مصر موتورز مجتمع السيارات - اسئله المبتدئين ..عفوا ممنوع الفتى :)))

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اسئله المبتدئين ..عفوا ممنوع الفتى :))) (https://www.masrmotors.com/vb/showthread.php?t=50341)

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة m.elhasafy (المشاركة 385657)

فى حاجة تانيه مهمة و أعتقد إن الجميع عارفها و هى إنك تفرمل قبل المطب مش فوقه و حتى لو سرعتك ما قلتش قوى إوعى تفرمل فوقه ... ليه؟ ... وش العربية حايوطى قوى و بيبقى مجهود مضاعف على المساعدين:مقاومة وزن العربية لأسفل بفعل المطب+مقاومة وزن العربية للأمام بفعل الفرامل
و ممكن المساعد ما يستحملش الصدمة و يلقى مصرعه
علشان كده لو فوجئت بمطب: فرامل على قد ما تقدر (و ما تنساش تبص فى المرايه و تدوس إنتظار لو لحقت) و بعدين سيب الفرامل أول ما توصل للمطب و إتشاهد و قدر الله و ما شاء فعل

انا خدت وقت طوييييييييييييييييييييييي ييل أوي عشان اتعود على الحكاية دي

المشكلة قلبي بيوجعني و بيحصلي تأنيب ضمير فظيع لما عربيتي بتلبس في المطب كده وانا رجلي مش على الفرامل :( بحس اني بخون العربية

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة CARDIO (المشاركة 385620)

لا و الف لا فى بنات كتير بتسوق كويس و بتفهم فى العربيات و مش اخرها طاره ولا حاجه

فعلاً كان معانا زميلتنا فى الشغل معاها أوبل كورسا كانت بتسوق بسم الله ما شاء الله و لا أجدعها شاب

رد: اسئله المبتدئين ..عفوا ممنوع الفتى :)))

m.elhasafy@
ها و ايه كمان ؟ :)

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة CARDIO (المشاركة 385630)

m.elhasafy@
نحب نستفيد من حضرتك فى ال تشييك على العربيه الصبح :)

نسيت أهم حاجة: الواحد و هو بيسخن يتأكد إن مفيش قطة صغيرة نايمة جوه الموتور أو (كالعادة) عند المساعدين و طبعاً لو لقاها يبقى نص اليوم راح فى جرى وراها و بسبسة و محايلة علشان تنزل (ده لو قلبك حنين) أما لو الموضوع بيحصل معاك كتير (زى واحد زميلى) يبقى قول سامحنى يا رب و إفتح الشبابيك علشان ريحة الكباب المشوى اللى حاتطلع بعد شوية!..

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة m.elhasafy (المشاركة 385680)

ههههههههههههههههههههههههه ههههههههههههههههههههههههه هههه
يا راجل الموضوع مش صعب أوي كده، معظمهم بيجروا أول ما تركب العربية أو تدورها
ولا هيا القطط بقت غلسة ومستبيعة الأيام دي ؟ :biggrin:

رد: اسئله المبتدئين ..عفوا ممنوع الفتى :)))

القاعدة الذهبية للقيادة فى الزحمة: لازم تشوف عجل العربية اللى قدامك حتى لو الشارع كله قلبلك نور عالى و كلاكسات علشان تقرب من اللى قدامك النص متر ده ... و لا كإنك سامع حاجه
كتير من الناس و خصوصاً فى الزحمة رجليهم بتتعب و لو الشارع فيه ميل خفيف بتلاقيه بيرجع للخلف شوية و هو بيطلع قدام و أحيانأ رجليه بتخف من على الفرامل ... و فى النهاية هتلاقيه بيسلم عليك بالإكصدام الخلفى إلا لو كنت عملت زى ما بقولك و أصريت إنك دايماً تبقى شايف عجل العربية اللى قدامك

رد: اسئله المبتدئين ..عفوا ممنوع الفتى :)))

بالظبط كده انا كذا مره يبقى فى قطه و تجرى اول ما ادور لكن لو حصل معايا انها بقت grill غالبا كده حيغمى عليه و حقرف و مش حركب عربيات تانى :( :(