| aymangalal |
05-09-2012 01:29 PM |
رد: يوميات سيترونتى........ الـ AX
اقتباس:
المشاركة الأصلية كتبت بواسطة samiro
(المشاركة 749199)
السلام عليكم انا لسة مسجل فى الموقع دلوقتى لانة موقع محترم وجامد كده انا عرفتة بالصدفة من بحث فى جوجل ... المهم عشان مطولش عليكم انا قدامى عربية ستروين ax موديل 95 1300 سى سى العربية حالتها كويسة بيقولى التكييف محتاج كباس والخراطيم بس ويشتغل وعوزة ساعة حرارة لان عداد الحرارة مش شغال باقى العدادات شغالة والباب بتاع الشنطة الفيبر اللى ورا فى شرخ كده وهو لحمة ومش باين اوى يعنى وهو عاوز فيها 18000 نهائى السعر دة كده كويس مع العلم انا من طنطا وهل يوجد اماكن لقطع الغيار والصيانة فى طنطا وياريت الرد بالتفصيل بالله عليكم انا لسه جديد واسف على الاطالة
|
اهلا وسهلا بحضرتك فى بيتك التانى مصر موتورز مبدئيا ستروين AX عربية الناس اللى بتقدر وبتعرف تتعامل مع العربية ذات الامكانيات المعقولة والسعر المنخفض "تكييف-سنتر-زجاج كهرباء-موتور1400" كل دى امكانيات كويسة مقابل السعر اللى يتراوح من 15 الى 20 الف فى احسن الاحوال وبالمناسبة العربية دى فى منها 1100 و 1400 CC واول مرة اسمع عن 1300 فى ستروين الا اذا كان مسقط موتور متوافق مع الحوض عموما اكشف على العربية كويس واتأكد ان كل الكماليات شغالة وبالنسبة لعداد الحرارة طبعا ده روح العربية لكن مقدور علية وممكن يتغير او يتركب عداد تانى خارج التابلوه فى اسوأ الاحوال والشرخ اللى فى فيبر الشنطة انت الوحيد اللى تقدر تقدرة ان كان مقبول ولا لأ
وللأسف انا من القاهرة وماعنديش اى معلومة عن قطع الغيار فى طنطا على العموم اسأل برضه قبل ما تشترى على التجار والصنايعية اللى موجودين حواليك علشان ماتحتاسش لو احتاجت تغير حاجه او تصلح حاجه
واعتذر عن التأخير فى الرد "الدنيا مشاغل بقى" هههههههههه ربنا يوفقك الى ما فيه الخير
اقتباس:
المشاركة الأصلية كتبت بواسطة foxking_369
(المشاركة 751173)
السلام عليكماولا انا بحييك على الموضوع الجميل دا لانه مفيد لاى حد بيفكر يجدد عربيته.ثانيا انا زعلان جدا ان بعد كل دا حضرتك بعت العربيه. ان شاء الله ربنا يرزقك باحسن منها 100 مره
|
وعليكم السلام ورحمة الله وبركاته اشكرك جدا على تحيتك الغالية دى وان شاء الله يكون ليك نصيب من الاستفادة للاسف انا بعت لظروف مادية مش اكتر والحمد لله واشكرك مره تانية على مشاركتك الطيبة دى |
