|
|
احزروا النصب عن طريق المحمول
السلام عليكم ورحمة الله وبركاته اعزائى .. اعضاء منتدى مصر موتورز النهارده اتعرضت لواحده من عمليات النصب عن طريق المحمول .. ولكن الحمد لله الواحد طلع منها على خير النهارده وانا راجع انا وزوجتى من مشوار وعند وصولى البيت زوجتى اخدت هنا ومفاتيح الشقه والموبايل بتاعى وطلعت هى وانا فضلت تحت علشان اركن العربيه ولما انا طلعت زوجتى قالت لى انها بعد ما طلعت علطول جالى رساله على موبايلى نصها كالتالى :- تم تحويل 50 جنيه من رقم 01013484037 لطلب رصيد ب 15 قرش الموبايل *506*1# وبعد الرساله باقل من نص دقيقه جالى 3 رسايل تانيه من نفس الرقم اللى حول ليه الرصيد ( كلمنى شكرا ) وبعدها بدقيقه اتصل بيها الرقم اللى حول ليه الرصيد وكلمتها وحده ست صوتها بيقول ان سنها كبير وهى شبه منهاره وقالتها يا بنتى انا حولتلك الرصيد دا بالغلط وانا الله اعلم انا جبت فلوس الرصيد دا ازاى علشان ابنى يكلمنى والنبى يا بنتى رجعيهولى فكان رد زوجتى : حاضر يا حاجه بس انا مش صاحبة التليفون واول ما هيجى صاحبه هخليه يرجعهولك وانتهت المكالمه على كده .. بس برضه الست فضلت ترن على الموبايل رنه صغيره وتقفل فاخدت منها الموبايل وقريت الرساله فالقيتها فعلا الرقم محولى الرصيد فاخدت الرقم على موبايل تانى علشان احوله الرصيد ولكن لما اتصلت برقم تحويل الرصيد وجدت ان رصيدى زى ما هو مازدش ولا حاجه فاستغربت جدا وبدات اتصل بخدمة العملاء علشان اعرف منهم ازاى الرصيد ماجاليش وبعد ما موظف خدمة العملاء راجع بياناتى وخريطه مكالماتى وشحنى قاللى الرساله اللى جت لحضرتك دى وهميه فقلتله يعنى ايه وهميه قاللى يعنى الرقم دا مابعتلكش رصيد ولا حاجه فاستجمعت تفكيرى وقلتله .. يعنى انا دلوقتى لو بصيت على الرساله اللى بتقولى انه تم تحويل رصيد ليك هلاقى ان اللى باعتها نفس الرقم مش اسم الشبكه فكان رده : بالظبط وبالفعل لما قفلت معاه وبدات افتح الرساله لقيت انها مبعوته من رقم مش من اسم الشبكه وهنا اتأكدت انهم نصابين طبعا حاولت انى اتصل بالرقم علشان ياخدوا اللى فيه النصيب ولكن ماحدش رد عليه فأرجوا من اى حد يتعرض لنفس الموقف دا 1- انه مايتسرعش ويحول الرصيد غير بعد ما يتاكد انه فعلا فيه رصيد جاله 2- ان الرساله اللى بتفيد انه تم تحويل رصيد ليك بتكون جايه باسم الشبكه اللى انت تابع ليها مش رقم تليفون 3- انك تتاكد ان رصيدك زاد ولو مش عارف رصيدك كان كام فمن الافضل انك تتصل بخدمة العملاء للخط اللى انت تابع ليه وتتأكد من تحويل الرصيد وساعتها ممكن تحول الرصيد او تضرب عليه .. وانت وضميرك بقى |
رد: و ..... بدأت ثورة الجياع
خالد يوسف جابها في فيلم من افلامه ودول مش لازم يكونوا حراميه ممكن يكونوا مش لاقيين ياكلو:121155~191: ارحموا من في الارض يرحمكم من في السماء
|
رد: احزروا النصب عن طريق المحمول
شكرا ياباشا علي المعلومه:soccer_372:
|
رد: فتح معبر رفح وتهديدات أسرائيل لمصر
قالت صحيفة جيروزاليم بوست الإسرائيلية إن الجيش الإسرائيلى يستعد لخوض حرب محتملة مع مصر على المدى القريب، فى حالة تدهور علاقات البلدين وإلغاء الاتفاقية إثر وصول الإسلاميين للسلطة فى مصر.
وأضافت الصحيفة أن الجيش الإسرائيلى يزعم أن هناك أشخاصا "إرهابيين" يخططون لمهاجمة مواقع إسرائيلية عبر سيناء وخطف ضباط وجنود إسرائيليين، بهدف ضرب العلاقات الدبلوماسية بين تل أبيب والقاهرة، وزيادة التوتر بين البلدين، نتيجة لفوز الإسلاميين "الإخوان والسلفيين" فى الانتخابات البرلمانية الجارية فى مصر. وأعربت مصادر عسكرية إسرائيلية لصحيفة "جيروزاليم بوست" الإسرائيلية، عن استعدادات لخوص حرب محتملة مع مصر، وأكدت مخاوفها من تحضير إرهابيين مصريين وفلسطينيين لتنفيذ هجوم جديد داخل الحدود الإسرائيلية عبر سيناء، مثل هجوم "إيلات" الذى وقع منذ 3 أشهر، وقام فيه إرهابيون بالتسلل من سيناء لمدينة إيلات، وهاجموا عسكريين ومدنيين إسرائيليين، مما أدى إلى مقتل 8 إسرائيلين وإصابة 30 آخرين. وأشارت الصحيفة إلى أنه لهذا قام الجيش الإسرائيلى بتأمين منطقة الحدود الإسرائيلية مع مصر بكافة الوسائل اللازمة، وزود المنطقة بلواءات عسكرية وإقليمية جديدة ووسائل تكنولوجية غاية فى الحداثة، مثل أجهزة الرادار وأسلحة التحكم عن بعد، لمراقبة وتمشيط المنطقة بحثاً عن الإرهابيين فى سيناء، هذا بالإضافة إلى تسريع البناء فى الجدار الفاصل مع مصر لحماية حدود إسرائيل. |
رد: احزروا النصب عن طريق المحمول
اكنبها كمان علي صفحتك علي الفيس بوك حتي توصل لاكبر عدد ممكن
جزاك الله كل الخير لمساعده الاخوه |
| الساعة الآن 09:15 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017