مصر موتورز مجتمع السيارات - كل واحد يدخل يقولى لو معاه 90 ألف تشترى بيهم ايه

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: كل واحد يدخل يقولى لو معاه 90 ألف تشترى بيهم ايه - واذكر السبب

اقتباس:

المشاركة الأصلية كتبت بواسطة yahiaashraf (المشاركة 803537)

مفيش اى تدويخ و الله

وانا تحت امر الجميع باذن الله

السعر كمان يجيب حاجات مستعمله كويسه

بس المشكله ان المستعمل حاليا مش مضمون و يفضل الزيرو

بالنسبه للجيلى ايمجراند7 و حكاية انها صينى

انا قريت عن العربيه كلام كتير
وكل اللى اشتراها بيشكر فيها

اللى مخلى الناس ضامنه العربيه كمنا انها تبع شركة غبور اوتو (اللى هو ماسك هيونداى )
وبالتالى هى شركة معروفه فى مصر و مراكز صيانتها منتشره

غير ان ضمانها 5 سنين
وده حاجه كويسه مش موجوده حتى فى السيارات اللى فوق ال 100 الف جنيه

ده غير ان فيها عوامل امان كتير و منها الايرباج

تحياتى

شكرا ليك
بس عارف كان واحد قالى مرة متفرحيش قوى بالايرباج اللى فى الصينى لانه ممكن يكون منظر فقط ومش شغال اساسا وممكن يكون حجمه قليل يعنى ولا امان ولا شئ
واكدلى قوى على العربيات الصينى بالذات
فقلت ابعد عن الصينى وغنيله :fun_36_1_26[1]:

انا عارفة ان الزيرو احسن بس لو كده يبقى السانديرو وخلاص مع انى خايفة مبقاش راضية عنها بعد اما اشتريها

طيب اخبار الالنترا ايه ؟؟؟

رد: كل واحد يدخل يقولى لو معاه 90 ألف تشترى بيهم ايه - واذكر السبب

لا مش نار ولاحاجه
هى شبه عربيات جديده كتير زى السرايو مثلا
وبعدين قطع غيارها معمره جدا
بجد زمان كنت فى حيرتك كده
واقف قدام عربيات كتير ومش مقتنع انى ادفع فيها فلوس اصلا
وفى يوم مسافر مع صديقى بالاوكتافيا بتاعته وهو قال لى سوق انت لانى مرهق
اقتنعت جدا جدا جدا بالعربيه
وبعدها ماشوفت غير الاوكتافيا وبعد اقتناءها زاد اقتناعى اكثر واكثر وبعت الاوكتافيا واشتريت فانتازيا
ولعلمك انا من عشاق الاوروبى وكان معايا بولو زمان عربيه صغيره ولها تعظيم سلام
والاوكتافيا بنت عم فولكس ولازم بردوا تعظيم سلام
فكر فيها ولو اقتنعت هتدعيلى ان شاء الله

رد: كل واحد يدخل يقولى لو معاه 90 ألف تشترى بيهم ايه - واذكر السبب

اقتباس:

المشاركة الأصلية كتبت بواسطة tarek/ (المشاركة 803544)

انا مقتنعة وعارفة
بس خايفة اجيبها ومعرفش اصرف عليهااااااااا:w6w20050411 22053268

رد: كل واحد يدخل يقولى لو معاه 90 ألف تشترى بيهم ايه - واذكر السبب

اقتباس:

المشاركة الأصلية كتبت بواسطة myson medo (المشاركة 803541)

بالنسبه للايرباج فى الجيلى ايمجراند

السياره حصلت على 4 نجوم فى اختبارات السلامه الاوروبيه

ومفيش عربيه صينيه حصلت على 4 نجوم فى اختبارات السلامه ( الاوروبيه )

ده غير ان فى اختبارات السلامه الصينيه حصلت على 5 نجوم

بالنسبه للسانديرو عربيه حلوه بس
المشكله ان المانوال بالموتور ال 8 صباب
بيبقى صوته عالى نسبيه هو مش زى اللادا يعنى
بس مقارنه بالسيارات الكورى والصينى عالى شويه

بالنسبه للاوتوماتيك منها ميزته ان الموتور 16 صباب و 110 حصان

اداء افضل

عيبه النتشه بتاعت الفتيس الاوتوماتيك

الالنترا سياره ممتازه يعيبها فقط انها واطيه شوية على الارض لكن كاداء و اعتماديه و كقوة ممتازه

تحياتى

رد: كل واحد يدخل يقولى لو معاه 90 ألف تشترى بيهم ايه - واذكر السبب

اقتباس:

المشاركة الأصلية كتبت بواسطة yahiaashraf (المشاركة 803548)

شكرا ليك - ربنا يوفقنى لحسن الاختيار
بس تفتكر مين هيكون اوفر فى المصاريف الالنترا ولا السانديرو
وهل عيب الفتيس فى السانديرو حاجة صعبة قوى وبتأثر على حاجة ولا عادى جدا ؟