مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - تعرف على كورسير (https://www.masrmotors.com/vb/showthread.php?t=60484)

رد: تعرف على كورسير

اقتباس:

المشاركة الأصلية كتبت بواسطة ayman goda (المشاركة 453637)

كورسير يا جامد
ياترى اسم على مسمى؟
تقبل تحياتى

تسلملي يا ايمن باشا

بس هو ممكن يكون اسم علي مسمسي بما اني من عشاق البحر والغطس والميه عمتا

رد: تعرف على كورسير

اقتباس:

المشاركة الأصلية كتبت بواسطة golf4fast (المشاركة 453647)

ما رأيك في السيارة هيونداي فيرنا من حيث الثبات وخصوصا على السرعات والعفشة وقوة تحمل الصاج والموتور ووزن السيارة بعد استعمالك

احب انا الاسئلة الجميلة ديه

بص يا زعيم اولا بالنسبة للثبات انا عن نفسي مقتنع بيه لحد ال 140 بعد كدا الثبات مش كويس والعربية بتعوم بس مش جامد بس بحس بيها

ثانيا بالنسبة للعفشة انا ركبت جميع العربيات اللي في نفس الفئة بتاعت عربيتي ومش مقتنع غير بعفشة الفيرنا

ثالثا بالنسبة للصاج فهو زبالة بمعني الكلمة يعني لو حد ريح ايده جامد علي الصاج يطبق وبعاني منه كتير الصراحه

وزن العربية بالنسبالي ممتاز لانه بيوفرلي في البنزين وبيساعد علي قوة السحب

والماتور انا بجد مقتنع بيه تماما بس محتاج فرامل توازي قوة الماتور

وتسلملي يا غالي ونورت الموضوع

رد: تعرف على كورسير

اقتباس:

المشاركة الأصلية كتبت بواسطة mf86 (المشاركة 453658)

كنت سمعت كدا ان كورسير عايز يعمل مظاهرة مليونيه ضد التاكسي الابيض ...

ياتري دا ليه علاقة بلون عربيتك ههههههههههههههه؟؟؟؟

راجعلك يازعيم

عشان دلوقتي معاد :10F925~165::10F925~165:

هههههههههههههههههههههه

ليه بس الاسئلة ديه اللي بتفكرني بالماضي الاليم يوم ما اخترت اللون

بص يا غالي مع اني مكنتش ناوي اتكلم علي لون العربية بس علشان انتا حبيبي انا هقولك عربيتي مشكلتي اني بعد ما اشتريتها ب 3 شهور نزل مشروع التاكسي الابيض اللي انا شايفه انه زحم الدنيا بطريقة رهيبه وكره الناس في اللون الابيض بس هنعمل ايه ادي الله وادي حكمته

وفكرت اني اغير اللون بس المشكلة يوم ما اجي ابيعها اللي هيشتريها مني هيقولي ديه كانت تاكسي وانتا رشتها والقي تمنها نزل يجي 20000 جنيه علي ايه الطيب احسن

وتسلملي يا غالي وبالهنا والشفا مفيش عندك ورك صغير كدا للغلبان ده

رد: تعرف على كورسير

حبيبي نورت كرسي الاعتراف و بما ان احمد باشا بدر خايف على الكرسي عشان عليه اقساط هما سؤلين مش اكتر
لو ربنا كرمك بقرشين هتغير الفيرنا و لا لا و لو غيرت هتجيب ايه
لو هتختار رئيس للجمهورية تختار مين من دول
الدكتور محمد سليم العوا
الدكتور محمد البرادعي
الدكتور عبد المنعم ابو الفتوح
ايمن نور
حمدين صباحي

رد: تعرف على كورسير

حلو قوى موضوع كرسى الاعتراف ده ...... ممتاز
احييك يا عم احمد بدر على الموضوع الجميل اللى بيخلى الناس تتعرف على بعضها عن قرب كده
بالنسبة لكورسير بقى (ماعرفش اسمه الحقيقى ايه ؟؟؟ وده سؤال اسمك ايه؟؟ بشويش فى ودنك اهوه واوعى تقولى عبووووووود فاهمنى؟؟؟ههههههههه
لغاية دلوقتى مش عارف ايه موضوع الوزن ده ؟؟؟؟ هه ايه هه هه (إالحاح رِخِم)
لون العربية انا شايفة ميزة كبييييييييرة جدا والله بجد ممكن تستعمله فى وقت فراغك (لو شغال) فى توصيل ناس زى التاكسى كده بس نقى الناس اللى تقف لهم(ربنا يحفظك) او لو مش شغال استفيد من العربية برضه كتاكسى والله وتكسب كتير غير ان نمرك ملاكى يعنى ماحدش هايغلس عليك (دى فكرة واقتراح للاستفادة من اللون عشان يبقى ميزة بدل ماهو عيب -بالنسبة لك)
انا شوفت ناس عاملة كده فى ملاكى اسود وموضحينها بالشبكة اللى ع السقف

المهم بقى : انت ابتدت علاقتك بالعربيات من امتى؟؟؟؟ وركبت كام عربية؟؟؟؟ وانطباعك عن كل واحده(عربية يعنى)؟؟؟؟؟
و بمناسبة الواحده(الانثى):014FDA~11 7: بلاش تتجوز:cry2W9: وخدها حكمة منى وافتكرها فى يوم من الايام ...... (الوِحده .. ولا الواحده)