رد: مبتدئه ومرعوبه هل من مساعده؟؟؟؟؟؟؟؟؟
 

رد: مبتدئه ومرعوبه هل من مساعده؟؟؟؟؟؟؟؟؟
 

بالتوفيق انشاء الله وخليكى ديما اعصابك هاديه حتى لو العربيه بطلت منك

رد: مبتدئه ومرعوبه هل من مساعده؟؟؟؟؟؟؟؟؟
 

الموضوع دة فعلا حصل معايا بعربيتي الغلبانة ال128 علي مطلع كوبري وبسببة فضلت قاعد حوالي نص ساعه داخل العربية وانا دايس فرامل لحد ما اعصابي هديت وكررتها اكثر من مرة ونجحت باستخدام الدبرياج ودواسة الفرامل والبنزين ...... هي حاجة غلسة وبذات مع المبتدئين اللي زي حالاتي ..... لكن بالتعود اتعلمنا

رد: مبتدئه ومرعوبه هل من مساعده؟؟؟؟؟؟؟؟؟
 

بصي ركزي معايا وانا هقلك تعملي اية

انتي ماشية وعلي الكوبري فالمطلع والطريق وقف هتدوسي فرامل وتشدي الهاند

لما تيجي تطلعي بقا

- تدوسي دبراج للاخر

- تجيبي الاول

-تسبي دبراج شوية وتدوسي بنزين سنة بسييطة .. ( كانك هتمشي عادي عالاول )

- تدوسي بنزين سنة زيادة مع تنزيل فرامل اليد
هتلاقي العربية اتحركت لقدام ..

-------------
الطريق التانية وألي انا بعملها .

- رجليكي علي الدبراج .. والتانية علي البنزين ..
لو سويتي بين الاثنين العربية لو واقفة علي جبل مش هتتحرك لا لتحت ولا لفوق ..
في فصلة فالدبرياج والبنزين مع بعض .. تخلي العربية واقفة مكانها ..
تيجي تتحركي تدوسي بنزين بس وتشيلي من الدبراج هتمشي ..

بصي انا بصراحة مش عارفة اقلهالك ازاي بس هيا محتاجة تعود وتدريب عليها

-
في حاجة تانية

حطي رجليكي علي الدبيراج والتانية علي الفرامل ..

فوتي دبراج سنة والتانية

شيلي رجليكي من علي الفرامل وحطيها علي البنزين ودوسي سنة بنزين وشيلي رجليكي من علي الدبراج السنة التالتة .. ( كل دة مع بعض وبسرعة )
اول مرة هتعمليها هتتلغبطي شوية وهتعمليها بطيىء . بس مع التعود هتعمليها بسرعة جدا .


ولعلمك انتي مع السواقة كتير .. هتلاقي نفسك رجليكي بتسوق لوحدها ههههههه صدقيني انا كنت زيك بالظبط وكنت افظع بكتير بس دلوقتي

أنتي جية تشتغلي اية هههههههههههههه

رد: مبتدئه ومرعوبه هل من مساعده؟؟؟؟؟؟؟؟؟
 

جمدى قلبك عشان لو فضلتى مرعوبة كدة عمرك ماهتتعلمى
وبعدين مافيش حد النهاردة مش بيعرف يسوق عندنا العيال فى اعدادية فى منطقتنا والله سايقين لانسر ومرسيدس وعيل مايبانش من الارض بس لازم الهدوء وقوة الاعصاب يعنى ما احترامى لحضرتك العيل يسوق احسن منك مش يصح طبعا :fun_36_1_39[1]: