رد: أبحث عن تقسيط سيارات بدون بنك :: أرجو المساعدة
اقتباس:
طالما زي ما انت قلت إنهم بيمتلكوا السيارة، يعني بتشتري وتستلم السيارة منهم وبتدفعلهم الأقساط،، فده إن شاء الله مفيهوش حرمانية، وراجع الموضوع ده هيفيدك إن شاء الله في الموضوع ده وفي جواب سؤالك التاني برده اللي هو تقسيط المستعمل http://www.masrmotors.com/vb/showthread.php?t=790 وفقك الله |
رد: أبحث عن تقسيط سيارات بدون بنك :: أرجو المساعدة
لا انا بستلم السياره من المعرض هل فى ذلك شيء
وأزاى اتأكد انهم بيتملكوا هل من الرخصه مكتوب فيها حظر بيع او لا |
رد: أبحث عن تقسيط سيارات بدون بنك :: أرجو المساعدة
طيب ما البنك يا جماعة بيعتبر المالك الحقيقى للسيارة وبعمل حظر بيع عليها وده بيبقى مكتوب فى الرخصة كمان
ويسلب المشترى حرية انه يبيعها وبديلة بس حرية استخدامها وادارتها والعقد بيشمل تعهد المشترى بالحفاظ عليها وعنايتها لصالح البنك (مش فاكر النص ايه بالظبط بس فيه نص بالمعنى ده ) كمان لو العربية لا قدر الله حصلها تلف دائم مبلغ التعويض بيرد للبنك واساسا التامين بيبقى لصالح البنك اصلا فكده ايه الفرق ؟؟ |
رد: أبحث عن تقسيط سيارات بدون بنك :: أرجو المساعدة
اقتباس:
و الله انا نفسي حد يفهمني الفرق ده و خصوصا ان البنك كمان مش بيشترط يعمل توكيل زي الأخوة بتوع كونتاكت و الفائدة اللي بياخدها ربع فائدة الشركات اللي بتقول ان عندها تقسيط اسلامي. و كمان انا البنك قالي انه هيشتري لي العربية يعني مفيش تعامل بيني و بين المعرض الا عند الاستلام بس ( وده بيعتبر زي جراج ساعتها) يبقى ايه الفرق ... يا ريت حد ربنا يكرمه - ان شاء الله- يفهمنا بسرعة. |
رد: أبحث عن تقسيط سيارات بدون بنك :: أرجو المساعدة
الفرق يا إخوة إن دي حيلة ربوية، أنا عايزكم تقولوا لي إيه الفرق بين إني آخد قرض من البنك وأروح أشتري بيه عربية من أي معرض وأسدد القرض بفوايد، وبين إني أشتري العربية من المعرض وأروح أدفع للبنك ؟! مش هيا هيا برده ؟
أنا قلت في أول الموضوع إن سبب الحرمانية هنا هو قول النبي -صلى الله عليه وآله وسلم-: (لا تبع ما ليس عندك)، فالبنك لو المفروض انه هو بائع السيارة وهو اللي بياخد الأقساط فإيه علاقة المعرض بالموضوع ؟! محدش يقول إنه عامل زي الجراج !! لأن ده كلام مش معقول، المعرض هو صاحب العربية الأصلي مش البنك، بس انت لما بتتفق معاه أو مع البنك على شراء عربية، يقوم البنك دافع تمنها كاش للمعرض عشان تدفع انت المبلغ مع الفوايد ! ولو راجعتم الفتاوى اللي في أول الموضوع هتلاقوا حاجة زي كده. وآخر الكلام، الرسول -صلى الله عليه وآله وسلم- بيقول: (دع ما يريبك إلى ما لا يريبك) وفقكم الله |
الساعة الآن 08:27 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017