رد: الحمد لله-لوح خشب وقع علي سقف الفيرنا-نصايحكم
 

ألف سلامة يا أ/أحمد
أنا باعتذر لأني أول مرة أقرأ الموضوع ، ربنا يعوض عليك

رد: الحمد لله-لوح خشب وقع علي سقف الفيرنا-نصايحكم
 

يا أبو حميد لو أنت صلحتها بـ130 جنيه وأرتضيت بكده ومارشتش يبقى الراجل المقاول له في زمتك باقي مبلغ الـ650 جنيه .... ولا زم تدور عليه وتجيبه عن طريق صاحب العمارة إللي كان بيبني
ولو ماعثرتش عليه يبقى تخرج حاجه لله
لامؤاخذه يا أبو حميد .... بس أنا عارف قد أيه أنت حريص على فعل الصح

رد: الحمد لله-لوح خشب وقع علي سقف الفيرنا-نصايحكم
 

و انا متقبل وجهة نظرك تماما

بس احسبلي بقه التالي : _

1- فرق السعر عند اعادة البيع

2- فرق سهولة اعادة البيع نفسها

3- العطله و الانتقالات من و الي الورش و اللف علي الورش اساسا للاستفسار

4- حرقه الدم و الاعصاب لما تشوف عربيتك سقفها بيتصلح زيك زي اللي اتقلب بالعربية و كل ما تشوف السقف حتي بعد ماتصلح و لما تيجي تبيع العربية و تقف تذل عشان تثبت انك مش نصاب ( و لا اقولك متحسبشي دي ،، بصفتها شئ غير مادي )

5- مش ممكن في يوم من الايام ارجع في كلامي و اصلح السقف تصليح كامل سمكرة و رش و حموات


انا اساسا من النوع المتسامح جدا في الحاجات دي

و باكتفي اوي بالاعتذار

بس انا صممت لسببين

اولا : عشان معمشي مبدأ الاستهتار و اخليه سهل علي الناس ( اللوح وقع استعباط من عامل مكنش فيه ظروف شغل قاسية و لا حاجة و لوح خفيف علي فكرة بس الارتفاع العالي اللي اداله القوة دي لو كان لوح تقيل كان طبق السقف اساسا ) فصممت علي التعويض رغم اني كانت نيتي اساسا اصلحه عالحساب التامين

يا سيدي الحمد لله انه وقع علي سقف عربية ما بالك بقه لو وقع علي دماغ انسان

و فعلا كان فيه ناس قاعده جنب العربية

ثانيا : حساسية المكان اللي اتخبط في العربية - السقف


و عموما انا برده هاسأل عالم و اشوف حكم الدين في الحكاية دي

رد: الحمد لله-لوح خشب وقع علي سقف الفيرنا-نصايحكم
 

رد: الحمد لله-لوح خشب وقع علي سقف الفيرنا-نصايحكم
 

مع احترامي الشديد لرايك يا هاني باشا
بس الباشمهندس احمد معاه حق
انا واحد نازل لقيت عربيتي اتخبطط خبطه بشعه
ممكن تقلل من تمنها و انت عارف ساعه البيع كل واحد بيتلكك
و خصوصا لو وقعت في ايد تاجر ولا حاجه
....انا من كام يوم واقف عند الميكانيكي و واحد بص علي عربيتي و من نضافتها بيقولي تعمل كام دلوقتي
قولتله مش ببيع قالي يعني ممكن تجيب كام قولتله 33 الف
يقولي ما تجيبش اكتر من 22 الف قولتله يبقي احطها جنب الحيطه
و في نفس الوقت عمال يتكلم علي عربيه 132 كانت معاه موديل 75
بيقولي قبل الحادثه اللي عملتها كانت جايبالي 24 الف !!!!!!!!!!!!!!!
تخيل لما يقول علي عربيه 75 اكل عليها الضهر و شرب اغلي من عربيه مكيفه موديل 93و فابريكه دواخل و حالتها حلوه!!!!!
انا بحكي المثال دا علشان بس الناس تاخد بالها و هيا بتبيع و تشتري
غير العطله دي لوحدها مشكله و التاكسيات
كون انك بتبص من بلكون بيتك و تحس انك مش غلطان و حصل لك دا كله.
غير كده لو الفلوس مالهاش قيمه بس انت كده بتادبهعلشان يحرم يعمل كده تاني
و يحضرني موقف ايضا في هذه الحاله:)
كنت مع خالي في القاهره بعربيته (كورولا 2007)
المهم راكنين العربيه و هوب فجأه و لسه جواها لقينا صندوق حاجه ساقعه اتحدف من العربيه اللي جنبنا علي الزجاج الامامي
!!!!!!!!!!!
خالي نزل بمنتهي البساطه و جاب الواد الليب بيحدفه و قاله بالحرف انا حخليك تصلحه
علشان تبطل استهتار لو الصندوق دا وقع علي دماغ حد كان حيموت
المهم كان فيه بتاع زجاج جنبنا و روحنا و قال تمنه كذا و الواد واقف يعيط و معلش و بتاع
فخالي قاله انت تشيل النص و انا النص
و فين و فين خلي اعصابه سايبه و العربيه اتصلحت و راح دافع للراجل الفلوس و قال للواد ابقي خلي بالك بعد كده
فبصراحه المبلغ دا مهما كان حيخلي المقاول يشد علي النس بتوعه
لان دا تسليح و حديد مش هزار
دا لو زلطه وقعت من ارتفاع علي دماغ واحد حتعمله مشاكل.