مصر موتورز مجتمع السيارات - قطع غيار جديدة لجولف 2

مصر موتورز مجتمع السيارات (https://www.masrmotors.com/vb/index.php)

- جولف GOLF (https://www.masrmotors.com/vb/forumdisplay.php?f=194)

- - قطع غيار جديدة لجولف 2 (https://www.masrmotors.com/vb/showthread.php?t=37100)

رد: قطع غيار جديدة لجولف 2

حضرتك اشتريت من الموقع ازاي؟

رد: قطع غيار جديدة لجولف 2

اقتباس:

المشاركة الأصلية كتبت بواسطة رياح التغيير (المشاركة 280730)

حضرتك اشتريت من الموقع ازاي؟

بسيطة ، حضرتك بتكتب العدد اللي انت عايزة قدام القطعه و بعدين لما تخلص اختيار يدخلوك علي شاشة تكتب فيها رقم الماستر كارد او الفيزا و عنوانك و هما يبعتولك الحاجة زائد مصاريف شحنها و تستلمها من مكتب الجمارك اللي في بريد رمسيس و تدفع جماركها و تستلمها

رد: قطع غيار جديدة لجولف 2

اقتباس:

المشاركة الأصلية كتبت بواسطة بشبوشي (المشاركة 266976)

علي العموم علشان اسهل عليكوا الدنيا ، الاسعار كالتالي :

1- انوار الضباب -الفوجات- 300 جنيه
2- قاعدة الموتور - 100 جنيه bilstein
3- البساتم 600 جنية

اعضاء المنتدي الكرام ، الفوجات اتباعت ، اللي فاضل حاليا البساتم و قاعدة الموتور للي مهتم

رد: قطع غيار جديدة لجولف 2

لو يسمحلي صاحب الموضوع

انت بتبيع بأسعار رخيصة اوي ! لو الحاجة اللي معاك فعلا بالماركات اللي انت بتقول عليها دي يبقي حرام !!!!!

هو اساسا دلوقتي حد ممكن يلاقي فوجات Hella جديدة ؟!؟!؟! لو لقاها هيلاقيها استيراد يعني مستعملة و هي مستعملة بيبيعوها ب 300 جنيه يعني انت تطلب علي الاقل 500 !!! هو حد لاقي الHELLA دلوقتي يا باشا !!!!
فتح الباب نفسه اللي انت جايبهم منه لو رحت سألته هيقولك مفيش hella دلوقتي كله depo تايواني

قاعدة موتور BLESTIN ب 100 جنيه !!!! ده المضروب دلوقتي بيتباع بالسعر ده او اكتر يا باشا !!! و اساسا مفيش قواعد بلستين جديدة دلوقتي !!!!

اما التالته و دي اللي صدمتني بقي ! بساتم g60 ب 600 جنيه ؟! مش اقل من 1500 جنيه !!!! بساتم ال g60 بتبقي بساتم forged مش معدن عادي ! يعني بساتم سبور من الاخر معموله لتحمل الضغط و ال rpm العالي و اللي بيجبوها بيبقوا هواة التعديل ! لو اللي معاك forged يبقي حرام تبيعهم بالسعر ده ! ال g60 اصلا كان بينزل في الجولف موتور forged internal كله لو البساتم اللي معاك دي forged صدقني 1500 ده يبقي سعر معقول مش سعرها بالضبط كمان لو اتكلمنا في سعر بساتم forged بماركة mahle يبقي هتكلم في اكتر من 2000 جنيه

رجاء التأكد هما forged ولا لا

رد: قطع غيار جديدة لجولف 2

اقتباس:

المشاركة الأصلية كتبت بواسطة mohamed ibiza (المشاركة 284705)

ميرسي جدا يا افندم و الله علي اهتمامك ، انا عارف اني بابيع رخيص جدا بس المشكلة ان ماحدش بيشتري اساسا لان مين اللي يدفع فلوس في حاجه ماركه و لو باع عربيته عمرة ما حيجيب سعرها لانها عربية قديمة جدا
انا كان عندي جولف 2 موديل 1991 امريكاني و صرفت عليها قد سعرها و استوردت ليها قطع غيار من امريكا و المانيا و لما جيت ابيعها ماجابتش و لا مليم من اللي صرفتة عليها
انا اكيد كان تفكيري غلط و القديم مش المفروض الواحد يصرف عليه لانها فلوس في الارض
البساتم اكيد G60 بس ماعرفش مصنوعين ازاي مش مكتوب عليهم بس المشكلة كمان ان مش عاجب الناس و بيفاصلوا مع ان ربنا العالم اني شاريهم باكتر من ضعف السعر دة بس تقول ايه بقي طبع في الناس الفصال و خلاص