![]() |
رد: العربية بلاعة بنزين ومش بترضى تسحب - نداء الى الخبراء
يا جماعه انا عندى شاهين 99 اقص سرعه فيها 100 كم فى الساعه غيرت طقم دبرياج كامل و المشكله مستمرة مع العلم ان حاله الموتور 90% و الكرونه 100% و جربت عربيه ثانيه نفس الموديل و لقيت السرعه 160كم فى الساعه انا عارف ان السرعه العاليه غلط بس انا بحمل على الموتور علشان تجيب ال 100 و ايضا صلحت الكربرتير و نفس المشكه السحب اقصاه 100 كم
|
رد: العربية بلاعة بنزين ومش بترضى تسحب - نداء الى الخبراء
رغم إنى عندى مشكلة مشابهة و لسه مش فاضى أكشف عليها بس مبدئياً أسباب عدم السحب فىسيارات نظام الكربراتير يرجع إلى....
1- طقم دبرياج و ده هتلاقى الـ RPM بيعلى و مفيش سحب مماثل لصوت المكنة اللى بيعلى, و تكشف عليه بإنك تجيب الرابع و هيا العربية واقفة سلانسية و تجرب ترفع رجلك براحة من على الدبرياج, لو إتحركت يبقى الطقم بيودع, المفروض إنها تفصل. 2- فرامل قافشة أحيانا بتكون أى عجلة قافشة فرامل و دى تخلى العربية بتعافر علشان تسحب و مفيش فايدة, بعد مشوار متوسط تنزل تجس الجنوط بإيدك لازم يكون كل 2 درجة حرارتهم متشابهة (يعنى الجنوط الأمامى تقارنة مع بعض - و الخلفى مع بعض) 3- بيك بنزين لبوابة السرعة البطيئة ضيق و ده معظم الميكانيكية و صنايعية الكربراتير بيعملوه ظناً منهم إنه هيقلل الإستهلاك, بيقلل مقاس بيك البنزين عن الفابريكا و طبعاً العربية تتخنق و تستهلك بنزين أكتر نتيجة القرص المستمر من سعادتك علشان تسحب و مفيش فايدة 4- فلاتر (بنزين و هواء) و بوجيهات و موبينة و أسلاك بوجيهات .... بعافية شوية ده اللى جاى على بالى دلوقتى, ممكن يكون فيه حاجات تانية مش فاكرها, و الدنيا ياما فيها أعاننا الله و إياكم لكل خير |
الساعة الآن 07:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017