المشاركة الأصلية كتبت بواسطة SuccessCre8or (المشاركة 45552)

دلوقتي يا أستاذ أحمد عندي سؤال .. مش عارف إذا كان مشكلة بجد ولا أية...

التكييف:
انا فاكر الصيف اللي فات لما كنت بشغله على 2 ( المروحة ) كنت بعد 10 دقائق ببرد و اشغله على واحد ...يعني كنت مبسوط جدا من التكييف بصراحة

اليومين دول بدأت أشغل التكييف بعد فترة طويلة من أيام الصيف اللي فات و مش عاجبني ... حاسس أنه مش زي الأول خالص ... اه بيبرد لكن مش زي الأول
مع العلم اني في الشتا كنت بشغله على الدافي ساعات و بخليه يجيب الهواء من خارج العربية ( مكنتش عرفت حكاية ان مفيش فلتر تكييف )

ممكن أعرف أي معلومات مفيدة .. او المفروض أعمل اية ؟

شكراً..

المشاركة الأصلية كتبت بواسطة AHMEDCAR (المشاركة 45726)

اباشا الجو الصيف ده غير السنه اللى فاتت خالص متنساش ان التكييف بيتاثر بحراره الجو يعنى لو الجو كويس نسبيا هايسقع العربيه فى السريع لكن لو الجو وحش هايستنى شويه و برضو لو راكن العربيه فى الشمس تفرق عن لو كنت راكنها فى الظل

و علشان تصدق كلام جرب كده تشغله بليل هتلاقى نفسك بتقفله بعد 5 دقايق من السقعه
و برضو لزياده التاكيد قولهم عليه فى التوكيل يشيكوا عليه لكن انا عن نفسى

الؤال ده بيسالى كل سنه فى بدايه الصيف حتى انا نفسى بساله لنفسى هو التكييف كويس و لا انا اللى بشك اه والله لكن ما اكتشفت ان كل الكلام ده هواجص

المشاركة الأصلية كتبت بواسطة Ahmed Anwer (المشاركة 45754)

انتا قصدك هواجص جمع هجصه

و لا هواجس جمع هاجسه