رد: الحقوني يا لوجانية .............لوجي بعافية شوية و محدش عارف يعالجها
 

ومدخل مكنة السياره ......هو الثروتل بودى Throttle Body- فالثروتل بودى هو أول مكنتك من بعد خرطوم توصيل الهواء القادم من فلتر الهواء ده بأه هو بوابة المكنه اللى حضرتك بتتحكم فى فتحتها من خلال ضغطك بنسب معينه على دواسة الأكسراتير فيه ناس بتسمى الدواسه دى ( ويمكن كلنا ) بدواسة البنزين ......فى الواقع هى مش دواسه للبنزين فعلا ولكنها دواسه لفتح باب الثروتل بودى ( على حسب أختيارنا ) ولكن تسميتها بدواسة البنزين .....معقول ومقبول برضه لأن من خلال التحكم فيها ( دواسة الأكسراتير ) بيتم تحديد كمية البنزين ( اللى حتختلط بالهواء اللى دخل من البوابه دى طبقا لضغطنا على الأكسراتير )________________________ _______ففى حالة محركات الحقن الألكترونى للبنزين يتم أستخدام أنظمهلقياس كمية الهواء اللى دخلت المكنه فعلا ....مع ضغطك على الأكسراتير قد يكون جهاز قياس كمية الهواء حساس ماف ( قبل البوابه ) حساس ماب ( بعد البوابه ) ومن تحليل أشارات هذه الأنظمه أو الحساسات يتم معرفة كمية البنزين _________________________ ____يركب على البوابه أيضا فى مواجهة بكرة الأكسراتير حساس تعريف وحدة التحكم بمقدار فتحة البوابه أو عدم فتحانها من الأساس (TPS (Throttle Position Sensor يركب مباشرة على نهاية أكس قرص البوابه من الجانب الآخر المواجه لبكرة الأكسراتير _________________________ ___بعض أنواع سيارات الحقن الألكترونى لاتشتمل على حساس بوابه كالوضع السابق توضيحه وتسمى بالسيارت التى لاتحتوى على واير أكسراتيرأى مفيهاش ..............واير بنزين بتسمى المحركات أو السيارات التى تدار ويتحكم فيها بكبل كهرباء عادى جدا Drive-By-Wire",وهذا يعنى عدم وجود كبل أو سلك بجراب للتحكم فى فتح وغلق الثروتل بودى متصل بالبكره من جانب وبالدواسه من الجانب الآخر _________________________ ___ولكن فى هذا النوع من السيارات يوجد حساس ال tps على الدواسه بأه وموتور كهرباء موجود على الثروتل بودى لفتح بوابة الثروتل ( حسب دوس السائق على الدواسه ) شوفتم وتخيلتم النظام ماشى أزاى فى النوع ده من السيارات بمجرد ضغط السائق على دواسة البنزين حساس ال tps ( إللى على الدواسه ) بيفهم وحدة التحكم السواق ...............دايس أد أيه بتروح وحدة التحكم موديه كهرباء للموتور اللى على البوابهعلشان ينفتح فتحه أد اللى سواق عاوزها من خلال أشارة حساس ال tps اللى عند دواسة البنزين وهنا الموتور بيقوم بدور سلك الأكسراتير وبلف الأيدل كنترولر _________________________ _________مع مرور الأيام .....جسم الثروتل بودى ( أو جسم الخانق ...أو البوابه ) بيصبح ملوثا بالأصماغ والملوثات ( زى الحله اللى بتهبب من قعرها على النار ) ودى أمور طبيعيه فى محركات الأحتراق الداخلى ( زى محركات السيارات ) هذا الهباب والتلوث لزور البوابه من بعد القرص أو الباب يمكن أن يتسبب فى رعشه على السلانسيه وعدم أستقرار فى سرعة المكنه وفى نفس الوقت تضليل أشارة حساس ال tps بعض مصنعى أجسام الخانق ( الثرتل بودى ) بيستخدموا طلاءات خاصه لطلاء زور الثروتل بودى من الداخل بمواد معينه على أساس عند قيامك بتنظيف البوابه من بعد القرص ( بابها ) لا تستخدم مواد كيماويه حاميه مثل منظفات الكاربوراتيرات أو منظفات الفرامل هذا النوع من السيارات سوف تكون مزوده بأستيكرات لأرشادك بهذا أما الأنواع العاديه فسوف تقوم فيها بأستخدام منظفات الكربوراتيراتcarburetor cleaner منقول للافاده

رد: الحقوني يا لوجانية .............لوجي بعافية شوية و محدش عارف يعالجها
 

الله ينور عليك بجد مشاركة رائعة

رد: الحقوني يا لوجانية .............لوجي بعافية شوية و محدش عارف يعالجها
 

بصي حضرتك انا مش عارف مركز الصيان اللي بتتعاملي معاه اسمه ايه في اسكندرية...اتصلي برقم رينو (16202) واطلبي تكلمي حد او وصلي شكوتك هايردوا عليكي ...هما هنا في القاهره موفرين خدمتها كاملة...محدش بيعوز حاجه مش بيلاقيها...لو قطعت غيار ناقصه كبيرها اسبوعين وبيجبوها بالدي اتش ال من بره...ولو محدش فادك ردي عليا هنا وانا هاديكي موبايل مدير خدمة العملا في الشركه عشان انا قعدت معاه قبل كده في شكوى منهم وحلها ...جربي وقوليي عملتي ايه

رد: الحقوني يا لوجانية .............لوجي بعافية شوية و محدش عارف يعالجها
 

انا اسفة جدا على التأخير الكهربا كانت قاطعة اغلب اليوم
اولا عندي خبر حلو قطعة الغيار جات و العربية اتصلحت لكن ازاي ايه اللي حصل؟؟؟؟
عملت زي ما اخ شريف قال اتصلت و قولت لو فطعة الغيار دي ماجاتش انهاردة او بكرة بالكتير انا هروح لجمعية حماية المستهلك فعلا مافيش سبع ساعات على بعض و كانت قطعة الغيار موجودة و روحت بعد الفطار يوم الاحد ركبتها .. في كام ساعة جات من البحر زي ماكانوا بيشتغلوني
و الحمد لله الفرق واضح جدا بس برضه في حاجة مش مظبوطة بس انا بقول لسه محتاجة فترة نقاهة لغاية ماتاخد على الهوا النضيف

فعلا المعاملة اختلفت تماما بعد التهديد طبعا بالايجاب مش زي مانا كنت متخيلة
بجد بجد مش عارفة اشكرك ازاي و الله هادعيلك دعوة حلوة بظهر الغيب فعلا فكرة حماية المستهلك دي كانت جامدة جامدة


فعلا عربية كويسة و جامدة جدا المشكلة بس حظي الرائع عربية مالهاش اسبوعين معايا و لسة ماتهنيتش بيها يطلع فيها كل ده و دي لو غلطة حد غلطة التوكيل لانه المفروض ساعة الفحص كانوا خدوا بالهم قدر الله و ماشاء فعل
بس على فكرة انا اتعلمت غلى فيرنا و سويفت و 132لوجي كانت بس اول مرة امشي في الشارع لوحدي و اروح و اجي و كده يعني
بس الحمد لله فرجت بفضل الله ثم بفضل نصايح الاخوة و تسلم على مرورك الكريم

رد: الحقوني يا لوجانية .............لوجي بعافية شوية و محدش عارف يعالجها
 

الحمد لله فرجت بس خلي معاك الرقم ده ممكن نحتاجه تاني لا قدرالله .... بجد و الله اعضاء مصر موتورز رجالة بس الواحد يقول الحقوني

الاخ m1f1e اجاد الشرح مشكورا و نورني تشريفك في الموضوع يا ابو هيما



الحمد لله اتحلت



الحمد لله اتصلحت عندهم انا ماكنتش هاسيبهم ...و نورت الموضوع