مصر موتورز مجتمع السيارات - ارشيف الاستراحة 2011

اولا قدرالله وما شاء فعل انا النهارده كنت راكب العربيه ونزلت منها مرتين كده بشوف المحفظه لما روحت البيت ملقتهاش في جيبي وكان فيها الرخصه الشخصيه ورخصه العربيه والبطاقه وكارنيهات كتير ومبلغ 600 جنيه هوه مش مشكله الفلوس انا بس زعلان علي الرخص والاوراق اللي فيها ياريت تدعولي اللي يلاقيها يبعتلي الرخص والبطاقه والاوراق بس اللي فيها ادعولي تجيلي يارب عشان انا مضايق اوي وشكرا

فياتاوى

04-12-2011 08:14 PM

رد: محفظتي ضاعت مني النهارده وفيها كل حاجه (ادعولي تجيلي تاني )

خير ان شاء الله

حصلت مع خالى قبل كدا
كان فى المواصلات والمحفظة اتنشلت منه

وتقريباً الى نشلها خد الفلوس ورماها
بعد كام يوم لقى واحد جايله بعربية على عنوان البطاقة بيديلوا المحفظة

ربنا يعترها فى ايد واحد بن حلال زى دا

corsair

04-12-2011 08:23 PM

رد: محفظتي ضاعت مني النهارده وفيها كل حاجه (ادعولي تجيلي تاني )

ان شاء الله ترجعلك بس نصيحة افتكر كل مشاويرك اللي عملتها في اليوم ده وارجع علي نفس المسار واسئل مش هتخسر حاجه

الساعة الآن 12:14 PM.

صفحة 3636 من 3848