مصر موتورز مجتمع السيارات - ارشيف الاستراحة 2011

بص يا أ/وائل كان فيه خبير عسكرى موجود امبارح على قناة ON TV
وقال ان القطع البحريه دى موجوده فى 3 اماكن على مستوى العالم
هو البحر الابيض المتوسط والبحر الاحمر والمحيط الهادى
والتواجد دا بشكل دائم خارج الحدود الاقليمية للدول..
ولكن ...
القطع البحريه بتتوجه نحو دوله فى حالتين فقط ..
1- ان الاغلبية العظمى من الشعب والاحزاب السياسيه داخل هذه الدوله طلبت بنفسها التدخل
2- حماية بعض الدول المجاوره من وقوع اى عدوان من هذه الدوله التى يتم التقرب منها

وانا شايف ان امريكا هنا اتحركت بهدف واحد بس
هو الهاجس اللى بتعملة اسرائيل من ان مصر ممكن تضرها حدوديا من اللى بيحصل فيها من الغياب الامنى المصرى على الحدود زى ما هما بيقولوا ولكن دا طبعا مستحيل
وطبعا مش هقدر انكر ان امريكا ممكن تكون بتفكر انها تغزو البلد عسكريا فهما فى النهايه صهاينه

انما حوار انهم جايبين الاعداد دى كلها لحماية الرعايا الامريكيه على حد قول خبر حضرتك فدا مش صحيح على الاطلاق
لان كل الرعايا الامريكيه اللى طلب مغادرة مصر فالفعل كلها غادرت ودى اخبار من السفاره نفسها لان حمايا شغال فيها
وللعلم امريكا مع التحرك اللى بيحصل دلوقتى فى البحرين الاحمر والمتوسط فهى هتفضل خارج حدودنا البحرية الاقليميه ولن تجرؤ على دخول الحدود المصريه الا فى احلك الظروف لشكلها امام العالم كله وخصوصا فى ظل عصر اوباما الذى يدعوا طول الوقت الى الاستقرار فى المنطقه