رد: @ لا تقولى فيرنا و لانوس ولا افيو و اكسنت .. اللوجان فوق الجميع @
 

فى ايه ياجماعه انتوا بتتخانقوا ومقطعين بعض ليه ؟؟الموضوع ابسط من كده

اى سيارة فى الدنيا ليها مميزات وعيوب والمميزات والعيوب دى نسبيه بتختلف من واحد

للتانى حسب استخدامه ايه للعربيه وهو بيتطلع لايه فى العربيه يعنى انا واحد من الناس كل الى يهمنى فى العربيه هو سهولة الصيانه وقلة الاعطال وتوافر قطع الغيار وارتفاع سعر اعادة البيع وانا كنت مأجر فيرنا سافرت بيها من المنصوره لاسكندريه وكانت كويسه يعنى حلوه على فلوسها بس طبعا مش هقارنها بعربيتى القديمه فورد فوكس مع انهم نفس الفئه 1600 سى سى صالون والنيو اكسينت عربيه ممتازه ومتقدمه مقارنة بالفيرنا هى اكسينت قديمه اصلا وبا لانوس الى هى اوبل قديمه بس الاتنين دول ثبتوا نجاحهم فى مصر كسيارات ناجحه واقتصاديه واللوجان صعب نحكم عليها دلوقتى بس وربنا يبارك فى عربية كل واحد وتبقى عنده احسن عربيه فى الدنيا



الترتيب

نيو اكسينت

فيرنا

لانوس

والافيو فاشله

اللوجان كويسه بس لسه بدرى للحكم عليها
الله يباركلك يا مسلم فعلا اسم على مسمى وعؤبال مربنا يهدى المفتتيين بتوع الجيل
وعلى فكرة ترتيبك عشرة على عشرة بس مش عشان انت بس اللى بتقوله
دنا لو جبت عيل صغير هيؤل نفس ترتيب حاجة غيربة
انا بس كل اللى غايظنى ان كله عايز يعمل فيها عمو الفهمان اللى ركب كله وكان شغال اساسا في برنامج توب جير وبيتمن العربيا ويقيمها على كيفه
على فكرة انا اساسا من اكتر اعداء النيو اكسنت خصوصا شكلها خانئني اكتر من اللوجان بس عربيا احترام بحق ربنا ولو اقول غير كدة ابئه انضميت لشلة افتاء التوب جير ههههههههه
مرسي على المداخلة المحترمة يا مسل ويجزيك الله بيها خير ويضعها في ميزان حسناتك

رد: @ لا تقولى فيرنا و لانوس ولا افيو و اكسنت .. اللوجان فوق الجميع @
 

الف الف مبروك و ربنا يديك خيره او يحميك من شرها
اظرف حاجه في الموضوع ان الناس بدأت تتخانق مع بعض و صاحب الموضوع الاساسي
مش بيرد علي حد:)
انا مش شايف في عنوانه حاجه بصراحه لان الراجل شاري حاجه و معجب بيها
و رغم انه معجب بيها و مفضلها عن دا كله
كاتب مميزات و عيوب بمنتهي الحياديه
ارجو من الجميع ضبط النفس و عدم الدخول في مهاترات ليس لها اي داعي

رد: @ لا تقولى فيرنا و لانوس ولا افيو و اكسنت .. اللوجان فوق الجميع @
 

شكرا موضوع متميز شكرا ومشتنين رايك كل فترة عن العربية

رد: @ لا تقولى فيرنا و لانوس ولا افيو و اكسنت .. اللوجان فوق الجميع @
 

يا راجل عيب اللى انت يتقوله دة ... عيب ... احنا مش صغيرين ... وانا مش واقف امامك علشان ارد على الاهانة
ويا سيدى ربنا يخليلك الفيرنا الجبارة دى وسيبنا فى حالنا مع اللوجان الغلبانة ... ومرة تانية اقسملك بالله ان انا قبل اللوجان كان معايا فيرنا
عايز حاجة تانى بعد ما حلفتلك باللى احسن منى ومنك ... وبلاش نتكلم عن الفيرنا علشان هى اصلا مش عربية اضيع وقتى فى الكلام عنها


اول سطر قريته من اللى انت كاتبه بجد خلانى زعلت من نفسي ببس احب اقولك انت اللى قولت الكلمة ومشعارف انا المفروض ارد اقولك ايه بصراحة اما بالنسبة اسيبكم في حالكم
انت محسسنى انى ماسك في فردة بنطالونك وعمال اتجرجر في الارض واقولك ونبي عربيتى حلوة ونبي عربيتى حلوة دنتا اساسا يبنى داخل بتقول كلام مفيشهوش حرف سليم وشرحتلك وفهمتك اعمل ايه تانى بس اكتر من كدة
بجد اسوب النقاش لو هيطور عن كدة فبلاش نتكلم مع بعض تانى يا رينجو لان اللى بيشتم من ورا شاشة الكمبيوتر فداه مش راجل من اصله على العموم احب اخر كلم انا اقولهالك اسف جدا وبعتزرلك على ردى ليك بالمثل

رد: @ لا تقولى فيرنا و لانوس ولا افيو و اكسنت .. اللوجان فوق الجميع @
 

اولا الف مبروك ياباشا على العربية الجديدة وربنا يديك خيرها ويكفيك شرها
ثانيا اسم الموضوع مفيهوش أى مشكلة (وجهة نظر)
ثالثا أنا شايف إن كل الناس عمالة تنفخ فى الفيرنا (مش عارف ليه) مع العلم انها متور بس
ودى أنا متأكد منها رغم أنى مشتريتش ولا عربية فيرنا بس كنت تدريب فى الشركة بتاعت غبور
والف مبروك لصاحب العربية تانى ومتنساش تدبح حاجة عليها او تطلع حاجة لله عشان العين
وربنا يبارك لك فيها