مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة MAHMOUD HATEM (المشاركة 83303)

طب معلش سؤال بعد ازنك

لو عاوز حاجة فى حدود 17 او 18 الف تكون نضيفة وتسافر تقترح علياايه ؟!!

الصراحة مبلغ صعب تركب بيه حاجة كويسه
هوه فى حدود المبلغ يبقى 131 مو79
ماروتى مو97
ميرا مو91

رد: متوسط اسعار المستعمل هذا الاسبوع

ممكن اعرف اسعار الاعلانين هنا رأيكم فيها ايه

الاولى لانسر 90 ب 31 الف اللينك http://classifieds.masrawy.com/AdDet...4&CategoryID=1

التانيه سيفيا 99 ب 41 الف اللينك http://classifieds.masrawy.com/AdDet...0&CategoryID=1

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة نيمونيمو (المشاركة 83330)

<HR style="COLOR: #d3d3d3; BACKGROUND-COLOR: #d3d3d3" SIZE=1>
السلام عليكم و جزاكم الله خيرا علي ما تقدمونه من معلومات للآخرين
اخي يبلغ من العمر 24 عاما و باع منذ اسبوعين تمبرا 1991 فابريقة بالكامل و حالتها العامة جيدة جدا بمبلغ 30 الف جنيه, و يريد الآن شراء كورولا من 2003-2007
السؤال الأول: اخبره البعض بأن الكورولا المانيوال لا سوق لها و ليس عليها أي طلب عند اعادة البيع و الابتعاد عنها أفضل, فهل هذا صحيح؟

السؤال الثاني: اخبروه ايضا ان اللون الاسود ارخص من باقي الألوان ,فهل هذا صحيح؟

السؤال الثالث: نزل من اسبوع سوق مدينة نصر وحده و اشتري كورولا 2005 سوداء عاملة 80الف كيلو - مانيوال من سمسار معارض بمبلغ 80 الف و نصف جنيه و لم يكشف عليها ثقتاً منه في البائع ثم اكتشف في اليوم التالي ان السيارة عاملة حادثة و مغيرة رفرف امامي و الكبوت و مرشوشة و كذلك واخدة خبطة من الخلف و لكن الخبطات غير مؤثرة نهائيا علي كفاءة السيارة ولكن قرر بيعها و باعها بالفعل ب 76 الف و نصف لسمسار سيارات آخر.
ظناً منه انه لن يجد لها سوق عند بيعها و نفسيته تعبت منها. فما رأيكم في التصرف و في هذه الاسعار؟

السؤال الرابع: معروض عليه الآن كورولا 2003 اوتوماتيك سوداء 80000 ك بها فردتي كاوتش امامي جديد و سرفيس جديد و رخصة حتي 7/2012 و فابريقة بالكامل علي 78 الف جنيه,
فهل هذا مناسب؟
و اشكركم بشدة

موضوع المانيوال والاوتو موضوع رغبة شخصية وفيه ناس مبتحبش الاوتو نهائيا
الالوان اذواق واعتقد أن اللون لا يؤثر فى سعر سيارة الا قليلا جدا وفى حالات فردية المهم الحالة

السعر اللى اشترى بيه جيد لسيارة فابريقة بالكامل وممتازة وتصرفه عادى خلص منها بسعر معقول وقد انتهى الموضوع المهم أن نفسيته ترتاح لانه وفى ظل امتلاكها كان سيكون تعبان نفسيا وكارها لها لانها تذكره بانه انضحك عليه من نفسه او من الآخرين والجميع بيخسر فى السيارات شىء عادى

السعر الذى قلته عالى آخرها 75

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة M_HaFeZ (المشاركة 83428)

اهلا و سهلا حافظ باشا
الاسعار معقول
انا ليا قريبي جايب عيون صفيه ب 35 الف لكن بفتحه سقف و حالتها حلوه
يعني لما دي تبقي ب 31 كويس لو حالتها نضيفه لان قليل عيون صفيه النضيف علي فكره.
السيفيا برضه سعرها معقول بس برضه بشرط الحاله السليمه جدا
و اي سؤال تحت امرك
عاوزين نشوف مواضيعك المميزه بقي;)

رد: متوسط اسعار المستعمل هذا الاسبوع

شكرا يا د/تامر علي ردك السريع.

1- لم تقول لي ما رأيك في سعر تمبرا 1991 فبريقة بالكامل عاملة حوالي 120 الف كيلو بمبلغ 30 الف جنيه.؟
2- انا اريد شراء عربية لي تكون هاتش باك (لأنها بناتي أكثر في وجهة نظري) تكون في حدود 20 الف جنيه لا أكثر و تكون مصاريفها بعد الشراء قليلة, انا صيدلانية و أم لطفل عمره عامين ولا أعمل حاليا و اسكن علي الطريق الدائري و أحتاج السيارة لمشاوير يومية او شبه يومية في حدود 20 -30 كيلو يوميا, و لن اسافر بها, فما هو الانسب لي؟
3- و ما رأيكم في السيتروين AX ؟
4- وما معني ان تكون السيارة موتورها 1000 ,1100,1300,1400سي سي؟
و أشكركم بشدة.....