مصر موتورز مجتمع السيارات - ماهو الضغط المثالى لإطار السيارات ؟؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - ماهو الضغط المثالى لإطار السيارات ؟؟؟ (https://www.masrmotors.com/vb/showthread.php?t=103743)

رد: ماهو الضغط المثالى لإطار السيارات ؟؟؟

اقتباس:

المشاركة الأصلية كتبت بواسطة eng/walaaeldeen (المشاركة 807965)

السلام عليكم
ضغط الأطار بيختلف من نوع عربيه للآخر ومن مقاس للآخر وايضا من طريق للآخر
مثلا في الطرق الأسفلتيه الناعمه يستحسن ان يكون الضغط كبير اما في المضقات لابد ان يقل الضغط علي الرغم انه في نفس العربيه ونفس المقاس وفي الطرق الرمليه لابد ان يقل ضغط الأطار قدر المستطاع
عن نفسي بظبط الأطارات عندي علي 32 دائما في الأمام والخلف ومش عارف الكتالوج بيقول كام على الرغم انه معايا(باب النجار دائما مخلع):shyy::shyy::shyy:
والله المستعان

شكرا للافادة
وان شاء الله باب النجار يتصلح :THE_PR~18:

رد: ماهو الضغط المثالى لإطار السيارات ؟؟؟

اقتباس:

المشاركة الأصلية كتبت بواسطة AhMeD_HassaN_2010 (المشاركة 807966)

الضغط المثالي لمعظم العربيات 30 ..

وفى ناس بتقولي ف الشتا والمية وكدا نخليها 35 ..

شكرا للمشاركة :THE_PR~18:

رد: ماهو الضغط المثالى لإطار السيارات ؟؟؟

أول حاجة لازم نعرفها إن الضغط بتاع الكاوتش لازم يتقاس عــلـــى البـــارد... يعني قبل ما العربية تتحرك بعد وقفة طويلة... مش أقل من 3 أو 4 ساعات

http://ts4.mm.bing.net/th?id=I.49490...70771&pid=15.1

يعني 28 .. 30 ... 40 psi حتى... لازم قبل ما تتحرك، ولو اتحركت يبقى قبل ما تعدي 2 كيلومتر لازم تكون مظبط الضغط

ببساطة لو ظبط الضغط بعد ما العربية تمشي يبقى الكاوتش مش منفوخ كفاية، وده هيعملك حاجتين:

* استهلاك البنزين هيزيد لإن مقاومة الاحتكاك مع الطريق بتزيد قوي... وهتحس إن العربية تقيلة
* الكاوتش هيتاكل بطريقة غلط وكمان التماسك بتاع العربية هيقل جامد

بص على الصور دي:
http://erindodge.com/images/other/tireinflation.png

http://www.driveoffroad.com/media/st...pressure/1.png

لما الكاوتش يبقى ناقص هوا الكاوتش شكله هيتغير والمنطقة الوسطى من المداس مش هتلمس الأرض كفاية... وكده الكاوتش هيتاكل من الأجناب أكتر من الوسط

ولما الكاوتش يكون منفوخ زيادة الأجناب مش هتلمس كويس، والكاوتش هيتاكل من الوسط أكتر من الأجناب

http://www.inmygarage.com/wordpress/...on-258x300.jpg

بس إشمعنى على البارد؟؟؟

كل كتالوجات العربيات والمكتوب على قوائمها محددة الضغط على البارد، والمفروض تظبط الكاوتش قبل ما تتحرك علشان ما تقفش في السكة (على فرض إن عندك جراج مثلا)، بمعنى إن الضغط الفعلي للتشغيل مش هو المكتوب في الكتالوج، إنما بيبقى أعلى منه بشوية.

بس كده الموضوع هيبقى صعب قوي... مش كل الناس جنبها بنزينة ولا بتاع كاوتش!!!
نعمل إيه؟؟؟

المعروف إن ضغط الهوا في الكاوتش بيزيد بحوالي 10% لما يسخن

يبقى الحل إننا نزود الضغط شوية في حدود الـ10% اللي هي تقريبا 3-4 psi (أو 0.2 بار)

مثلا: لو الكاوتش عندك بيتملا على 30 psi .. يبقى لما تروح عند البنزينة (بعد مشوار) تقول لبتاع الكاوتش ينفخ على 33

http://mrsdlovesscience.com/airpressure/8airtemp.gif

على فكرة... ضغط الكاوتش مالوش علاقة بكون الجو صيف أو شتا.... الرقم ده ثابت في جميع الأحوال.

بس إحنا لازم نراجع ضغط الهوا في الكاوتش كل شهر مرة على الأقل، وبكده مش هتحس بفرق الضغط بين الفصول

حاجة تانية مهمة

لما العربية تكون محملة ناس وشنط وانت مسافر... يفضل تزود الضغط في العجل الخلفي (بالذات في العربيات السيدان والاستيشن).. عشان الكاوتش شكله هيبقى زي ما يكون مهوي... وهيحصله نفس أعراض الكاوتش المهوي بردو

والزيادة بتكون حوالي 10% كمان

آخر حاجة...

ما تقلقش من زيادة الضغط مادام ما عداش الضغط الأقصى المكتوب على الكاوتش ... والضغط الأقصى ده بردو على البارد

...

رد: ماهو الضغط المثالى لإطار السيارات ؟؟؟

اقتباس:

المشاركة الأصلية كتبت بواسطة borio1704 (المشاركة 808079)

* استهلاك البنزين هيزيد لإن مقاومة الاحتكاك مع الطريق بتزيد قوي... وهتحس إن العربية تقيلة
* الكاوتش هيتاكل بطريقة غلط وكمان التماسك بتاع العربية هيقل جامد

:clapW15::clapW15::clapW1 5: ممتاز ياباشا تسلم ايدك

رد: ماهو الضغط المثالى لإطار السيارات ؟؟؟

اقتباس:

المشاركة الأصلية كتبت بواسطة borio1704 (المشاركة 808079)

* استهلاك البنزين هيزيد لإن مقاومة الاحتكاك مع الطريق بتزيد قوي... وهتحس إن العربية تقيلة
* الكاوتش هيتاكل بطريقة غلط وكمان التماسك بتاع العربية هيقل جامد

كلام سليم ما شاء الله ربنا يفتح عليك اضافة لكلام حضرتك بيكون داخل المدينه حيث المطبات والنقر بيبقى فى فرق شاسع بين ال 28 و 30 من حيث راحة عفشة العربيه دا فى عربيتى يعنى 30 بحس المطب بيبقى ناشف جدا 28 او 27 بحس العربيه مرتاحه جدا وناعمه