مصر موتورز مجتمع السيارات - ماهيندرا سكوربيو 2012 4x4 تقييم كامل بعد 6000 كلم

مصر موتورز مجتمع السيارات (https://www.masrmotors.com/vb/index.php)

- TATA تاتا الهندية (https://www.masrmotors.com/vb/forumdisplay.php?f=46)

- - ماهيندرا سكوربيو 2012 4x4 تقييم كامل بعد 6000 كلم (https://www.masrmotors.com/vb/showthread.php?t=114740)

رد: تقرير عن سيارة ماهيندرا سكوربيو 2012 4x4 بعد 6000 كلم

اقتباس:

المشاركة الأصلية كتبت بواسطة vet mohamed (المشاركة 892919)

معلش سؤال علشان بفكرجديا فى العربية ديه .......قطع الغيار والصيانة نظامهم ايه وانهى الاحسن الديزل ولا البنزين ؟ الماتور ال2000 ولا ال2600 ؟؟

قطع الغيار رخيصة علي سبيل المثال انا غيرت قطعة في جنط العربيه ب 77 جنيه ونص بس وتغيير فلتر الزيت ب 50 جنيه بس وقطع الغيار متوفره في البفاريه فرع الماهيندرا وعند معرض اوتو ماجد في مدينة نصر

اما من ناحية الاختيار فطبعا البنزين افضل بكتييييييييييييييييييييير في ظل نقص وازمة الديزل ( السولار ) بالاضافة ان البنزين انعم واسرع وصوته هادي لكن الديزل صوته عالي زي العربية النقل

ملحوظة هامة :

العربية اخر موديل ليها 2012 والباقي ستوك مخزون علشان انتاجها وقف تقريبا في مصر لكن مراكز الصيانة موجوده

بس البنزين موجود بس عند معرض اوتو ماجد في مدينة نصر في القاهرة هو بس الوحيد في مصر عنده حوالي 70 واحدة بنزين 2000 سي سي 4x4 وبرده 4x2 اما الديزل فهو موجود عند البافارية لكن سعرها اعلي من البنزين علشان كده البنزين افضل بكتيييييييييييييير

رد: ماهيندرا سكوربيو 2012 4x4 تقييم كامل بعد 6000 كلم

لي سؤال تانك البنزين بياخد كام لتر ؟ وممكن تقبل بنزين 80 و لا زم 90 و لا 92 ؟

رد: ماهيندرا سكوربيو 2012 4x4 تقييم كامل بعد 6000 كلم

اقتباس:

المشاركة الأصلية كتبت بواسطة amgad saeed (المشاركة 897112)

لي سؤال تانك البنزين بياخد كام لتر ؟ وممكن تقبل بنزين 80 و لا زم 90 و لا 92 ؟

تانك البنزين بياخد في حدود 60 لتر والعربية لا تقبل 80 خطر جداااا العربية بتاخد 92 وممكن 90 بس بيضعف قوة الموتور شوية

رد: ماهيندرا سكوربيو 2012 4x4 تقييم كامل بعد 6000 كلم

اولاا الف مبروك اخى jeep liberty على السيارة الجميلة دى ,, بص يا غالى انا مالك السيارة من 2011 برضو 4x4 ماشاء الله العربية جميلة قوى الحمد لله بس عندى تعديل بسيط هو تنك البنزين 47 لتر دة الى مخليك حاسس ان الاستهلاك عالى شوية دى ,, هو اة عالى بس مش قوى و متنساش وزن العربية 2610 كجم يعنى دبابة ماشية مش عربية ,, تانى حاجة انا مشيت بالعربية 170 وكانت قابلة معاية بس الكلام دة علشان اعملة كنت بنقل على 5500 RPM يعنى الاول 40 والتانى 70 و التالت 95 و الرابع 150 و الخامس لغايت 170 بس الكلام دة بيتعب الموتور و انسى انك تجيب السرعة دى بالمكيف لو بالمكيف مش بتعدى 150 الا فى المنازل . فى شئ تانى متعب و هو صوت المنبة بعد 120 مش بيفصل خالص و صوتة مزعج بصراحة تت تت تت تت هههههههههه و تقبل مرورى ياغالى :fun_36_3_9[1]:
https://fbcdn-sphotos-c-a.akamaihd.n...25434916_n.jpg
ودى كانت منغير المكيف

https://fbcdn-sphotos-c-a.akamaihd.n...66312565_n.jpg

ودى صورة للداخلية بتاعت سيارتى و غيرت الكاسيت الشرايط و ركب سى دى بالبلوتوث و ال USB و ال AUX من شركة City Sound كويس قوى احسن من الكاسيت الى مبوظ السماعات الجبارة لان سماعات العربية قوية بس الكاسيت هو الى كان مبوظها

https://fbcdn-sphotos-a-a.akamaihd.n...50156081_n.jpg

تقبل مرورى ياغالى اخى الكريم
https://fbcdn-sphotos-h-a.akamaihd.n..._7595502_n.jpg

رد: ماهيندرا سكوربيو 2012 4x4 تقييم كامل بعد 6000 كلم

اقتباس:

وزن العربية 2610 كجم يعنى دبابة ماشية مش عربية

يا نهار ازرق !!
دا الرانج روفر الجديدة وزنها اقل من كدا
بس انتا متأكد من المعلومة دي ؟؟