائر !

و أنا خارج لقيت عسكرى بوليس فى انتظارى ! ptmnlo123per144 قلت شم ريحة السجائر ابن الولف ده وح

نبتدى بالسجن أو الغرامه ! لكنى وجدته يمد يده لى بكلينكس و منتظر البقشيش ! طبعآ لم يكن معى

سوى دولارات فئة ال100 والكريديت بتوعى ! لآن الناس قالت لى لا تمشى بفلوس كتير فى جنوب

أفريقيا بعدين تنضرب و تنسرق ! و أيضا لا تمشى بدون فلوس خالص بعدين تنضرب برده بس

ح تنقتل ! ptmnlo123per111 فعملت نفسى عبده العبيط و قلت له شكرآ و جريت من أمامه !ptmnlo123per154 رجعت البهو تانى لقيت راجل ضخم الجثه و شكله زى ايطاليين المافيا واقف بيافطه عليها
اسمى ! جريت عليه وسلمنا على بعض و خرج بى من باب المطار و لقيت معاه سياره فولكس

ميكروباس لونها أخضر تقيل ! و كبيرة الحجم و موديل حديث ! طبعآ زى العبيط رحت أركب من

اليمين لقيت الدركسيون ! أتارى السيارات بتمشى على الشمال هنا مثل لندن ! و لقيت فيه تجهيز

كده أسفل عصاية الفتيس بيركب فيه قفل عادى بس ضخم جدآ زى بتاع أجعص محل ! فلما استفسرت

عنه ! قال لى كل السيارات هنا مجهزه كده علشان السرقه على ودنه ! و بدأنا الرحله الى المكان الذى

سأسكن فيه ! يتبع !!!

Dr. Bolbolan :waving:

http://i943.photobucket.com/albums/a...s/Image239.jpg
هاى واى فاضى نسبيآ الساعه 6 صباحآ .

http://i943.photobucket.com/albums/a...s/Image238.jpg
نفس الهاى واى و السير على الشمال .

http://i943.photobucket.com/albums/a...s/Image244.jpg
كنيسة الآرزوزوكس الروس فى جوهانسبرج و القباب مذهبه ! بس الشمس كانت خلفها .
http://i943.photobucket.com/albums/a...s/Image245.jpg
نفس الكنيسه ! و يبدوا أنها مزار سياحى أكثر منها كنيسه !
http://i943.photobucket.com/albums/a...s/Image004.jpg
تاكسى جوهانسبرج بالتليفون والطلب ! نادر شويه بس نظيف !