مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة zamanan2000 (المشاركة 725751)

سيد باشا كل سنة وانت طيب
بالنسبة لموضوع التكيف ده يتكلف كام تقريبا وينفع على ال1100 ولا لازم 1300 ؟؟

التكلفة من واحد صحبى فنى تكيفات

2800 شامل كل شىء

والنوع

ساندن يابانى وعليه ضمان سنه

وهيركب عادى على ال 128 عندك بدون ادنى مشاكل

بس فيه حاجتين لازم هتعملهم علشان تاخد اقصى استفاده من التكيف

الاولى تعزل حوض الماتور عن الصالون لان فعلا وعن تجربه
حوض الماتور مفتوح عادى جدا على الصالون وتلاقى هبات النار دخله عليك من التابلوه

والثانيه

لو مركب مروحة ال 128 هتضطر تبدلها بمروحه قوية زى مروحة الشاهين او مروحة الاوبل

وبكده لو ماشى بالعربية فى اكثر الايام حرارة ان شاء الله العربة مش هتسخن منك نهائيا الا طبعا لو عندك مشكله فى اى حاجه تانية

وربنا يوفقك للصالح ان شاء الله

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة zamanan2000 (المشاركة 725744)

باشا انا لسي جاى من عند السمكرى دلوقتى حالا بعمل موضوع العلب والتفتيح اللى فى الحوض برضه والحسبة فارقة عنك حاجة بسيطة
يعنى الرفرفين بتركيبهم باللحامات كله حسبهولى ب500 جنيه وجوز المساعدين الاستيراد 150 جنيه ورش الرفرفين الجداد مكان اللحامات 50 جنيه
اما موضوع وش السلندر انا لسي مغيره من قيمة كام شهر كان عامل 350 جنيه
انا شايف انه مبالغ معاك فى المصنعية شوية لان فى واحد تانى كنت ساله وقالى هاخد مصنيعية 250 جنيه بس انا رحت للسمكرى اللى بتعامل معاه وحسبهالى زى ما قلتلك الرفرفين بتركيبهم باللحامات بالمصنعية 500 جنيه

شكرا علي ردك بس هو فيه حاجه يا باشا
هو قالي هيعيد علي العربيه كلها وكمان الابواب مفارقه برضه هيظبطها والشنطه
يعني تقريبا هيعيد علي العربيه كلها
عموم هو بدا شغل من النهارده
والله المستعان

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 725753)

بص بالنسبه لاسعار قطع الغيار كلها فالاسعار كويسه وديه تعتبر متوسط سعر السوق و كله فل

بس مصنعية السمكرى هى اللى عالية شوية لانه لو بيشد عربيه 128 كامله هياخد من 1000 ل 1500 (ده المتوسط) بدون تغير الرفارف طبعا

فما بالك على الحاجات البسيطه ديه هياخد 700 جنية فده كتير شوية

انا بقول اخره اخره 400 بالكتير

وعموما لو الراجل ده شغله كويس وله سمعه كويسه خلاص يبقى خليك معاه وكمل معاه للاخر وخلاص

بس لو مش تعرفه يبقى حاول تنزل معاه

و ربنا يباركلك ان شاء الله

و

تعملها على خير

و

مستنين تبقى تصور قبل و بعد وتحط الاسعار وكده علشان الكل يستفاد من تجربتك وربنا يجزيك خير ان شاء الله

و

رمضان كريم

زي ما انت قولت هو هيعيد علي العربيه كلها بما فيها الابواب والشنطه والرفارف من ورا واللي قدام كمان والاكصدامات وطبعا الشروخات اللي في الشاسيه
وعشان كده انا منزل الماتور يعني مفضي العربيه
بس في سؤال الدوكو تكلفنه قد ايه
لان اللي هيعملهه واحد صاحبي ومش راضي يقول علي السعر
وطبعا الدوكو للعربيه كلها

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة ahmed_592005 (المشاركة 727333)

فعلا لا اعلم تكلفة الدكوا

ولكن اعتقد ثمن البويه هيبقى فى حدود 1000 1500
وربنا يعينك

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

لو سمحتو يا جماعه انا جديد فى المنتدى وكنت عايز استفيد من خبرتكم فى مجال السيارات .. انا كنت عايز اجيب نور لصالون العربيه فــ ممكن مكان اجيب منه و السعر بعد اذنكو و كنت عاوز اركب سماعتين فى البابين اللى قدام مع العلم ان ملهمش مكان هل ده ينفع ولا لا .. و العربيه موديل 1991 .. و شكرا مقدما