مصر موتورز مجتمع السيارات - مخطط تصفيه الثوره ,,

الحرب النفسيه ,,ع المصريين !
فاكرين لما السيسي اعلن عن مشروع القناة فاكرين كم التشكيك ومنين وهو في حد يعلن عن مشروع مش عارف هيجيب فلوسه ازاي…ولما جاب الفلوس قلك ده نصب!
ولما قالك هنلم 60 مليار قالوا ده بيحلم ولما اتلموا في اسبوع قلك البلد هتفلس والبنوك هتنهار ولما ما حصلش حاجة قلك ده مشروع فاشل وفلوسكم ضاعت!
ولما قلنا نعمل مفاعل نووي قلك ده بيشتغلكم كان غيره اشطر ولما جت روسيا ووقعنا الاتفاقية قلك المفعل ممكن ينفجر! واللي لسه مصمم انه بيهتش برضة:)
ولما راح روسيا عشان السلاح ورجع كانت حفلة بقى وقلك اشتغلكم ومفيش سلاح هو يقدر يزعل امريكا ولما زعل امريكا قلك هتضيوعنا في حد يزعل امريكا!
السيناريو المتكرر مع اي خبر : حملة سخرية عشان تحس انك ساذج وعبيط لو صدقت ولو طلع صح تشتغل حملة تشكيك واختراع قصص بديلة تخلق حالة بلبلة
والسيناريو المتكرر مع اي خطوة فيها امل حالة سخرية تخبط الامل ولو الخطوة كبيرة يبقى خلق حالة احباط بنشر معلومات مغلوطة او تضخيم العيوب
الموضوع واضح وصريح نشر الاحباط وافقاد الناس اي امل مع التركيز على احساس المهانة زي عبيد والجو ده وبالتالي يخلقوا حالة تمرد وسط الشعب
زي دايما لما الجيش يعمل شغل في سينا ركز كده هتلاقي واحد راح طلعلك بقصة خرافية عن بيت المقدس يحسسك بعجز الجيش ويحسسك ان اللي بتسمعة اكيد كدب
احنا قدام حرب نفسية صريحة حتى الحالة اللي فيها شباب مغيب من بتاع دي مش بلدنا و احنا مش عايشين او هاتشاج التنازل عن الجنسية المصرية دي حالة مكتوبة في كتب الحروب النفسية..