رد: مشكله معقده في اوبل كورسا هاتشباك
 

(بسم الله)
سيدى الفاضل
المشكلة الموجوده ليك فى طرمبة البنزين ولكن ليس بسبب عطل بها طالما تم التأكيد منك بأنك قمت بتجربتها ...
المشكلة هنا ان طرمبة البنزين فى الاوبل لازم يتم تثبيتها فى نهاية تانك البنزين او هاتفضل طافية علية بأى وضع وفى حالتك هى طافية معكوسة فلا تقم بتوصيل البنزين جيدا وممكن تتأكد من ذلك ان ترفع غطاء الكربراتير هاتلاحظ ان معدل الحرق بسيط وممكن يكون معدوم .....وهاتلاحظ ان مؤشر البنزين عندك غير مظبوط بالمرة فى السيارة .....
لو كل ده مظبوط هايبقى رشاش البنزين هايحتاج تنظيف وده عند طريق منظف كربراتير وليس W40 وبأكد عليك فى المعلومة دى لان مزيل الصدأ هايبوظ الرشاش
وأى حاجه انا موجود للاستفسار لانى امتلك هذه السيارة عن عشق
01000310059

رد: مشكله معقده في اوبل كورسا هاتشباك
 

بسم الله الرحمن الرحيم
الف شكر علي الاهتمام و الرد
و انا هشوف موضوع الطلمبة ده مع ان ضغطها عالي جدا عند الموتور
فيه حاجه عايز اعرفها من حضرتك بما ان عندك كورسا انا عندي حاجه غريبة بتحصل و هيه ان لما برفع غطا الكربراتير بحس ان الكربراتير بينفخ مش بيشفط هوا و كمان الصوت عنده عالي طول ما الغطا مش متركب مكانه فياتري ده طبيعي في العربيات دي ولا الموتور كده عايز طقم شنبر و بينفخ فوق انا كان معايا عربيات قبل كده بوابات الكربراتير بتشفط هوا انما دي لما اغذي بنزين و انا شايل الغطا الفيبر من علي الكربراتير بلاقي البنزين بيترش لفوق مش بيتشفط
و آسف علي الازعاج
م - سامح ليله

رد: مشكله معقده في اوبل كورسا هاتشباك
 

ما تراجع على سير التقسيمة

رد: مشكله معقده في اوبل كورسا هاتشباك
 

هات منظف صبابات
التنفيخ في الكربرتير ليس له علاقة باشنبر:01FDAB~189:

رد: مشكله معقده في اوبل كورسا هاتشباك
 

الف شكر علي الرد
هوه ايه منظف الصبابات ده انا ماسمعتش عنه قبل كده و لو ليه صورة عند حضرتك او ماركة معينة ياريت ترفعها هنا اكون شاكر جدا
انا علي فكرة اتصلت بميكانيكي صاحبي قال غالبا صباب فيه مشكله او جوان وش السلندر مش سليم
و قال انه هيعدي بكرة يبص عليها
و هعرفكوا برضه ايه اللي بيحصل
و الف شكر للجميع