رد: سايس السيارات مشكله لازم ليها حل ضرورى
 

رد: سايس السيارات مشكله لازم ليها حل ضرورى
 

طبعا المشكلة دى موجودة فى كل انحاء الجمهورية ومن الاخر ملهاش حل وهنفضل كدة لحد ما تبقى ملزمومة مننا زى المية والكهرباء لانى الحكومة مبقاش فيها رجالة ومبقاش ليها سيط
هقول موقفين مختلفين الموقف الاول ملوش علاقة بأى اتجاة او تجريح حد بعينة او ذاتة ولكنها كلمات اتقالتلى فقط هنقلها مع احترامى لكل الاشخاص جميعا
كان فى مشكلة حصلت قدامى وناس اعرفها جابوا زى عيال شمامة كدة بلطجة ومخدرات عشان يتخانقولهم مع ناس تانى انا اعرف الطرفين وبحكم الشارع عارف الناس دى مجرد معرفة بحكم المكان المهم واحد قام قايل فى وسط الخناقة ..الحق عم احمد اتصل بالبوليس ..انا قلت العيال هتجرى وتمشى زى ما كان بيعملوا زمان وكدة
اللى استغربتة انى ولا كانى حد قال حاجة نهائى كانى محدش اتكلم اصلا المهم خلصت الدنيا وقعدت اتكلمت مع واحد اعرفة معرفة قوية منهم للاسف فى زمنا دا لازم تعرف واحد زى دا
قلتلة انت مجريتش انت والناس اللى معاك لية زى زمان قالى احنا ممكن نقتل ظباط وغيرهم وهما عرفين كدة زمان كانوا يعرفوا يجبونا الوقتى انا ممكن اقتلك ومحدش يعرف يعمل معايا حاجة
...تعرفوا انى انا لما سمعت الكلمتين دول قلقت وخفت على اهل بيتى اخوياا الصغير اختى اللى فى المدرسة امى وزوجتى مثلا لو هتجوز اصلا فى الظلم اللى احنا فية دا
قلت دا فى ثوانى ممكن يعمل اللى هو عايزة واعيش انا ندمان طول عمرى فكروا فى الكلام هتعرفوا انى احنا فى خطر مش من الناس دى ولكن فى اللى جاى لانهم بيذيدوا كل يوم الشر طريقة سهل
___________
الموقف التانى فى الموضوع نفسة بقى مرة كنت بركن والله مجرد دقيقتان بالعدد مش مجاز المهم راجل جالى وقالى متركنش هنا اركن جمب العربية دى وكان معايا امى ساعتها
قالتلى اركن جمبها وخلاص انا طريقة الكلام نرفزتنى رحت نزلت وقولتلة انت واقف هنا بتعمل اية اصلا اقنعنى انت واقف لية وماسك شومة فى ايدة لية عشان لو مدفعتش او لو كلمتك تضربنى بيها يرد عليا يقولى انا واقف هنا بدل ما اروح اسرق يعنى كدة كدة هاخد الفلوس غصب من الناس فكدة احسن... وفجاة جة واحد جمبة يقولة ..فى حاجة ...طبعا هيتلموا عليا وانا مش فى منطقتى خالص
المهم فكرت سريعا جدا وقولت هتخانق هتبقى مشكلة كبيرة حتى لو اخدت حقى منهم بعدين
وكان ممكن امشى اصلا وخلاص
رحت قلتلة اركن فين قالى هنا جمب العربية ركبت وركنت بوش العربية وجبتها زاوية سنة وعوجت الكوتشات على اساس مجرد ما اركب وادور واول وامشى فى ثوانى وطلعت وعملت اللى عايزة فى المحل ورحت راكب العربية كان هو جمبى على طول بيركن واحد برضة طبعا هو افتكر انى هديلة رحت راكب وفوووووو وابعد عنة شوية وهاتك شتايم فية ومش هديك فلوس برضة يابن ....وهو يجرى بيلحقنى يعنى ....
طبعا دا مش حل واعتقد انى لو اتخانقت معاة لوحدة غير لما اتخانق مع 2 او3 لانهم بيبقى جمب بعض ومعايا امى خفت عليها
وطبعا فى بعض الاوقات بدفع للاسف بس هنعمل اية تحت شعار يبقى انت اكيد فى مصر
اسف للاطالة وبرضة مفيش فايدة (وأصلا الفايدة حرام)

رد: سايس السيارات مشكله لازم ليها حل ضرورى
 

الموضوع فى القاهره كتير فعلا احنا عندنا فى الزقازيق الموضوع ده مش كتير قوى هو قدام المناطق الرئيسيه انا اخرو معايا 2 جنينه وابقى راكن بتاع ساعه او اكتر فى القاهره لما بروح بركن اليوم كله واتزل اديلو 5 جنيه ولو تنح بقوم ببصلو بقرف وماشى انا اساسا مبكلمش معاه اخره ياخد الفلوس وخلاص
مره كنت عند بريد جستون الفى عمارات العبور وركنت العربيه الواد جاى عشان يسعدنى قولتلو انا بعرف اركن جه بعد مخلصت بديلو 2 جنيه بيقلى مينفعوش قولتلو مش عجبك هاتهم

رد: سايس السيارات مشكله لازم ليها حل ضرورى
 

والله الموضوع ده انا بتكلم فيه ليل ونهار مع اصحابي الموضوع بقي مقرف بس من الاخر انا بخلص نفسي وبدفع رغم حرقة دمي بحس انه بيسرقني بمزاجي بس الاشكال دي بتبقي زباله والواحد مش عاوز يبهدل نفسه بصراحه .. ايه رايكم بقي ووالله العظيم بجد مره كنت براكن عند مستشفي الميريلاند اللي في جسر السويس المهم بركن صف تاني كنت ثواني ونازل واحد برضو قعد يركني وبعدين قالي كل سنه وانت طيب المهم اديته كام جنيه فكه وبفتح باب العربيه لقيت العربيه اللي انا قافل عليها صاحبها طالع المهم رجعت ورا شويه و الواد السايس ده طلعه ودخلت مكانه لقيت الواد جاي يقولي كل سنه وانت طيب ياباشا ضحكت وبحسبه بيهزر لقيته بيقولي ياباشا انا غلبان بجد كان ناقصله تكه ويطلع حامل ههههههههه

رد: سايس السيارات مشكله لازم ليها حل ضرورى