رد: فكرة مجنونة اوووووووووووى
اقتباس:
|
رد: فكرة مجنونة اوووووووووووى
ابو نورا يا خبرة :)
هو مفيش أمل نركب عربية بي ام بسعر رخيص :) ؟ |
رد: فكرة مجنونة اوووووووووووى
مش ممكن يكون الكلام المكتوب ده جد
مافيش حاجه اسمها تقطع نمر الشاسيه من العربيه المخبوطه و تظبطها على العربيه التانيه بغض النظر طبعا عن أنك هاتكون تحت رحمة السمكرى و التاجر و كل واحد عرف الموضوع ده و اللى ممكن يبلغوا عنك فى أى وقت ..... لكن انتوا فاكرين مهندسين المرور هبل ولا حاجه ... كان زمان كل مصر ماشيه بعربيات متقطعه . هتبان فى الفحص و المطابقه على طول ... و هتتاخد العربيه و يتعمل لصاحبها قضيتين ... واحده تهرب جمركى و التانيه تزوير فى محرر رسمى . الموتور مافيهوش مشكله من أى نوع ..... هاتشترى موتور و معاه الأفراج بتاعه ..... المشكله فى رقم الشاسيه . كمان مافيش حاجه اسمها عربيات تدخل الجمارك سليمه و غير مقطعه .... ببساطه لأن الجمارك لا تسمح و كان كل الناس جابوها و قطعوها هنا ارخص من التقطيع بره مصر . كمان الجمارك بتشترط مناطق معينة فى تقطيع جسم السياره .... مش انصاص و خلاص و فيه اجزاء ممنوع تخش اصلا لكن ممكن تخش تهريب أو تجاوز بطريقه معينه مثل الكنب الخلفى و الكراسى و بعض اجزاء أخرى ... لكن كما قلت هناك وسيله لتهريبها . السيارات الكامله ليس لها مصدر فى مصر سوى السرقه أو التهريب من ليبيا فقط . |
رد: فكرة مجنونة اوووووووووووى
فيه طريقه شرعيه و قانونيه لتوضيب السيارات
انت عندك مثلا سياره من نوع كذا و موديل كذا و لكن صالونها و كماليتها اما بحاله سيئه أو مش شغاله أو مش موجوده اصلا تتفق مع أى واحد صاحبك من الخليج يشترى سياره مثلها و لكن بحالة ممتازه و بأعلى كماليات و يدخل بها مصر تريبتك ( دخول مؤقت ) من السياره الخليجى تأخذ كل ما تريد عدا طبعا الموتور ( أو الجزء السفلى منه تحديدا " البلوك علية نمرة الموتور " ) و تركبه فى السياره المصرى .... و كل أجزاء المصرى تركبه فى السياره الخليجى .... يعنى تبادل بين السيارتين . عندك الفرش الداخلى ( سقف - كنب - كراسى - فرش ابواب ) و التكييف و الأنذار و التابلوة بالكامل و الكاسيت و الفيتيس و الكورونا و العفشه بالكامل و المرايات و الزجاج و الشكمان بعلبه المختلفه و حساسات البيئه و الكاوتش بالجنوط و كل حوض الموتور ( بطاريه - دينامو - مارش - رادياتير - كنترولات - وش التقسيمه - سيور- قرب ماء - طلمة باور .....الخ ) فيما عدا البلوك السفلى . صاحبك بعد كده يرجع بالعربيه الخليجى بره مصر و يبيعها بأى كلام هناك . الموضوع قانونى تماما لأن كل دى تعتبر قطع غيار و أجزاء غير جوهريه ... يعنى طالما بعدت عن بلوك الموتور و الشاسيه يبقى تمام مافيش مشكله . |
رد: فكرة مجنونة اوووووووووووى
ما هو الممنوع استيراده من قطع غيار السيارات وهل الكنب الخلفى و الكراسى الأمامية من الممنوعات
|
الساعة الآن 07:20 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017