رد: اللوجان و بنزين 80
 

بنزين 80 زي المخدرات بالضبط
قتل للماتور بس بطئ
يعني هتحس انه حلو وجميل وبيوفر في فلوسك
لكن مع الوقت هتلاقي الماتور فتح بقه والفلوس اللي انتا وفرتها هتصرفها علشان تصليح الماتور
رشاشات وطلمبة وحساسات وبوجيهات وممكن الماتور يفوت بدري
وموضوع ان الفيرنا واللانوس بيحطوا بنزين 80
انا عايزك تجرب فيرنا او لانوس محطوطلها بنزين 80 وفيرنا او لانوس محطوطلها بنزين 90 او 92 وانتا هتحس بالفرق

رد: اللوجان و بنزين 80
 

مش عارف ليه حاسس انك متضايق ان الناس بتنصحك ان ال 80 غلط؟؟!

يباشا براحتك حط 80 ولو في 70 كمان وعايز تحطه براحتك

العربيه مش حتقول لا وخصوصا لو زيرو

وحتجري وحتعمل كل حاجه بس بعد سنه كده من استخدامك جرب سوقها وجرب سوق عربيه تانيه من ساعة مطلعت من المصنع بتحط 92
وشوف الفرق في الاداء والسحب بقي عامل ازاي
صوت الكركره ديوالتسقيف في حد زاته قتل بطيء للموتور

ولو ينفعلها 80
مكانش الخواجه كتب علي باب التانك ان اقل اوكتان 91 يعني اصلا ال90 مش حيبقي مناسب ليها
احنا ليه بنحب نفتي في حاجه وهي قدام عنينا
وعلي فكره اعرف ناس كتير جدا ومعاهم لوجان وقريبين مني وهم بيحطوا 80 وفي اوكتافيا وبيحط 80 هم شايفين ان ده توفير
الا بقي لو حتستخدمها سنه وتبيع لحد تاني ولبس الزبون

تقبل نقدي يبااشا واحنا كلنا هنا عشان نفيد بعض مش عشان نسخر من بعض ونفتي :140109~347:

رد: اللوجان و بنزين 80
 

رد: اللوجان و بنزين 80
 

الافتاء والفهلوة . يا سلام عليكو انتو الاتنين . هو انتو يعنى مكنتوش عارفين تقولوا الكلمتين بتوعكو من غير قلة ذوق ولا قلة الذوق بقت اداة اساسية للنقد مع انى انا كنت بعرض وجهة نظرى بكامل الاحترام ومن غير تجريح لاى حد ولكنى لقيت تجاوزات كتير طب ليه ؟ مينفعش نحترم بعضنا وكل واحد يقول وجهة نظرة وكل واحد فى الاخر هو سيد قراره . وبعدين انت بتقول اننا هنا فى المنتدى عشان نفيد بعض مش عشان نسخر من بعض طيب هو انا سخرت منك او من اى عضو محترم تانى لايمكن انت . وعلى العموم المحترم هو اللى بيحترم الناس عشان الناس تحترمه .

رد: اللوجان و بنزين 80
 

قلة زوق وتجريح ؟؟وطلعت مش محترم كمان ؟؟ ربنا يكرم اصلك

مش بقولك متضايق اننا بننصحك
يباشا براحتك حطلها سولار

وانا اسف لو كنت اتدخلت في الموضوع
وكنت بنصح بعشم

وبعدين الفتي انا مكنتش بوجههولك انا كنت بوجهه للي بيقول حط 80 ووحتسمع كركره عادي ومتقلقش؟!!!

كلام قمة في الخطا لو يعرف المكنه بيحصلها ايه وهي بتكركر كده او بتسقف

بص عشان اريحك اعتبرني مقولتش حاجه في الموضوع ده خالص لو كنت اقدر امسح مشاركتي كنت مسحتها

سلام عليكم