رد: الرد علي كل ما يخص السيارات الهيونداي
 

متشكر جدا ليك يا باشا بس انا ليا سؤال كمان معلش . فى لمبتين على شكل ترموتر جمب بعض يعنى اكيد الاتنين خاصين بالحراره ايه الفرق بين الاتنين ؟ و سؤال كمان سورى انا عايز اركب فوج لايت فى التوكيل ياترى هيرضو ولا لأ و هتتكلف كام؟

رد: الرد علي كل ما يخص السيارات الهيونداي
 

مش هينفع تركب فوج لايت
واللمبتين لازم اشوف قصدك علي ايه بالظبط لاني مش فاهم علي شكل ترمومتر

رد: الرد علي كل ما يخص السيارات الهيونداي
 

من فضلكلم يا جماعه انا عايز اعرف صيانه ١٠٠٠ كم للجيتز تتكلف كام و ياريت يا حضرات حد يفيدنى برد علشان عايز اعرف ضرورى

رد: الرد علي كل ما يخص السيارات الهيونداي
 

ا/محمود
انا اتعلمت السواقة من فترة قصيرة وان شاء الله حشترى عربية اوتوماتيك خلال الشهرين الجايين ومحتارة اوى لان خبرتى فى العربيات محدودة جدا العربية حتكون عائلية وان شاء الله حتكون عربية العمر لانى مش حفكر اغيرها وعايزة حضرتك ترشحلى عربية هيونداى تكون قوية وهيكلها ثقيل وثابتة مع السرعات العالية ومستوى ارتفعاها مناسب وتستحمل السفر والسير فى شوارعنا الزحمة المليانة مطبات وتكون قطع غيارها متوفرة وبسعر مناسب وايضا اقتصادية فى البنزين باختصارعايزة عربية سوبر كار وارجو ان تكون الفئة السعرية من 80الف ولاتزيد عن 100الف وان تكون العربية اوتوماتيك. معلش طولت علي حضرتك

سؤال بخصوص فيرنا 2011
 

بعد التحية من فضلك ياأستاذ /محمود
أنا مقبل أنشاء الله على شراء فيرنا 2011 كاملة مانيوال فمن فضلك أرجو الأجابة على بعض الأسئلة بمنتهى الأمانة والموضوعية
هل موتور الفيرنا2011 هندى وماهى نسبة التكوين المحلى بها وأرجو ذكر القطع المصرية المستخدمة فيها
وهل تم علاج مشكلة أحتكاكها بالمطبات وماهى الفروقات التى بينها وبين الموديلات السابقة
لأنى لاحظت من خلال قيادتى لموديل 2010 أن السحب قل عن الاول بعكس موديل 2008 وذلك عن تجربة
أرجو الافادة ضرورى ولسيادتكم جزيل الشكر....