المشاركة الأصلية كتبت بواسطة م احمد (المشاركة 167521)

دكتور تامر فى عربية قدامى اكسنت موديل 2005 (1300 cc) عداد 57000 كم و ده كلام صاحبها (السيارة فبريقة دواخل بالكامل ورشة جوانب برة للنظافة فقط ومفيهاش اى استعدال على البارد حتى ومش عاملة اى حوادث واللون ذهبى والبوية ممتازة والكوتش ممتاز وحالة العفشة والموتور بحالة الزيرو ولا تحتاج اى مصروف لاعوام استخدام بسيط جدا) و طالب 42 الف نهائى
ايه رأى حضرتك مع العلم انى طالما هدفع المبلغ ده كنت افضل اللانوس عن الاكسنت لكن لو العربية دى تعتبر لقطة و حضرتك تشجعنى عليها ممكن اخلص فيها و خلاص
و يا ريت لو فى حد فى المنتدى قدامه عربية لانوس حالتها حلوة يبلغنى و سعرها يكون بما يرضى الله

المشاركة الأصلية كتبت بواسطة smartghost911 (المشاركة 167677)

و يا ريت تسعير و رأى حضرتك
فى سيفيك كاملة أوتوماتيك موديل93 بدون فتحة سقف
العربية رشة من برة و فيها رش جوة بس بيقولولى كل السيفيك بيبقى كده
هى عاجبانى بس لأنها أوتوماتيك
مستنى راى حضرتك و ممتن جدا لتعب حضرتك معايا

المشاركة الأصلية كتبت بواسطة classboy (المشاركة 167786)

والله ياباشا انا زهقت نفسي اقرر اشتري ايه وكل لما استقر تيجي ناس تخليني أققلق تاني ... فياريت تساعدني
انا دلوقتي الاختيار بالنسبه ليا علي 3 عربيات لانوس وناس كتسر قالولي ان عيبها في العفشه ومش ثابته ومش عمليه وضعيفه وابعد عنها ده كلام الصنايعيه مع اني انا مقتنع بيها جدا

العربيه التانيه البطه : وده لاني معيش تمن الكرستاله قالةلي دي أحسن من الانوس بكتير وثابته وياباني وعربيه قويه

والعربيه التالته هيه الاكسنت : وقالولي أحسن من الانوس

ده كلام الصنايعيه مش عارف بيقولو كده عن الانوس ليه مع اني شايف انها منتشره وكويسه فياريت تفدني ياباشا

والعربيه الي ترشحلي تقولي ايه عيوبها