مصر موتورز مجتمع السيارات - مقابلة الفيوم فى مايو 2011

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - مقابلة الفيوم فى مايو 2011 (https://www.masrmotors.com/vb/showthread.php?t=52980)

رد: مقابلة الفيوم فى مايو 2011

اقتباس:

المشاركة الأصلية كتبت بواسطة @واحد من الناس@ (المشاركة 408630)

فى معلومة صغيرة جدا عايز أقول عليها بس هى مهمة جدا جدا جدا
اللى يروح الفيوم لازم يروح ويعمل حسابه إنه يبات كذا يوم مش أقل من 3 ايام عشان ينبسط ويحب البلد البلد مليانه متنزهات بس كلهم بعيد جدا عن بعض ويعنى مثلا بين وادى الحيتان ووادى الريان الرئيسى 40 كيلو متر تقريبا فى صحراء على طريق مش متسفلت يعنى لو جيبنا خريطة الفيوم للأمان السياحية هتشوف اماكن كتيييييييييييييييييير تستحق الزيارة بالفعل بس بعيده جدا عن بعض أنا لسه جى من هناك إمبارح وما إستمتعش أوى لأنى كنت مرهق من السفر وكتر التنقلات وندمت إنى ما عملتش حسابى فى بيات

يعنى رأى حضرتك ايه بالظبط . حكاية نروح على بيات دى ماتنفعش . وكل مكان فى رحلاتنا بعد كده ممكن يكون بالطريقه دى برضو .
انا شايف ان ممكن كل مره نزور مكان معين فى البلد . يعنى لو نزلنا الفيوم المره دى نزور مكان . ولما نروحها تانى بعد سنه أو اتنين نزور مكان تانى . وهكذا ...

رد: مقابلة الفيوم فى مايو 2011

سيف باشا وصلنا لحد فين ايه اخر قراراتGIFT4U

رد: مقابلة الفيوم فى مايو 2011

اقتباس:

المشاركة الأصلية كتبت بواسطة سيف الدين سعيد (المشاركة 408414)

لأ يا أحمد يا كومى مش كده . بدل الجمعه التالته مع أحد زملاءك فى العمل . وكل واحد معرض لأى ظروف يا أخى .
وبعدين احنا كلنا اخوه . ولو تحب انا اجيلك بعربيتى وأسرتى أخدك انت وأسرتك من عندك أنا يشرفنى طبعا . معنى كلامى ان مافيهاش أى حاجه لما تيجى انت والجماعه مع حد من اخواتنا . مش عيب . ولا فيها حرج .

ربنا يسهل إن شاء الله يا استاذ سيف بس والله الموضوع فيه صعوبة من ناحية تبديل ميعاد الشغل, بس ربنا يسهل محدش عارف بكرة فيه إيه؟GIFT4U

رد: مقابلة الفيوم فى مايو 2011

اقتباس:

المشاركة الأصلية كتبت بواسطة سيف الدين سعيد (المشاركة 408673)

بص يا باشا بما إنك ناوى تطلع يوم بس يبقى تعمل حسابك تسافر بدرى ده لو حضرتك من المنصورة أو من الغربية أو كفر الشيخ لأن الفيوم بعد القاهرة بساعة ونص أو كتر شوية كده تمام كده يبقى تطلع بدرى وتكون نايم كويس أوى بص أنا أفضل للرايح الفيوم أول مرة يروح وادى الريان ويلفه كله حته حته زنجه زنجة زى ما القذافى قال ده لأن وادى الريان كبير جدا جدا جدا وممكن كمان لو أنت رايق شوية متلحقش تلفه كله معلومة صغيرة وادى الحيتان جزء من وادى الريان وطبعا أنت فى محمية طبيعية صحراوية وما أدراك ما الصحراء يعنى بلاش تليل عليك هناك يوم الجمعة بذات بتبقى منطقة الشللات اللى فى الوادى زحمة شويتين تلاتة فأنتم إختاروا مكان رايق على البحيرة بعيد عن الشلالات وإنزلوا براحتكم الماء لو فى عندك خيمة أو حاجة تبقى أفضل تمام كده وطبعا متنزاش هدوم البحر عشان تعوم وتهيص براحتك متعملش زيي وتقعد تبص للبحيرة وتتفرج على الناس وهى بتعوم طيب بعد الرغى الكتير ده طلع بإية

وادى الحيتان ومنه تطلع منطقه الشللات ومنهم على عيون اللسيين ودى بعيدة شوية عن وادى الريان بس فى نظرى جميلة جدا وبليل خالص كده بقه قبل ما تمشى روح منطقة السواقى مليانه محلات ومطاعم لو حابب تشترى حاجة أو تتعشى عشوة حلوة

كده يبقى إنت روحت وادى الريان كلة وعيون اللسيين وفى زيارات أخرى ممكن تبقى تروح الأماكن الأثرية أو المنتزهات أو حديقة الحيوان بس دى لوحدها قصة تانية

الموضوع ده لسه عاملة عشان يفيدكم
http://www.masrmotors.com/vb/showthread.php?t=53449

رد: مقابلة الفيوم فى مايو 2011

برنامج سياحي أخر لا يتضمن وادى الريان ليوم واحد

* قيام من القاهرة .

* زيارة المنطقة الصناعية بكوم أوشيم ( مجتمع عمرانى جديد ) .

* زيارة متحف كوم أوشيم الأثرى

( الوحدة المحلية لمركز ومدينة سنورس ) .

* زيارة منطقة آثار كرانيس .

* زيارة منطقة بحيرة قارون

( مراكب نزهة - منشآت سياحية وفندقية وبلاجات ) .

* زيارة حدائق السيلين والعيون الطبيعية .

* زيارة مدينة الفيوم مروراً بأبراج الحمام ببنى صالح

- المساجد الأثرية -

مسلة سنوسرت -

سواقى الهدير .

* جولـه حـرة بمدينة الفيوم

* العودة بسلامة الله إلى القاهـرة