رد: فنجان قهوه ليا وواحد تاني للحائط
 

الف شكر علي الرسالة الجامدة دي يا ابوحميد وكل سنة وانت طيب وفعلا فكرتنا بالصدقة في رمضان فقد كان رسول الله صلي الله علية وسلم اجود ما يكون في رمضان كان كالريح المرسلة (كانك امسكت النقود ورميتها في مهب الريح)وطبعا نستفيد من الرسالة عدم احراج الفقير عند اخراج الصدقة لة

رد: فنجان قهوه ليا وواحد تاني للحائط
 

جميل ... بس مينفعش عندنا
لأننا حندخل الاول نطلب القهوه من على الحيطه .. و بعد كده نطلب الاكل و الشرب والذي منه
وابو بلاش كتر منه ...
للأسف المحتاج فعلا اليومين دول هو اللي بيحرج يمد ايده ...
اما محترفي التسول .. واخدينها عافيه و زن ..

رد: فنجان قهوه ليا وواحد تاني للحائط
 

والله عندك حق ياهندسه ...... ياريت بس الواحد يعرف اللي مابيمدش إيده وربنا يهدينا ليهم ويهديهم لينا ... والله الواحد طول ماهو ماشي في إشارات أو على أبواب جوامع وسوبرماركتات تلاقي المادين إيديهم والواحد بيبقى مش عارف يدي ولا لأ
لأن في الغالب بيكونوا محترفين سرقه مقنعه تحت شعار الحسنه .. فالواحد ياإما يساعد على إنتشار الفساد ياإما تديهم وتحس بالذنب لأنك ساعدت على إنتشارهم أكثر وأكثر .. وبعدين الواحد يقول في سره المهم النيه والباقي بتاع ربنا أنا مش حعمل بحث عن كل واحد يقابلني ....شيء محير

رد: فنجان قهوه ليا وواحد تاني للحائط
 

القصه دى بتفكرنى بزميل لى راح باكستان ! و دخل مطعم للمشويات ! و أكل فخذة خروف مشويه كامله

وقال كانت لذيذه قوى ! المهم وهو بيدفع الحساب ! صاحب المطعم قال له ممكن تدفع مثلا 10 أو 5 جنيهات !

فقال له ليه هوه السعر موش ثابت ولا ايه ؟ فقال له أنظر خارج المطعم فوجد صفوفآ من الرجال جالسين على

الآرض وكل صف عباره عن 5 أشخاص ! وعندما تدفع الحساب ممكن حسب رغبتك تدفع حساب أكل صف

أو صفين من الرجال ! طبعآ موش حياكلوا لحم خرفان مثلك لكن سيأكلون ويشبعون ! ولن يسرقك صاحب

المطعم لآنه يشاور لهم بمجرد دفع الحساب فيقومون بنظام و بدون هرج ويأكلون مجانآ والثواب عند الله !

Dr. Bolbolan ptmnlo123per122

رد: فنجان قهوه ليا وواحد تاني للحائط
 

ياريت يكون عندنا مشروع زي ده والله والله ليشتغل ببركة ربنا نظرا لما يقدمه المطعم من تكافل إجتماعي .. بس المشكله في صفوف الرجال بالخارج ستكون من اللي واقفين في الإشارات وبكده يبقى برضه راحت الحسنه لمن لايستحقها ... حسبي الله ونعم الوكيل