مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة welly2000 (المشاركة 113865)

السلام عليكم يا دكتور تامر
عندى واحد صاحبى معاه عربية لانوس كاملة S هو من النوع اللى بيحافظ على العربية جدا هى راشة برة نضافة والعربية كل صيانتها فى التوكيل هى موديل 2004 لا تحتاج اى مصاريف على الاطلاق حالتها نضيفة جدا مع انها عاملة حوالى 120000 كيلو هو طالب فى العربية 47000 ايه رأيك فى السعر ده هل هو سعر كويس ولا زيادة شوية انا نويت اشتريها منه لأخويا بس مش عارف الناس بتقولى ان عربية بالمواصفات دى كبيرها 45000 بس العربية دى انا عارف حالتها كويس وعارف استخدام صاحبى
يا ريت تنصحنى ولو السعر غالى ما فيش عربية لانوس كاملة بس تكون حالتها كويسة اوى وتكون فى نفس السعر او أقل

من ساعتين فقط إشتريت لطبيب زميلى لانوس s مو2006 راشه جنبين نضافة بدون معجون عدادها 89000
لون شامبين حالتها فوق جيد جدا ب47000
وعليك الحكم

رد: متوسط اسعار المستعمل هذا الاسبوع

بعد السلام عليكم و رحمته وبركاته
اولا شكرا جزيلا على المجهود الطيب و الإشادة به واجب على كل من إستفاد منه
سؤالي ليس عن سيارة بعينها او فئة انما عن شيء غريب يحدث في السوق المصري فقط الا و هو تفاوت الاسعار بشكل كبير تجد نفس السيارة من نفس موديل و سنة الصنع و بفارق 10000 و اكثر بعض الأحيان
نرجو الإفادة أفادك الله
و لك مني كل التحية والمزيد من الإحترام

رد: متوسط اسعار المستعمل هذا الاسبوع

يادكتور حضرتك العربية الهيونداى اكسيل خليجى 1500 cc موديل 1995 كاملة وكمان مبلغ 30 الف يجيبو عربية اكسنت او اكسيل موديل كام وحالتها ايه وفيها كماليات ولا لا؟ وشاكرين

رد: متوسط اسعار المستعمل هذا الاسبوع

العربية سيدان تقفيل خليجى 4 زجاج كهرباء وباور وتكييف وفيها قفل امان للاطفال

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة tommy (المشاركة 114120)

هوه الموضوع معقد ومتشابك
فى الطبيعى ممكن وجود فرق العشرة آلاف بين سيارة بحالة ممتازة وحالة أقل من الجيد
يعنى ممكن لانسر 98 تبقى ب42000 وأخرى ب52000 حسب الحالة والكماليات وهذا طبيعى
لكن سيارتين الفرق الفنى بينهما طفيف والسعر كبير يبقى شغل تجار بيخسف واحدة ويرفع واحدة أو لان صاحبها عايش فى وهم سعر قديم ومش قادر يتخيل أنها تساوى أقل الآن
وعلى كل حال السوق المصرى للمستعمل ممكن تشوف وتسمع فيه العجب لانه لا يخضع لاية قواعد أو منطق وكل شوية هوجة أسعار لان السوق مثلا زى سوق العاشر فى قبضة التجار والاسعار فيه تكون بعيدة عن الواقع وأنا شخصيا قمت بعمل هذا الموضوع من البداية لمحاولة التقييم العادل والبعد عن المبالغة ووضع كل سيارة فى وضعها السعرى المناسب للوقاية من جشع التجار

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة waelnasr78 (المشاركة 114121)

حلو عليها قوى مبلغ ال30 ألف
بالنسبة للاكسنت ممكن 99 ال1300 تكييف وكاسيت

رد: متوسط اسعار المستعمل هذا الاسبوع

جزاك الله خيرا يادكتور ولو حاجة جات قدامك لا تزيد عن 30 الف قولى بس تكون نقاوة