مصر موتورز مجتمع السيارات - مسافر ومش عارف اعمل ايه في اللوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - مسافر ومش عارف اعمل ايه في اللوجان (https://www.masrmotors.com/vb/showthread.php?t=103765)

رد: مسافر ومش عارف اعمل ايه في اللوجان

اقتباس:

المشاركة الأصلية كتبت بواسطة محمدصلاح القاضى (المشاركة 807921)

احسن شىء
انك ترفع العربيه
تشترى اربع روافع حديد من بتوع الورش
زى دول
http://a7lashare.com/viewimages/4deea3a523.jpg

وترفع العربيه كلها عليهم بالطريقه دى

http://a7lashare.com/viewimages/b709e7721c.jpg

وتشترى غطا قماش مش وتر بروف
ليه عشان القماش افضل فى حفظ العربيه من الوتر بروف لانه بيخلى الهوا متجدد على جسم العربيه ولو لاقدر الله فى رطوبه مش بيخلى حاجه بين المفرش والعربيه لانه قماش

تجيب علبة بودره تلك ( اطفال )
http://a7lashare.com/viewimages/f5d089e601.jpg

وتحطها على جميع جوانات الابواب والازاز والشنطه و الكابوت عشان التشققات

تجيب علبة زيت بيبى اويل
http://a7lashare.com/viewimages/62ebb4a9a2.jpg

وتجيب قماش نضيفه وتحط عليها زيت وتمسح الطابلوه وفرش الابواب

تغير الزيت والفلتر وتحط زيت وليكن شيل هيلكس الاحمر
http://a7lashare.com/viewimages/0786820977.jpg وفلتر زيت جديد

طبعا حضرتك الريداتير عندك محطوط فيه مياه ريداتير مش مياه عاديه يبقى مفيش مشكله

بتفك كابلات البطاريه ويستحسن تشيل لها من العربيه وتبيعها لاى حد تعرف انه محتاج واحده
لانها للاسف هتبوظ هتبوظ واما تنزل بالسلامه تشترى واحده جديده نفس الامبير وتركبها عادى جدااا

طبعا تانك البنزين متخليش فيه بنزين اكتر من 5 لتر وياريت تحط عليهم علبه WD-40
http://a7lashare.com/viewimages/b15490663a.jpg عشان تحافظ على التانك من البرومه لو البنزين فيه نسبة رطوبه

تحاول بقدر الامكان تسديد الماتور من اسفل العربيه وليكن بكارتونه بوتوجاز او غساله وتسبته بسلك او حبل وبلاش تماما اللزق عشان اما هيجى يطلع ممكن يشيل معاه البويا
طيب ليه هتسدد الماتور عشان الفران الملاعين دول ميلعبوش فى اى حاجه

اكيد هتبقى معاك شويه زيت بيبى اويل بنفس القماشه وتمسح خرطيم الريداتير http://a7lashare.com/viewimages/d6ee21f457.jpg والسيور اللى باينه وكمان الاربع فرد الكاوتش بالمره
عشان التشققات
وبعد كدا تنزل الهاند بريك للاخر وتمور الفتيس وتغطى العربيه وتتوكل على الله تسافر بالسلامه

على فكرا دا اللى كان والدى بيعمله وهو مسافر السعوديه برضه وكان بيرجع
يشترى بطاريه ويدور ويغير الزيت والفلتر وبس:fun_36_3_9[1]:

الصراحة رد فاخر علي الاخر علي رأي واحد صاحبي.

رد: مسافر ومش عارف اعمل ايه في اللوجان

اقتباس:

المشاركة الأصلية كتبت بواسطة Emgrand (المشاركة 807963)

ممكن اعرف السبب

اقتباس:

المشاركة الأصلية كتبت بواسطة هيمو (المشاركة 808301)

ليه بتنزل الهاند بريك وتمور الفتيس؟

بتنزل الهاند بريك عشان خزن زيت الفرامل اللى ورا متقفش من الوقفه وتحتاج تتغير
ولذلك لو عربيتك بتقف اكتر من اسبوع ياريت تنزل الهاند وتحجر العربيه بطوبه افضل

تمور الفتيس عشان يفضل الفتيس فى الوضع الحر فلو مثلا حضرتك معشق الاول ممكن الفتيس يقفش او يخشن نتيجه تعليق عصاية الفتيس فى التعشيق لكن فى الوضع المور بيبقى حر يمين وشمال وغير متصل باى ترس

وتحت امركم فى اى استفسار

رد: مسافر ومش عارف اعمل ايه في اللوجان

أنا بصراحة مع موضوع التأجير وبقوة

حضرتك لسة شاري العربية .. غالبا بالتقسيط... ولسه ما استفدتش من العربية

أنهي أحسن؟؟؟ تشيل من عليك تكاليف العربية وتجيبلك عائد كمان؟؟ ولا ترفعها وتخسر نص تمن العربية لما تيجي تبيع؟؟؟

...

رد: مسافر ومش عارف اعمل ايه في اللوجان

اقتباس:

المشاركة الأصلية كتبت بواسطة محمدصلاح القاضى (المشاركة 808664)

لان الزيت بيكون وقتها بمثابة عامل حفاظ على الموتور اكتر من انه ماركة زيت
ومن المعروف عن زيت المواتير لازم يتغير بعد 6 شهور حتى ولو لسه بدرى على الكيلووات بتاعته
لانه بيفقد خواصه وبتحلل جميع مكوناته فيصبح خفيف اللزوجه ولا يتحمل درجه الحراره
فيصبح سهل الاحتراق
وعشان كدا اما ينزل يدوب يدور العربيه تسخن بالزيت دا
عشان ينزل من على جميع اجزاء الموتور ويقوم مغير الزيت وهى واقفه مكانها والفلتر

بتنزل الهاند بريك عشان خزن زيت الفرامل اللى ورا متقفش من الوقفه وتحتاج تتغير
ولذلك لو عربيتك بتقف اكتر من اسبوع ياريت تنزل الهاند وتحجر العربيه بطوبه افضل

تمور الفتيس عشان يفضل الفتيس فى الوضع الحر فلو مثلا حضرتك معشق الاول ممكن الفتيس يقفش او يخشن نتيجه تعليق عصاية الفتيس فى التعشيق لكن فى الوضع المور بيبقى حر يمين وشمال وغير متصل باى ترس

وتحت امركم فى اى استفسار

معلومات قيمة
شكرا ليك

رد: مسافر ومش عارف اعمل ايه في اللوجان

الحمد لله بعت العربية بـ 74 ألف
وكان ممكن تجيب 76 ألف
بس نا قلت عصفور في اليد خير من عشرة على الشجرة
فإيه رأيكم