رد: لية تنتخب الشيخ حازم صلاح ... الجليل
 

ايه رأيك يا دكتورة نشوف موضوع جوز الطيب. ههههههههههه
فى واحد يتمنى ويحلم بحكم دولة زى مصر يترك كل مشاكلها ويكلمنا فى جوز الطيب

رد: لية تنتخب الشيخ حازم صلاح ... الجليل
 

انا من رأيى ماحدش يصلح للرئاسة حاليا خصوصا السلفيين اللى كل مايتسألو سؤال سواء فى الاقتصاد او السياحة بيغيرو المواضيع ويحاولو يتهربو
والاخوان اللى كانو بيقولو مش هنطلع مرشح من عندنا كالعادة بيغيرو جلدهم ومالهمش كلمة اساسا وبيعملو الحاجة اللى فى مصلحتهم بس (زى نسبتهم فى مجلس الشعب وانهم داخلين ب 30 % وزى ما قالو ان الاسلاميين هيكون نسبتهم فى اللجنة التأسيسية 23 % وكل دة ماحصلش ) وهيطلعو كمان مرشح من عندهم اكن البلد دى بتاعت اللى خلفوهم
وعمر موسى ماينفعش عشان هيتاخد تبع النظام القديم طبعا حكاية عمر سليمان دى نكتة اساسا وماحدش هينتخبة دة لو اترشح من اساسو والجنزورى انا صراحة شايف انو انسان محترم وان مجلس الشعب (اللى مالهوش فايدة) بيجى علية بقلة ادب وفى الاخر زعلانيين انو مش بيحضر
وحمدين صباحى الى حد ما كويس مع انى ماعرفش حاجة عنو بس بسمع انو كويس
واحنا هنفضل نلف نلف نلف كدة لغاية ماهنوصل الى حاجة مهمة اوى ان الانسان لازم يكون وسطى لا حرامى زى حسنى مبارك ولا متشدد بغباء زى السلفيين ولا بتوع مصلحتهم زى الاخوان
لية مايطلعش واحد مصرى عادى معروف شخصية محبوبة ويتقى الله فينا
هو لا حسنى مبارك لا جماعة اسلامية !!!!! مع العلم الاتنين وشين لعملة واحدة
ياخسارة الثورة احنا لازم نكملها والله

رد: لية تنتخب الشيخ حازم صلاح ... الجليل
 

شكر وتقدير
موضوع ومجهود رائع يا دكتوره لكن الأمر لم يحسم بعد
و كان يجب على أي مرشح أو أي مصري إنه يصمم على الدستور أولاً حتى يعرف صلاحيات الرئيس أو أي مؤسسه في الدوله لذلك قلنا لا في الإستفتاء ولكننا إحترمنا من قالوا نعم والأغلبيه وليس كل مرشح يناسب نظام الدوله فالدوله البرلمانيه يناسبها شخص والرئاسيه شخص مختلف وكلاً حسب مهامه وسلطاته وصلاحياته

رد: لية تنتخب الشيخ حازم صلاح ... الجليل
 

اقتباس:

المشاركة الأصلية كتبت بواسطة كيا سيفيا (المشاركة 641804) ايه رأيك يا دكتورة نشوف موضوع جوز الطيب. ههههههههههه فى واحد يتمنى ويحلم بحكم دولة زى مصر يترك كل مشاكلها ويكلمنا فى جوز الطيب

قصد حضرتك عالفيديو دة
http://www.youtube.com/watch?v=BKdagKwY2-M
اللي هو موجود من سنة ونص
يعني من قبل الثورة اصلا
طب اية رايك انه تكلم في مواضيع كثيرة جدا جدا يمكن حضرتك مبتشوفهاش لانك مش متابع الدروس الدينية
وبعدين جوزة الطيب اصلا اسال اي طالب في سنة رابعة طب وهو يقولك تصنيفها
طيب بلاش طالب في رابعة طب
نجيبلك حاجه تانية
http://en.wikipedia.org/wiki/Nutmeg
Psychoactivity and toxicity

Effects

It is also reputed to be a strong deliriant.[13]

يعني اية الكلمة دي
نجيبها برضة من ويكيبيديا

http://en.wikipedia.org/wiki/Deliriant
Deliriants are a class of hallucinogen.
يعني حتي الاجانب قالو انها مسكرة
وعندنا قاعدة فقهية في ديننا بتقول ما كان كثيره مسكر فقليله حرام
ومع ذلك ده موضوع فقهي جدلي وفي خلاف كتير علي اختلاف الائمة
يبقي اعتقد لازم تفرق بين ابو اسماعيل لما يتسأل في حكم فقهي شرعي يستند الي علوم الشرع والفقه واقوال العلماء ودي حاجه بصراحة تزيده تمييز انه عالم بالاحكام
وبين ابو اسماعيل لما يكون حاكم للبلاد ويتسال في امور الدولة وبعدين بصراحة انا مش شايفة اي وجه للهجوم عليه في النقطة دي اطلاقا بالعكس دي ميزة لية
ويا ريت حضرتك لما تدور علي حاجه تهاجمه بيها تدور علي موضوع ذو حجة قوية

رد: لية تنتخب الشيخ حازم صلاح ... الجليل
 

تعرف يا كي جي ون ان انا عرفت انت مين
في حاجه واحدة بس مضايقاني
ان ذكائي خاني الفترة اللي فاتت دي كلها في اني اعرفك