|
|
رد: نظره على الأحداث
اقتباس:
مفيش اى مشكله فى ده.... لكن ان اشتم الناس ده يندرج تحت شئ تانى وانا ارفضه طبعا يا باشا الكلام مش عليك هو لحد عارف نفسه ايه ياترى |
رد: نظره على الأحداث
والله يا جماعه الموضوع دا جابلي اكتئااذا كنا هنا مش عارفين نقنع بعض بالاسلوب الحسن امال هنعمل ايه في الانتخابات(دا لو اقيمت اصلا) يعني لو الجماعه نجحت هاينزل الليبراليين التحرير ومش ماشيين الا لما نعيد الانتخابات لو الليبراليين نجحو هاينزل الاخوان التحرير ومش ماشيين الا لما نعيد الانتخابات يبقى نعمل زي الكورة ونجيب حكم اجنبي عشان كل الفئات ترضى عنه ..... لاننا زي مانا شايف وقاري اننا بنحب نخون بعض ونشكك في انتماء ووطنية بعض بل وصل الامر لادخال الدين في الموضوع ويمكن نكفر بعض بعد شوية عشان مختلفين في نظرتنا للامور ....امال ازاي هنتفق على الدستور والحكومة...ووووو نقطة اخيرة ....الجزيرة القذرة وياريت نفهم ونعقل ونوزن الامور بميزان من ذهب.... حد شاف اللقطة اللي مقسومة اتنين على شاشة الجزيرة ساعه النقل المباشر لاول جلسة للمجلس التاسيسي بتاع الدستور التونسي...وجزء الصورة التاني ميدان التحرير بحالته المزرية .... حد فهم مقارنة الجزيرة اللي بتعملها بيننا وبين تونس...يارب تفهموا ان احنا في مركب واحد لو غرق هنغرق كلنا ومالناش دية... |
رد: نظره على الأحداث
اقتباس:
ما بنقول الميدان فيه كل التيارات وكل المستويات والمنتمين لاحزاب وغير المنتمين اصلاً واللى مش مصدق ينزل يشوف بنفسة الموضوع مش تيار ضد التانى بالعكس الغباء اللى عملة المجلس العسكرى وحد الناس تانى على مطلب واحد |
رد: نظره على الأحداث
اقتباس:
صديقي العزيز وائل باشا لاحظ لكلامي موجة للجميع اول مرة فعلا اتلخبط في اللي بييحصل دا يعني ساعه اللي حصل في العباسية وماسبيرو كنت مع المجلس العسكرى دلوقتي متلغبط مين غلطان ومين عنده الحق وبعدين لو كلام حضرتك صح وحصل التوحد دا ياريت انا نفسي فية لانه لو من غير وحدة هنغرق بس المؤشرات مابتقولش كدا احنا شعب عاطفي يمكن دا اللي مهيألك دلوقتي اننا متوحدين لكن اول ما الامور تهدأ كل واحد بيرجع يمسك في رقبة اللي جنبة فاكر فيلم رصيف نمرة خمسة احنا كدا لما دخل الشاويش محمود المليجي وفريد شوقي بعد ماكل واحد نازك دعك في التاني ضحكو ادام الشاويش انهم بيهزرو ولما الشاويش مشي رجعو تاني يكملو تلطيش في بعض...احنا كدا |
رد: نظره على الأحداث
|
| الساعة الآن 01:00 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017