المشاركة الأصلية كتبت بواسطة HaMaDa-ToUBaR (المشاركة 818472)

شوف ياباشا ركز معايا فى الكلام دة لانة الخلاصة وانا معايا العربيتين وهقولك ع الى فيها

المحرك
الالنترا تكسب فى الاداء عن الشارك ولكن التكنولوجى الى فى محرك الشارك افضل بكتير

العزل
الالنترا تكسب بمرااااااحل عن الشارك ... الشارك عزلها سىء جدا جدا جدا

الهدوء والنعومة
الالنترا تكسب بفارق بسيط

الراحة والتكيف
الشارك يكسب الالنترا بمراااحل اعدتها مريحة فعلا جدا وتكيفيها شديد اوى

التصميم الخارجى
الاتنين تصميمهم ممتاذ بس انا بحب تصميم الشارك اكتر ولو كان تصميم الالنترا انسيابى وشبابى اكتر

التصميم الداخلى
الالنترا تصميمها احلى ومتناسق مع الشكل الخارجى
الشارك تصميها حلو بردة مش وحش بس مش شبابية من جوة خااالص

الاوبشن
الالنترا تكسب
الشارك فقيرة جدا حتى فى اعلى فئتها

الخامت المستخدمة فى الداخل
الشارك خامتها نضيفة وممتاذة
الالنترا خامتها تعبانة

الشنطة
الالنترا تكسب شنطتها كبيرة
الشارك شنطتها حق فار

الثبات
الالنترا ثباتها اعلى من الشارك

الارتفاع عن الارض
الشارك ارتفاعها ممتاذ واستحالة تحك معاك
الالنترا واطية وهتحك

الصاج
الشارك بامانة من اقوى الصاج الى شوفتها فى العربيات
الانترا بالنسبالها ورقة

قطع الغيار الشارك اغلى لكن معمرة عن الالنترا بكتير

الفتيس الاوتو
الشارك الفتيس بتاعها 4 سرعات بس بصراحة ملوش مثيل وبرقبة الفتيس الى فى الالنترا

مش عارف ان كنت نسيت حاجة ولالاء ولو حبيت تعرف حاجة تانية انا تحت امرك
وربنا يباركلك ويوفقك فى الاختيار ان شاء الله

المشاركة الأصلية كتبت بواسطة Toyota Corolla (المشاركة 819528)

بالنسبة للصاج هو أنا على حد علمى إنه العكس إلا لو حضرتك بتتكلم على الالنترا الشكل القديم لأن الجديدة سًمك صاجها 0.7 ملم.
حتى أنا جربت اضغط بكف ايدى على رفرف الالنترا كان ناشف و مدخلش لجوة بسهولة أما لما
جربت أعمل كده فى الشارك و الكورولا دخل بسهولة و كان مرن أكثر و حسيت إن صاج
الشارك أخف من الكورولا مع العلم إن صاج الكورولا 0.4 ملم

صدقنى بجد مش هتلاقى صاج اقوى من الشارك فى فئتها من راااااابع المستحيلات دة انا بعانى منة يااااراجل ... وانا اقصد الجديدة مش القديمة والى ادالك الاحساس دة ان كلها سوك والمناطق الى بيكون فى سوك بتبقى ناشفة عن المناطق المستوية

وبعدين بقى واية كمان دة انا معايا الاتنين وحافظهم صم علشان كدة كتبت المقارنة دى

استفسار بسيط بعد إذنك :1463B6~153:

هو فتيس الشارك اللى فى مصر ستيب ترونيك زى الالنترا ؟