رد: كل ما يخص الشهر العقارى
 

المفروض تكون عملت عقد ابتدائى بينك وبينة وده بيحميك مدنيا وجنائيا
اما بخصوص انه يجدد على طول ف ده من حقة طالما انت سمحتله به
اما من ناحيتنا احنا بنرفض نعمل اكثر من 3 توكيلات خصوصا لو مكتوب فيه التجديد والترخيص علشان بنحاول نحمى صاحب العربية الاصلى وطبعا ده مش قانونى
بس من حقة يبيع ويجدد باسمك
بس اقولك حاجة مهمة
هو لما بيروح المرور يجدد هناك بيثبتة التوكيل فى ملف السيارة وده بيحميه ويحميك

متقلقش من حاجة طالما انت كويس اكيد مفيش حاجة هتحصلك
اللى مش بيتوكل على الله هو اللى يخاف مش انت
سيبها على الله واكيد مفيش حاجة هضرك الا اذا ربنا اراد

رد: كل ما يخص الشهر العقارى
 

انا اشتريت سيارة بتوكيل (له حق البيع لنفسه والغير والتجديد والترخيص) من سنتين
ولم اسجل السيارة حتى الان وعلمت انا صاحب السيارة قد توفى من تسعة اشهر
هل يحق لى بيع السيارة لنفسى او الغير؟
مع العلم انى كنت مسافرا طوال السنتين الماضيتين
واذا فعلت ذلك هل يتم كشفها فى الشهر العقارى او المرور
وشكرا للك

رد: كل ما يخص الشهر العقارى
 

لا عادى اذهب للشهر العقارى وانقل ملكية

رد: كل ما يخص الشهر العقارى
 

انا معايا فوق الرخصة ٣ توكيلات بالاضافة الي توكيل لي بالبيع للنفس اوللغير والتعامل مع المرور.العربية مرور بلقاس .ايه الخطوات اللي انا محتاجها عشان انقل الملكية واعمل رخصة باسميي؟وهل محتاج اروح مرور بلقاس علما باني من القاهرة؟ معلش انا اول مرة اشتري مستعمل ومحتاس

رد: كل ما يخص الشهر العقارى
 

اذا كانت الرخصة سارية تذهب للشهر العقارى وتنقل ملكية
ثم تذهب للمرور
اما لو تصريح مؤقت او الرخصة منتهية يجب ان تذهب مرور بلقاس علشان تجيب شهادة بيانات للشهر العقارى وشهادة بيانات للمرور

رد: كل ما يخص الشهر العقارى
 

أخى أولآ جزاك الله خير
أنا كنت ناوية أشترى سيارة بإذن الله وده أول مرة أشترى سيارة ،معلش لأنى مش بفهم فى الأمور ده خالص و خايفة بصراحة يضحك على و هل الأول بعمل عقد إبتدائى و بسلم للبائع نسبة كام تقريبآ من المبلغ المتفق عليه وأبقى كام ولو كنت عايزة أسجل العقد فحضرتك ممكن تقول لى الخطوات بالتفصيل (يعنى أطلب من البائع شهادة مخلفات و وشهادة بيانات من المرور) قبل التسجيل (لأنى سمعت إنى لازم أكشف على رقم و شاسية العربية علشان أضمن إنها مش مسروقة،،ولا شهاة المخالفات تكفى)
ورسوم السيارة ياريس 1300موديل 2006 كام و بجد ربنا يكرمك

رد: كل ما يخص الشهر العقارى
 

جزاك الله خيراً عن هذا الموضوع

عندى مشكلة بخصوص سيارة أجرة (سياحى الخاصة بالمطارات بيجو لبنى فى أزرق أسكندرية) ، السيارة نصفها بأسم واحدة والنصف الثانى بأسم ورثة ، جميع الورثة كانو عاملين توكيل رسمى عام لوالدتى(واحدة من الورثة) عشان هى اللى تتصرف فى كل أمور السيارة ، ووالدتى والست التانية كانو عاملين توكيل بالأدارة للسواق،فى واحدة من الورثة (جدتى) كانت بيعالى الجزء الخاص بيها على ورقة عادية كدة ومش متسجل فى أى حتة أن الجزء ده ليا،بس عن طريق التوكيل العام اللى عاملاه لوالدتى......يعنى والدتى باعتلى الجزء بتاع جدتى بموجب التوكيل (الرسمى العام) اللى مش مذكور فيه بيانات السيارة،ودلوقتى جدتى أتوفت قريب ، بس فى ناس قالتلى أن دلوقتى فى المرور مابيعترفوش بالتوكيل فى البيع إلا اللى فيه بيانات السيارة


السؤال دلوقتى هل التوكيل الرسمى العام كان ينفع يبيع سيارة من غير مايكون مذكور فيه بيانات السيارة دى لحد أمتى(مع العلم أن تاريخ البيع كان 1/6/2009) ولو كان التاريخ قبل كدة ايه اللى يثبت حقى فى السيارة فى حالة أنى ماعيش غير الورقة اللى بيعالى فيها والدتى بالتوكيل العام؟؟؟؟؟؟؟؟