مصر موتورز مجتمع السيارات - مخطط تصفيه الثوره ,,

البداية .. اوائل ايام حكم السيسى
تحرش فى ميدان التحرير من بعض البلطجية ..
شمام كُلّه : هى دى مصر فى عصر الانقلاب وحكم العسكر ، و المرأة
كرامتها هتتهان عشان لاحسى البيادة ينبسطوا ويجيبولنا السيسى .
السيسى يذهب الى الفتاة حاملا بوكية ورد فى المستشفى ويقول لها...
حقك علينا وهنجيبلك حقك
شمام كُلّه :. هو السيسى نحنوح كده ليه ، مكنش المفروض يروح هو ،
وبالكتير يبعت وفد وخلاص ، فى قضايا تانية اهم .
وزير اوروبى يذهب الى عمله بالدراجة ..
شمام كُلّه : شايفين الدول المتقدمة ، احنا محتاجين سنين ضوئية عشان
نبقى زى الناس دى ووزير من عندنا يعمل كده .
الرئيس السيسى فى ماراثون دراجات مع الوزراء والرياضيين والشباب
شمام كُلّه : ايه الهيافة اللى احنا فيها دى ؟! .. شوف صرفوا كام ع
الماراثون ده مش الفقراء كانوا اولى بالفلوس دى .
مفاوضات ع صفقة اسلحة من فرنسا ، مع طلب ان تُمول معظم الصفقة من بنوك فرنسية ، بأقل سعر وبمواصفات الطائرة فى بلد تصنيعها .
شمام كُلّه .. ايه الخيال ده !! ، استحالة فرنسا توافق ع الشروط دى .!!
السيسى يعقد صفقة طائرات رافال وفرقاطة فريم بأعلى مواصفات و تسهيلات
شمام كُلّه : فرنسا اصلا كانت بتدلل عليها و مش لاقية حد يشتريها
ومصدقت تلاقى حد مغفل تلبسهاله .
ذبح 21 مصرى فى ليبيا ع يد تنظيم داعش .
شمام كُلّه : هى فين مسافة السكة يا سيادة الريس ؟!! .. طول ما الدم المصرى رخيص يسقط يسقط اى رئيس .!!
السيسى فى خطاب ..مصر تحتفظ بحق الرد فى الوقت المناسب ، و ضربات جوية مؤثرة ودقيقة جدا ع معاقل ومخازن ومعسكرات داعش فى ليبيا بالتعاون مع الجيش الليبي .
شمام كُلّه : ازاى الجيش ينتهك سيادة دولة تانية بالطريقة دى ؟؟.. ده فيه مدنيين واطفال ابرياء ماتوا .. و التدخل العسكرى مش هو الحل .

والسؤال هنا ... عمركوا شوفتوا وساخة وسفالة اكتر من كده ؟