مصر موتورز مجتمع السيارات

-7-
دخل مشكاح الموقف وهو منتفخ يكاد ينفجر
شد ظهره للخلف ولولا تدلى كرشة وثقله لانقسم ظهره!!
بدأ فى لّم الاتاوة وقد خشى الجميع بطشة بعد علقة زعزوعة!!
لم ينتصف النهار حتى كاد مشكاح قد رفع الاتاوة ولم يأبه باعتراض الجميع بعد أن كسر مرآة لاحدهم كعقاب فآثر الجميع السلامة
بعدها بدقائق كان مشكاح يجلس منتشيا على مقعد يكاد يسقط به من فرط ثقله وجيبه عمران بما جمع منذ طلعة الصباح000
واذ بال0000

القلم يطرقع على قفاه العريض فيسقط على الارض00
وما كاد يستدير حتى كانت ركلة قوية فى جنبه نشنت على الكلى فأفقدته صوابه!!
قام ليرى جيشا فى مواجهته يتصدرهم زعزوعة00
تقدم منه أربعة رجال صعايدة أشداء وكتفوه بأيديهم حاول المقاومة ولم يستطع 00
تقدم منه زعزوعة وناوله صفعة على وجهة
أستأسد مشكاح ليطيح بالرجال الاربعة ويتقدم لافتراس زعزوعة ولكن الرجال لاحقوه بالضرب المبرح حتى أدموا جسده وطردوه من المنطقة على وعد بقتله لو اقترب منها مرة أخرى00

عاد مشكاح الى بيته كسيرا مجروحا لتستقبله الكونيسة ريما بالصراخ وهى تراه ينزف من أجزاء متفرقة بجسده!!

جلس مشكاح مدغدغ الجسد على الاريكة للحظات قبل ان يخر نائما يتلوى من الألم00

-مالك ياراجل أيه اللى حصل؟

-ربنا ينتقم منك00ربنا ياخدك

-أنضربت يا سبعى!!
جتك نيلة راجل هايف

-خدها يارب 00 خدها يارب وخلصنى منها00
ربنا يبتليكى بانفلوزا الطيور تقصف عمرك00ولية أذى ونحس

-جاى تشطر عليا أنا00جتك خيبة00
بس شاطر تلغ وتاكل أكل قبيلة وف الآخر راجعلى واخد علقة موت

-غورى من وشى أنا مش ناقصك00
والله لو قمت لك لاخلص عليكى

قالت وهى تتحنجل أمامه راقصة:
-ورينى كده لو كنت شاطر

وقام لينال منها لكن آلام ظهره أوقفته00
ضحكت ريما القديمة ووقفت متحديةلكنه أمسك بشبشبة وناولها به فخبط لزق فى عينها0000
صرخت ريما من شدة الخبطة وجلست تولول وتبكى وتدعى عليه
ونام هو يتحسس جسده بألم00
لحظات وانفجر فى الضحك الهيستيرى
نظرت اليه ريما فى تعجب وقالت:
-أنت أتهبلت يا موكوس؟!
الخبطة على راسك اتشتغلت00

-ههههههههه00هى ها هى ها ها ها ها000

-عوضى عليك يارب الراجل أتهبل!

استمر فى الضحك وقال من بين ضحكاته:
-حلو قوى لاقيت لك شغلانه

-شغلانه؟!

-أنت بشكلك الجديد تسرحى تشحتى

-شكلى الجديد00!!
أدركت ريما ونظرت فى المرآه لتجد عينها متورمة بشدة وكذلك وجهها من جراء شبشب مشكاح اللعين

-آآآآآآآآة ياعينى
عينى راحت منى ياناس
والله لاعمل فيك تقرير طبى ووديك ف داهية يا بن ال000

-دا أنا لو خلعت لك عينيك الاتنين ميكفونيش
ده أنتى بلا وربنا ابتلانى بيه كل اللى انا فيه بسببك وسبب شورتك السوده00ياولية يا أذى

-دى جزاتى انى عاوزة أخليك راجل مقتدر
دى جزاتى تعمل لى عاهة

-والنبى عاملة لك نيو لوك شحاتين مية مية

-أنا ا0000
بتقول شحاتين00
تصدق فكرة
أول مرة تشغل دماغك يا مشكح

-أيه رأيك شغلانه عنّاب؟!
تروحى تسرحى يومين لحد ما أقوم من رقدتى

-ح تنام نطع فى البيت وأنا اللى أصرف عليك

-يومين بس يا رمرومتى وبعدين أستلم منك الشغلانة تكونى رستقتيها

-ماشى يا مشكح

-عايزين طبخة سمينة ولا زفرة يا رمرومتى

-ودى أجيبها منين؟؟

-شوية رزالة على الجزار ورمى بلا 00
انتى ما تتوصيش

-ازاى00أه؟ ازاى؟

-مش هوه برضة اللى ضربك على عينك!!

وألتمعت عينيها ولفحت عباءتها وأنطلقت!

تتبع