|
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
اهلا بيك استاذ اندرو معانا واتمنى تبقى متواجد معانا دائما اما بالنسبه لنور الصالون فانا نزلت التوفيقيه لقيت حاجه قريبه كده من نور الصالون ولها زرار فيها وبصراحه كانت اكثر من رائعه وفعلا ركبتها كا نور للصالون وكان ثمنها 12 جنية وطبعا هتروح لكهربائى يركبهالك اما بالنسبه للسماعات فهو ينفع يركب بس للاسف هتعمل شغل كتير وتخرم وتكسر وكدا فهتصرف كتير والافضل لو تجيب سماعات الشماسات هتبقى ارخص وشكلها اشيك بكتيير ومش هتلعب فى العربيه :Wkiss5::Wkiss5::Wkiss5: |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
السلام عليكم
احب اكون معاكوا ، انا معايا 128 موديل 79 منذ 13 عام و علي فكره انا تقريبا غيرت فيها كل حاجه ويمكن اكون عديلت بعض الحاجات الجديده ذي مثلا الديسك بتاع ال128 الجديد بيكون سيئ للغايه لذلك انا بركب الدسيك بتاع الستروين الـ zx علي فكره مش كتير من المكانيكه يعرفوا المعلومه دي ولكني عرفتها بالصدفه لأن المكانيكي بتاعي اساسا ميكانيكي ستروين و الفرق ان الديسك بتاع الستروين بتكون الفتحه بتاعته اضيق ولكنه بيركب ذي ما هو بدن تعديل ويصبح الدبرياج خفيف جدا لدرجه لا تصدق وانا مغير الزجاج في البابين الأمامين وعلي فكره اتكلف بالزجاج والمصنعيه 250 جنيه لو حد ليه مزاج يستفيد من الخبرات السابقه يتفضل سأل |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
اهلا بيك يا باشا واتمنى تستمر فى الدعم الفنى معانا وجزاك الله خيرا على افادة الاعضاء تحياتى لك ROSE4UROSE4U |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
باسم سياره الشعب هي حلوة وكل حاجة ونافعاني انما بردوا خلاص بقت عربيه قديمة بس حلوة بردوا بس اة واة من التكيف وعجم وجود تكيف ماعلينا شوفوا بقي ياجدعان انا هاغير مساعدين قدام وكنت مغير قبل كدا مساعد شمال قدام ماقعدش سنه ونص وكان منرو وانا اتعقدت من المنرو وانا عند الراجل بتاع قطع الغيار
وراني مساعد انا في رائي انه حلو اسمة بوما ايطالي والمستورد بيقال انه حد محترم في الزمن اللي مش محترم المهم مالقتش عندة الا بتاع االاونو واتفقت انه يجبلي اتنين قدام وكان التمن 450 وهما بالمناسبه اعلي من المنرو بس مش بكتير علي ماقالي الاسعار فرق اقل من 50 جنيه ولكن قالي هارد عليك بعد يوم علشان اشفوهملك وانا في خلال اليوم دا دعبست علي المستورد ووصلت لرقم التليفون واتصلت بيه لاقيت المساعدين عندة ولكن المفاجاة بقي اني لاقيتهم ب 360 جنيه تصدوقوا الفرق الرهيب دا واحنا بتوع سيارة الشعب دا بالنسبه لينا فرق خرافي دول حوالي 100 جنية والراجل قالي كمان انه فية حاجة الماني اسمها اوبتيكال وانها اعلي سنه من البوما الايطالي بالرغم من انه بيستورد البوما الايطالي انا تقريبا راسي عا البومة وبما اني مش من القاهرة فاهنزل القاهرة نزوله خاطفه كدا علشان اجبهم بس بجد محتاج نصيحة كل الخبراء هنا اجيب الالماني ولا البوما الايطالي دا انا نفسي واقفة جدا جدا جدا جدا من المنرو ادي الحكايه بالرغيي بتاعها منتظر ردودكم ونصيحتكم ماتبخلوش علي بيها |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
اهلا بيك يا باشا معانا بالنسبة لمسألة المساعدين الاستيراد انا عن نفسى صراحه لما كانت معايا ال 128 مجبتش غير اتنين مساعدين امامى كل واحد لواحدو اول واحد جبتة اول ما جبت العربيه وكان استيراد وبصراحه مش انا اللى نزلت ونقيته لا الميكانيكى بتاعى هو اللى نزل ونقاه واشتراه وركبه واخد فى اليلة ديه بمصنعيتة 150 جنية عارف انه سعر غالى بس بصراحه المساعد فضل عام كامل يعمل بكفائة معايا لغاية ما بعت العربيه وده اللى الواحد عاوزه الواحد عاوز ايه اكثر من كده اما بالنسبه للمساعد التانى فبردوا كان استيراد وبرضوا الميكانيكى هو اللى جابه بس المره ديه مالقاش المساعد غير بالسسته بتاعته واضطر يدهونى بسوستته وكان المساعد بسسوستته عامل 170 والميكانيكى اخد 40 جنية مصنعية برضوا عارف انه سعر غالى جدااااا وان الميكانيكى كان ناصب عليا فى كتير بس ارجع واقول انه كان شغال بكفائة برضوا لغاية ما بعت العربيه وده اللى انا عاوزه مش عاوز اكثر من كده بس الدرس فى ايه بقى حضرتك من كل اللى انا قولته ده ان لو ميكانيكى هو الى هيشتريلك المساعدين ديه ويضمنهالك والضامن ربنا طبعا انها تشتغل معاك كويس على الاقل سنه ويطلعلة بقرشين من ورا الحكاية ديه يبقى اهلا وسهلا وخليه يجيبلك اتنين استيراد بس بما ان اغلب الميكانيكية عاوزين الحرق يبقى راى الخاص حضرتك تنزل تشترى مساعدين جديده زيت فقط واوعى تشترى زيت على غاز علشان هيدمروا الشاسية علشان ناشفيين اوووى وفيه جميع الماركات المناسبه من اول الصينى اللى الجوز ب 180 جنية لغاية الالمانى الاصلى الجوز عامل 600 جنية او اكثر كمان وفعلا المساعديين مبقتش تعيش زى زمان لان للاسف الشوارع كل يوم حالتها من سىء لاسواء فده حال الدنيا وربنا ييسر الخير للجميع ان شاء الله |
| الساعة الآن 10:51 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017