رد: التفييس المصري
اقتباس:
خليني اقولك الكلام بتاعي بطريقة اخرى....ونفكر فيه شويه ..لنفترض العكس اني مش عايز ازنق نفسي وعايز اعيش حياتي واصرف واتفسح ..يا عم محدش واخذ منها حاجة...مش عايز ابقى مثل صاحبي البخيل من وجهة نظري طبعا اللي مقرمط على نفسه وشكله يصعب عليك (ده مثال طبعا) وانا مش من مؤيدي البخل الشحيح..انا مع المعقول طبعا....طيب تخيل حالك وحال صديقك بعد 4 او خمس سنين...خليني اقولك السيناريو المتوقع ...صاحبك اصبح معاه bmw او مرسيدس او باسات وجاي يغيظك بها لانك ببساطه مش معاك حاجة ومعملتش حاجة للزمن حتى.. وكل فلوسك مصروفة في اشياء استهلاكية غير ملموسة ( قال الله تعالى:وَلَا تَجْعَلْ يَدَك مَغْلُولَةً إلَى عُنُقِك وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَحْسُورًا ) صدق الله العظيم....انا بطلب من كل واحد فينا طلب واحدة بس ..انك تتخيل نفسه في هذا الموقف فقط....شكرا طبعا المثال اللي انا ذكرته مع افتراض ثبات كل العوامل(لان الاعمار بيد الله طبعا) وطبعا صاحبك ممكن يكون صديقك في العمل او جارك او من معارفك متفرقش .. متنساش ان كل شئ جميل تملكه بيكون نتاج تعب ومجهود "وتضحية" فكلما زادت التضحية زاد جمال الشئ المملوك والعكس...ارجو ان اكون وصلتلكم فكرتي وفي النهاية ده مجرد راي شخصي.. تقبل تحياتي محمد |
رد: التفييس المصري
اقتباس:
كله كلام موزون بالشعره |
رد: التفييس المصري
كل الكلام الي قريته كلام ممتاز وكل واحد ليه وجهة نظر ناس بتقول العصاية من النص وناس بتقول كل حاجة حلوة ليها تمن وناس بتقول الإحتياج الأساسي هوا عربية مش البرستيج.
طيب لو بصينا من وجهة نظر إقتصادية كل بنآدم معاه إمكانيات وعايز يشبع رغباته سواء الرغبة دي كانت بشيء من الأساسيات أو الكماليات فهية رغبة تحتاج للإشباع مثلا: لو إنتا عطشان قوي وأول كباية مية شربتها هتحقق منها حوالي ثلاث أرباع إشباع رغبتك من الشرب تعالى بقى وإملاها تاني وإشرب تاني الكباية التانية دي لا تمثلك من إشباع رغبتك الي كانت عندك الأول إلا مثلا حوالي 10% علشان توصل لمرحلة الإرتواء الكامل الي هيا 100% وتنسي المية فترة. دلوقتي دا علاقة الإستهلاك بالإشباع لاكن ماجيبناش سيرة الإمكانيات لأنك لو إمكانياتك لا تؤهلك لشراء ثاني كوب من الماء يبقى إيه الي هيحصل إنك عمرك ماهتوصل لنسبة إشباع 100%. وهوا دا الي بيحصل مع كل الناس في جميع أنحاء العالم, الإنسان دايما طموح وسقف أحلامه عمره ماكان محدد فإنتا بتهيألك مثلا إني العربية المرسيدس دي هيا سقف احلامك مع إني كمان شوية ممكن تبص تلاقي إنك لو قرصت على نفسك شوية ممكن تجيب بورش مثلا ومن حقك تطمح. يبقى هيا سلسلة لا تنتهي من الطموح ومحاولة تحقيقه وتحقيق أجزاء وإستمرار الحلم بتحقيق الباقي. إيه ياباشا شكلك تهت مني لا إستنى المفيد بقى ومن الآخر :14369D~149: إمسك العصاية من نص وهات عربية تغنيك عن البهدلة وفي نفس الوقت تحفظ ماء وجهك (ماتستعرش منها في وسط الناس ياعني) |
رد: التفييس المصري
اقتباس:
وعلي توضيح نظرية تناقص المنفعة الحدية. ورأيك برضه ميه ميه. |
الساعة الآن 09:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017